рмЪрм┐рмирм╛рммрм╛рмжрм╛рмо

рмЧрмЫрморнВрм│ рмУ рмЧрм│рм╛рммрмирнНрмз рм╕рмврм╛

Athelia rolfsii

рмлрм┐рморнНрмкрм┐

5 mins to read

рм╕рмВрмХрнНрм╖рнЗрмкрм░рнЗ

  • рмХрм╛рмгрнНрмб рмЙрмкрм░рнЗ рмзрм│рм╛, рмХрм│рм╛ рмирм░рмо рмЖрм╕рми, рмЧрнЛрм▓рм╛рмХрнГрмдрнНрмд рммрнГрмжрнНрмзрм┐ рмжрнЗрмЦрм╛ рмпрм╛рмЗрмерм╛рмП рмУ рмЬрморм┐ рм╕рм╛рм░рм╛ рммрнНрнЯрм╛рмкрм┐ рмпрм╛рмЗрмерм╛рмП.
  • рмкрмдрнНрм░ рмЧрнБрмбрм┐рмХ рмЭрм╛рмЙрмБрм│рм┐ рмпрм╛рмЖрмирнНрмдрм┐.
  • рмлрм╕рм▓ рмЭрм╛рмЙрмБрм│рм┐ рмпрм╛рмП рмУ рморм░рм┐ рмпрм╛рмП.

рмормзрнНрнЯ рмжрнЗрмЦрм╛ рмпрм╛рмЗрмкрм╛рм░рнЗ

28 рмлрм╕рм▓ рмЧрнБрмбрм┐рмХ
рммрм╛рм░рнНрм▓рм┐
рммрм┐рми
рмХрм▓рм░рм╛
рммрмирнНрмзрм╛рмХрнЛрммрм┐
More

рмЪрм┐рмирм╛рммрм╛рмжрм╛рмо

рм▓рмХрнНрм╖рмг

рмПрм╣рм┐ рмХрммрмХ рморнБрмЦрнНрнЯрмдрмГ рмХрм╛рмгрнНрмб рмХрнБ рмЖрмХрнНрм░рмормг рмХрм░рм┐рмерм╛рмП рмпрмжрм┐рмУ рмЕрмирнНрнЯ рмЕрмВрм╢рмХрнБ рмормзрнНрнЯ рмЕрмирнБрмХрнВрм│ рмкрм░рм┐рммрнЗрм╢рм░рнЗ рмЖрмХрнНрм░рмормг рмХрм░рм┐рмерм╛рмП. рмПрм╣рм┐ рмХрммрмХ рмЧрмЫ рмЯрм┐рм╕рнБ рмУ рмдрм╛рм╣рм╛ рм╕рм╣ рм▓рм╛рмЧрм┐рмерм┐рммрм╛ рморм╛рмЯрм┐рм░рнЗ рм░рнЗ рммрм╣рнБрмд рм╢рнАрмШрнНрм░ рммрмврм┐рмерм╛рмП. рмПрм╣рм╛ рмПрмХ рмзрм│рм╛ рмлрнБрм░рнБрмлрнБрм░рм┐рмЖ рмкрм░рм╕рнНрмд рмпрнЗрмЙрмБрмерм┐рм░рнЗ рмЧрнЛрм▓, рмдрморнНрммрм╛рм│рм┐рмЖ рм░рнБ рммрм╛рмжрм╛рморнА рм░рмЩрнНрмЧрм░ рмормЮрнНрмЬрм┐ рмпрм╛рм╣рм╛рмХрнБ рм╕рнНрмХрнНрм▓рнЗрм░рнЛрм╕рм┐рмЖ рмХрнБрм╣рм╛рмпрм╛рмП. рмХрм╛рмгрнНрмбрм░ рмЯрм┐рм╕рнБ рморм│рм┐рми рммрм╛рмжрм╛рморнА рм░рмЩрнНрмЧ рмУ рмХрнЛрморм│ рм╣рнЛрмЗрмпрм╛рмП рмХрм┐рмирнНрмдрнБ рмкрм╛рмгрм┐рмнрм┐рмЬрм╛ рм╣рнЛрмЗрмирмерм╛рмП. рмХрнЗрмдрнЗрмХ рмХрнНрм╖рнЗрмдрнНрм░рм░рнЗ рмХрм╛рмгрнНрмб рм╕рморнНрмкрнВрм░рнНрмгрнНрмг рмнрм╛рммрнЗ рмЧрнБрмбрнЗрмЗ рм╣рнЛрмЗрмпрм╛рмП рмУ рмкрмдрнНрм░рм╕рммрнБ рмзрнАрм░рнЗ рмзрнАрм░рнЗ рмЭрм╛рмЙрмБрм│рм┐ рм░рмЩрнНрмЧрм╣рнАрми рм╣рнЛрмЗрмпрм╛рмП. рм╢рнЗрм╖рм░рнЗ рмЧрмЫ рмирм╛рмЗрмБ рмкрмбрнЗ рмХрм┐рморнНрммрм╛ рморм░рм┐рмпрм╛рмП. рммрм┐рм╢рнЗрм╖ рмХрм░рм┐ рмЪрм╛рм░рм╛ рмПрм╣рм┐ рм░рнЛрмЧ рмкрнНрм░рмдрм┐ рмжрнБрм░рнНрммрм│ рмЕрмЯрмирнНрмдрм┐рм┐ рмПрммрмВ рм░рнЛрмЧ рмжрнНрн▒рм╛рм░рм╛ рмЖрмХрнНрм░рм╛рмирнНрмд рм╣рнЗрм▓рнЗ рм╢рнАрмШрнНрм░ рморм░рм┐рмпрм╛рмП. рммрнЗрм│рнЗрммрнЗрм│рнЗ рмлрм│ рмЙрмкрм░рнЗ рмормзрнНрнЯ рмХрммрмХрм░ рмкрм░рм╕рнНрмд рмжрнЗрмЦрм┐рммрм╛рмХрнБ рморм┐рм│рнЗ рмПрммрмВ рм╕рнЗрм╣рм┐ рмлрм│ рмЕрмдрм┐рм╢рнАрмШрнНрм░ рмирм╖рнНрмЯ рм╣рнЛрмЗрмпрм╛рмЗрмерм╛рмП.

