கோதுமை இலை துருநோய்

இது எதனால் ஏற்படுகிறது

புசினியா டிரிடிசினா எனும் பூஞ்சைகளால் இந்நோய் ஏற்படுகிறது. இது பயிர்த் திசுக்களைத் தாக்கும் ஒருவகை ஒட்டுண்ணி பூஞ்சையாகும். இதன் வாழ்க்கைச் சுழற்சியினை முழுமை பெறச் செய்ய இதற்கு உயிருள்ள கோதுமைப் பயிர்கள் அல்லது மாற்றுப்புரவலன்கள் தேவைப்படும். வித்துக்கள் தனது மூலங்களிடம் இருந்து 100 கிலோமீட்டர் தொலைவில் உள்ள நிலத்திற்குக் கூட காற்றின் மூலம் பரவும் தன்மை கொண்டவை. அதிகளவிலான ஈரப்பதம் அல்லது நீண்டகால இலையின் ஈரப்பதம் மற்றும் வெப்பநிலை 10 – 30 டிகிரி செல்சியஸ் (16-22 ° C உகந்ததாக இருக்கும்) வரையிருப்பின் இவை முளைக்கத் தொடங்கும். இந்த சூழ்நிலைகளில், வித்துக்கள் இலைகளில் பட்ட முப்பது நிமிடங்களுக்குள் வளரத் தொடங்கும். அதிக விகிதங்களில் நைட்ரஜன் உரங்களை அளித்தலும் நோய்க்குச் சாதகமாக அமையும். பயிர்களின் இலைகள் அல்லது இலை உறைகளில் அமையும் இயற்கையான துளைகளின் மூலம் இப்பூஞ்சைகள் பயிர்களுக்குள் நுழைகின்றன. பூஞ்சைகள் தனது வாழ்க்கைச் சுழற்சியினை 7 முதல் 8 நாட்களுக்குள் முடித்துக்கொள்கின்றன, இது நிலத்தின் சூழல்களைப் பொறுத்தமையும். தானியக் குடும்பத்தில் புசினியா டிரிடிசினா பூஞ்சைகள் பல்வேறு மாற்றுப் புரவலன்களை கொண்டுள்ளன.