கோதுமையின் இலை மற்றும் உமி கொப்புளங்கள்

இது எதனால் ஏற்படுகிறது

பாராஸ்டாகோனோஸ்போரா நோடோரம் எனும் பூஞ்சைகளால் இந்த இலை நோய் ஏற்படுகிறது. இப்பூஞ்சைகள் கோதுமையின் வைக்கோல், பாதிக்கப்பட்ட விதைகள் அல்லது புரவலன் பயிர்களில் உயிர்வாழும். பூஞ்சைகள் நீரின் மூலம் பரவும், மேலும் இவை பரவுவதற்கு 12 முதல் 18 மணி நேர ஈரப்பதம் தேவை. மண்ணிற்கு அருகேயுள்ள முதிர்ந்த இலைகள் முதலில் பாதிக்கப்படும். பின்னர் காற்று அல்லது மழைச் சாரல்கள் அல்லது காற்றின் மூலம் பயிரின் மேல்பாகங்களுக்கும், பிற பயிர்களுக்கும் பரவுகின்றன. பருவகாலத்திற்குப் பின்னர் ஏற்படும் பாதிப்புகளில், நோய் பரவல் மேற்புறம் வரை சென்றால் உமியில் கொப்புளங்களை ஏற்படுத்தும். இது தானியங்களை சுருங்க செய்து, விளைச்சலை குறைத்து விடும். பருவ காலத்தின் பிற்பகுதியில் வித்துக்கள் காற்றின் மூலம் பரவி வெகுதொலைவில் உள்ள பிற நிலங்களிலுள்ள பயிர் நாற்றுக்களைப் பாதித்து, நோயினை பரவச் செய்யும் ஆற்றல் கொண்டவை. இதன் காரணமாக பின்னர் பயிரிடப்படும் பயிர்களில் சீக்கிரம் நோய்த்தொற்று ஏற்படும் மற்றும் ஒழுங்கற்ற முறையில் வளர்ச்சி இருக்கும். வெப்பநிலை 7 டிகிரி செல்சியஸ்க்கு குறைவாக இருக்கும்போது இதன் வாழ்க்கை சுழற்சி நின்றுவிடும். 20-27 டிகிரி செல்சியஸ் வெப்பநிலை இந்நோய் வளர்ச்சிக்கான வெப்பநிலையாகும்.