Recommendations

рмЬрнИрммрм┐рмХ рмирм┐рнЯрмирнНрмдрнНрм░рмг

рмПрм╣рм┐ рмХрммрмХрм░ рммрм┐рмХрм╛рм╢ рммрм┐рм░рнБрмжрнНрмзрм░рнЗ рмХрм╛рмо рмХрм▓рм╛ рмкрм░рм┐ рмЕрмирнНрнЯ рмХрммрмХ рмХрнБ рммрнНрнЯрммрм╣рм╛рм░ рмХрм▓рнЗ рм╕рнНрмХрнНрм▓рнЗрм░рнЛрм╕рм┐рмЖрм▓ рм░рнЛрмЧ рмирм┐рнЯрмирнНрмдрнНрм░рмг рм╣рнЛрмЗрмкрм╛рм░рнЗ. рммрм╣рнБрмд рм╕рморнЯрм░рнЗ рмПрм╣рм┐ рмЙрмкрмЪрм╛рм░ рмЕрмирнНрнЯрмирнНрнЯ рмЙрмкрмЪрм╛рм░ рм╕рм╣рм┐рмд рморм┐рм╢рм╛рмЗ рмХрм░ рмпрм╛рмЗрмерм╛рмП. рмлрм╕рм▓рм░ рмкрнНрм░рмХрм╛рм░ рмУ рмкрм░рм┐рммрнЗрм╢ рмЙрмкрм░рнЗ рмПрм╣рм┐ рмкрмжрнНрмзрмдрм┐рм░ рмкрм░рм┐рмгрм╛рмо рмирм┐рм░рнНрмнрм░ рмХрм░рнЗ. рм╕рм╛рмзрм╛рм░рмгрмдрмГ рммрнНрнЯрммрм╣рнГрмд рмХрнЗрмдрнЗрмХ рмЕрмгрнБрмЬрнАрмм рм╣рнЗрм▓рм╛ рмЯрнНрм░рм╛рмЗрмХрнЛрмбрм░рнНрморм╛ рм╣рм╛рм░рнНрмпрм┐рмЖрмирморнН, рмЯрнНрм░рм╛рмЗрмХрнЛрмбрм░рнНрморм╛ рмнрм┐рм░рм┐рмбрнЗ, рммрнНрнЯрм╛рм╕рм┐рм▓рм╕рнН рм╕рммрмЯрм┐рм▓рм┐рм╕рнН, рм╕рнНрмЯрнНрм░рнЗрмкрнНрмЯрнЛрморм╛рмЗрм╕рнЗрм╕рнН рмлрм┐рм▓рм╛рмирнНрмерм┐рм╕рнЛрморнН, рмЧрнНрм▓рм┐рмУрмХрнНрм▓рм╛рмбрм┐рнЯрморнН рмнрм╛рмЗрм░рнЗрмирнНрм╕ рмПрммрмВ рмкрнЗрмирм╕рм┐рм▓рм┐рнЯрморнН рм░ рмХрм┐рмЫрм┐ рмкрнНрм░рмЬрм╛рмдрм┐.

