தானிய இலை வண்டு

இது எதனால் ஏற்படுகிறது

இந்த நோய்க்கான சேதங்களானது ஒளலெமா மெலனோபஸ் என்னும் வண்டின் முட்டைப்புழுக்களினால் ஏற்படுகிறது. முதிர்ந்த வண்டுகள் சுமார் 5 மி.மீ. நீளத்தில், சிவப்பு நிறத் தலை மற்றும் கால்களுடன் கரு நீல இறக்கைகளைக் கொண்டிருக்கும். இவை வயலின் வெளிப்பகுதிக்குப் பரவி, காற்றுக் குவிபொருள், பயிர்த்தாள் மற்றும் மரப்பட்டை வெடிப்புகள் போன்ற பாதுகாப்பான பகுதிகளில் குளிர்காலத்தைக் கழிக்கும். சுற்றுச்சூழல் நிலைமைகள் மேம்படும்போது, வசந்த காலத்தில் வெப்பநிலை 10 டிகிரி செல்சியஸ் இருக்கும்போது, இவை வெளியாகும். வெதுவெதுப்பான வசந்த காலம் இவற்றின் வாழ்க்கைச் சுழற்சிக்கு சாதகமாக இருக்கின்றது, அதே சமயம் குளிர் காலங்கள் இவற்றின் வளர்ச்சியைத் தடுக்கிறது. இனச்சேர்க்கைக்குப் பிறகு, இலைகளின் அடிப்புறத்தில், பெரும்பாலும் மையநரம்பு நெடுகிலும் பெண் பூச்சிகள் பிரகாசமான மஞ்சள், உருளை வடிவ முட்டைகளை இடும், மேலும் இவை நீண்ட காலத்திற்கு (45-60 நாட்கள்) தொடர்ந்து முட்டையிடும். 7-15 நாட்களுக்குப் பிறகு முட்டைப்புழுக்கள் வெளிவந்து, இலைகளின் மேற்புறத் தோல்களை உண்ண ஆரம்பித்து, மோசமான சேதங்களை ஏற்படுத்தும். இவை மஞ்சள் அல்லது வெள்ளை நிறத்தில், கூன் முதுகுடன் , கருநிறத் தலையையும், ஆறு சிறிய கால்களையும் கொண்டிருக்கும். உணவு உண்ட 2-3 வாரங்களுக்குப் பிறகு முதிர்ச்சி அடையும்போது, இவை கூட்டுப்புழுக்களாக மாறி, 20-25 நாட்களில் முதிர்ந்த வண்டுகளாக மாறி, மீண்டும் தனது வாழ்க்கைச் சுழற்சியைத் தொடங்கும்.