рм░рм╛рм╕рм╛рнЯрмирм┐рмХ рмирм┐рнЯрмирнНрмдрнНрм░рмг

рм░рнЛрмЧрм░ рмкрнНрм░рмдрм┐рмХрм╛рм░ рм╕рммрнБрммрнЗрм│рнЗ рм╕рмормирнНрммрм┐рмд рмЙрмкрм╛рнЯ рм░рнЗ рмХрм░рм┐рммрм╛ рмжрм░рмХрм╛рм░, рмПрмерм┐рмкрм╛рмЗрмБ рмЙрмкрм▓рммрнНрмз рмЬрнИрммрм┐рмХ рмирм┐рнЯрмирнНрмдрнНрм░рмг рм╕рм╣ рмирм┐рммрм╛рм░рмг рмЙрмкрмЪрм╛рм░ рмХрнБ рмормзрнНрнЯ рмзрнНрнЯрм╛рми рмжрнЗрммрм╛ рмжрм░рмХрм╛рм░. рмЧрмЫ рм▓рмЧрм╛рмЗрммрм╛ рмкрнВрм░рнНрммрм░рнБ рморм╛рмЯрм┐рм░рнЗ рммрм╣рнБрморнБрмЦрнА рмлрнНрнЯрнБрморм┐рмЧрм╛рмгрнНрмЯ рммрнНрнЯрммрм╣рм╛рм░ рмХрм░рм┐рммрм╛ рмжрнНрн▒рм╛рм░рм╛ рмПрм╣рм┐ рм░рнЛрмЧ рмнрм▓ рмнрм╛рммрнЗ рмирм┐рнЯрмирнНрмдрнНрм░рмг рм╣рнЛрмЗрмерм╛рмП. рморнВрм▓рнНрнЯрммрм╛рми рмлрм╕рм▓ рм░рнЗ рморнЗрмЯрм╛рморнНрм╕рнЛрмбрм┐рнЯрморнН рмЙрмкрм╛рмжрм╛рми рмерм┐рммрм╛ рмлрм░рнНрморнБрм▓рм╛ рмжрнНрн▒рм╛рм░рм╛ рмдрм│рм┐рмШрм░рм╛ рмХрм┐рморнНрммрм╛ рморнБрмЦрнНрнЯ рмЬрморм┐ рм░рнЗ рммрнНрнЯрммрм╣рм╛рм░ рмХрм░рм╛ рмпрм╛рмЗрмкрм╛рм░рнЗ.

рмПрм╣рм╛рм░ рмХрм╛рм░рмг рмХрмг

рмПрм╣рм┐ рм░рнЛрмЧрм░ рм▓рмХрнНрм╖рмг рмЧрнБрмбрм┐рмХ рмЖрмернЗрм▓рм┐рмЖ рм░рнЛрм▓рмлрнНрм╕рм┐(Athelia Rolfsii) рмПрмХ рмХрммрмХ рмпрм╛рм╣рм╛рмХрнБ рм╕рнНрмХрнЗрм▓рнЗрм░рнЛрмЯрм┐рнЯрморнН рм░рнЛрм▓рмлрнНрм╕рм┐ (Sclerotium Rolfsii) рмормзрнНрнЯ рмХрнБрм╣рм╛рмпрм╛рмП, рмПрм╣рм┐ рм░рнЛрмЧ рм░ рмХрм╛рм░рмг рмЕрмЯрнЗ. рм╕рнНрмХрнЗрм▓рнЗрм░рнЛрмЯрм┐рнЯрморнН рм░рнЛрм▓рмлрнНрм╕рм┐ (Sclerotium Rolfsii) рм░рнБ рмПрм╣рм┐ рм░рнЛрмЧрм░ рм╕рм╛рмзрм╛рм░рмг рмирм╛рмо 'рм╕рнНрмХрнНрм▓рнЗрм░рнЛрм╕рм┐рмЖрм▓ рм╕рмврм╛' рмЖрм╕рм┐рмЫрм┐. рмПрм╣рм┐ рмХрммрмХ рм╢рнАрмдрмЛрмдрнБрм░рнЗ рморм╛рмЯрм┐ рмХрм┐рморнНрммрм╛ рмдрмдрнН рм╕рмВрм▓рмЧрнНрми рмЧрмЫ рмЕрммрм╢рнЗрм╖ рм░рнЗ рмирм┐рм╖рнНрмХрнНрм░рм┐рнЯ рм╣рнЛрмЗ рммрмЮрнНрмЪрм┐рмерм╛рмП. рмПрм╣рм╛ рммрм╣рнБрмд рмкрнНрм░рмХрм╛рм░рм░ рмХрнГрм╖рм┐ рмУ рмЙрмжрнНрнЯрм╛рми рмлрм╕рм▓ рмпрмерм╛ рм╣рм░рмбрм╝, рмХрмирнНрмжрморнВрм│, рмХрмЦрм╛рм░рнБ, рмормХрм╛, рмЧрм╣рмо, рмЪрм┐рмирм╛рммрм╛рмжрм╛рмо рмЗрмдрнНрнЯрм╛рмжрм┐ рм░рнЗ рм╕рмВрмХрнНрм░рмормг рм╣рнЛрмЗрмерм╛рмП. рмЕрмирнВрмХрнБрм│ рмкрм░рм┐рммрнЗрм╢рм░рнЗ рмПрм╣рм╛ рмЕрмдрм┐ рмдрнАрммрнНрм░ рмЧрмдрм┐рм░рнЗ рммрмврм┐рмерм╛рмП,рмЕрмгрнНрмбрм╛ рморм╛рмЯрм┐ рмкрм╛рмЦрм░рнЗ рмерм┐рммрм╛ рмЧрмЫрм░ рмЯрм┐рм╕рнБ рм░рнЗ рмжрм┐рми рмжрм┐рми рмзрм░рм┐ рммрм╛рм╕ рммрм╛рмирнНрмзрм┐ рм░рм╣рм┐ рмкрм╛рм░рнЗ. рморм╛рмЯрм┐рм░рнЗ рмХрмо pH (3.0-5.0), рммрм╛рм░рморнНрммрм╛рм░ рмЬрм│рм╕рнЗрмЪрми рмХрм┐рморнНрммрм╛ рммрм░рнНрм╖рм╛, рм╕рмШрми рмЪрм╛рм╖ рмПрммрмВ рмЕрмзрм┐рмХ рмдрм╛рмкрморм╛рми (25-35 ┬░C) рмПрм╣рм┐ рмХрммрмХрм░ рмЬрнАрммрми рмЪрмХрнНрм░ рмкрм╛рмЗрмБ рмЕрмирнБрмХрнВрм│ рмЕрмЯрнЗ. рмЕрмкрм░ рмкрмХрнНрм╖рм░рнЗ рмХрнНрнЯрм╛рм▓рм╕рм┐рмЕрмо рмерм┐рммрм╛ рморм╛рмЯрм┐ рмпрм╛рм╣рм╛рм░ pH рмЕрмзрм┐рмХ рмерм╛рмП рм╕рнЗрмерм┐рм░рнЗ рмПрм╣рм┐ рмХрммрмХ рмХрм┐рмЫрм┐ рм╕рморм╕рнНрнЯрм╛ рм╕рнГрм╖рнНрмЯрм┐ рмХрм░рнЗ рмирм╛рм╣рм┐рмБ. рм░рнЛрмЧрм░ рмкрнНрм░рм╕рм╛рм░ рмЖрмХрнНрм░рм╛рмирнНрмд рморм╛рмЯрм┐ рмУ рмкрм╛рмгрм┐, рмпрмирнНрмдрнНрм░ рмУ рмЙрмкрмХрм░рмг рмдрмерм╛ рм╕рмВрмХрнНрм░рморм┐рмд рмЬрнИрммрм┐рмХ рмкрмжрм╛рм░рнНрме (рммрм┐рм╣рми рмУ рмЧрнЛрммрм░рмЦрм╛рмд) рмжрнНрн▒рм╛рм░рм╛ рм╣рнЛрмЗрмерм╛рмП.


рм╕рнБрм░рмХрнНрм╖рм╛рмдрнНрмормХ рмЙрмкрм╛рнЯ

  • рмкрнНрм░рморм╛рмгрм┐рмХ рмУ рм╕рнБрм╕рнНрме рммрм┐рм╣рми рммрнНрнЯрммрм╣рм╛рм░ рмХрм░рмирнНрмдрнБ.
  • рмпрмжрм┐ рморм┐рм│рнЗ, рмкрнНрм░рмдрм┐рм░рнЛрмзрм┐ рмХрм┐рм╕рморм░ рммрм┐рм╣рми рм▓рмЧрм╛рмирнНрмдрнБ.
  • рммрм┐рм╣рми рмХрм┐рморнНрммрм╛ рмЪрм╛рм░рм╛ рмЕрмзрм┐рмХ рм▓рмЧрм╛рмирнНрмдрнБ рмирм╛рм╣рм┐рмБ, рмЧрмЫ рмарм╛рм░рнБ рмЧрмЫ рмормзрнНрнЯрм░рнЗ рмЕрмзрм┐рмХ рммрнНрнЯрммрмзрм╛рми рм░рмЦрмирнНрмдрнБ.
  • рмбрнЗрм░рм┐рм░рнЗ рмЧрмЫ рм▓рмЧрм╛рмЗрм▓рнЗ рмПрм╣рм┐ рм░рнЛрмЧрм░ рмЖрмХрнНрм░рмормгрмХрнБ рмХрмо рмХрм░рм┐рм╣рнЗрмм.
  • рм░рнЛрмЧрм╛рмХрнНрм░рм╛рмирнНрмд рмЧрмЫ рмУ рмЕрмВрм╢ рмжрнЗрмЦрм╛рмЧрм▓рнЗ рммрм╛рм╣рм╛рм░ рмХрм░рм┐ рмЧрмнрнАрм░ рморм╛рмЯрм┐рм░рнЗ рмкрнЛрмдрм┐ рмжрм┐рмЖрмирнНрмдрнБ рмХрм┐рморнНрммрм╛ рмЬрм│рм╛рмЗ рмжрм┐рмЕрмирнНрмдрнБ.
  • рмЕрмзрм┐рмХ рмЬрм│рм╕рнЗрмЪрми рмХрм░рмирнНрмдрнБ рмирм╛рм╣рм┐рмБ рмХрм╛рм░рмг рмПрм╣рм╛ рмПрм╣рм┐ рмХрммрмХрмХрнБ рм╕рм╛рм╣рм╛рм░рнНрмпрнНрнЯ рмХрм░рм┐рмерм╛рмП.
  • рмЙрмдрнНрмдрмо рмЬрм│ рмирм┐рм╕рнНрмХрм╛рм╕рмирм░ рммрнНрнЯрммрм╕рнНрмерм╛ рмХрм░рмирнНрмдрнБ рмпрмжрнНрн▒рм╛рм░рм╛ рморм╛рмЯрм┐рм░рнЗ рмЕрмдрнНрнЯрмзрм┐рмХ рмЬрм│рнАрнЯ рмЕрмВрм╢ рм░рм╣рм┐рмм рмирм╛рм╣рм┐рмБ.
  • рм░рмЮрнНрмЬрм╛ рммрнНрнЯрммрм╣рм╛рм░ рмХрм░рм┐ рмЧрмЫрмХрнБ рм╕рм┐рмзрм╛ рм╕рм│рмЦ рм░рмЦрмирнНрмдрнБ.
  • рмЧрмЫ рмЕрммрм╢рнЗрм╖рмХрнБ рмЧрмнрнАрм░ рморм╛рмЯрм┐рм░рнЗ рмкрнЛрмдрм┐ рмжрм┐рмЕрмирнНрмдрнБ рмпрмжрнНрн▒рм╛рм░рм╛ рмХрммрмХрм░ рммрм┐рмХрм╛рм╢ рм╣рнЗрмм рмирм╛рм╣рм┐рмБ рмПрммрмВ рморм╛рмЯрм┐ рммрм╛рм╣рм╛рм░рмХрнБ рмЖрм╕рм┐ рм╕рнВрм░рнНрмпрнНрнЯ рммрм┐рмХрм┐рм░рмг рмжрнНрн▒рм╛рм░рм╛ рм░рнЛрмЧ рморнБрмХрнНрмд рм╣рнЛрмЗрмпрм┐рмм.
  • рмЕрмирнЗрмХ рммрм░рнНрм╖ рмкрм░рнНрмпрнНрнЯрмирнНрмд рм░рнЛрмЧ рмкрнНрм░рмдрм┐рм░рнЛрмзрм┐ рмЕрмирнНрнЯ рмлрм╕рм▓ рм╕рм╣рм┐рмд рмлрм╕рм▓ рмЪрмХрнНрм░ рмЕрммрм▓рморнНрммрми рмХрм░рмирнНрмдрнБ.
  • рммрнНрнЯрммрм╣рм╛рм░ рмХрм░рнБрмерм┐рммрм╛ рмпрмирнНрмдрнНрм░ рмУ рмЙрмкрмХрм░рмг рм╕рмлрм╛ рмУ рм░рнЛрмЧрморнБрмХрнНрмд рм░рмЦрмирнНрмдрнБ.
  • рмЧрнЛрмЯрнЗ рмЬрморм┐рм░рнБ рмЕрмирнНрнЯ рмЬрморм┐рмХрнБ рморм╛рмЯрм┐ рмирнЗрммрм╛ рмЖрмгрм┐рммрм╛ рмХрм░рмирнНрмдрнБ рмирм╛рм╣рм┐рмБ.
  • рмЬрморм┐рмХрнБ рмЕрмирм╛рммрмирм╛ рмШрм╛рм╕рм░рнБ рморнБрмХрнНрмд рм░рмЦрмирнНрмдрнБ.
  • рмЬрморм┐рм░рнЗ рмХрм╛рмо рмХрм▓рм╛рммрнЗрм│рнЗ рмЧрмЫрмХрнБ рмХрнНрм╖рмд рммрм┐рмХрнНрм╖рмд рмХрм░рмирнНрмдрнБ рмирм╛рм╣рм┐рмБ.
  • рмХрм│рм╛ рмкрнНрм▓рм╛рм╖рнНрмЯрм┐рмХ рморм▓рмЪ рммрнНрнЯрммрм╣рм╛рм░ рмХрм░рм┐ рморм╛рмЯрм┐ рмШрнЛрмбрм╛рмЗ рм░рмЦрм┐рм▓рнЗ рмХрммрмХрм░ рммрм┐рмХрм╛рм╢ рмХрмо рм╣рнЛрмЗрмерм╛рмП.
  • рморм╛рмЯрм┐рм░рнЗ pH рмХрнБ рмарм┐рмХ рм░рмЦрм┐рммрм╛ рмкрм╛рмЗрмБ рмЪрнБрми рммрнНрнЯрммрм╣рм╛рм░ рмХрм░рмирнНрмдрнБ.
  • рмЧрмЫрм░ рм╢рмХрнНрмдрм┐ рммрмврм╛рмЗрммрм╛ рмкрм╛рмЗрмБ рмнрм▓ рмЦрм╛рмжрнНрнЯрм╕рм╛рм░ рмХрм╛рм░рнНрмпрнНрнЯрмХрнНрм░рмо рмирм┐рмЕрмирнНрмдрнБ.

рмкрнНрм▓рм╛рмгрнНрмЯрм┐рмХрнНрм╕ рмбрм╛рмЙрмирм▓рнЛрмбрнН рмХрм░рмирнНрмдрнБ