Macrophomina phaseolina
рмлрм┐рморнНрмкрм┐
5 mins to read
рмПрм╣рм┐ рморнГрмдрнНрмдрм┐рмХрм╛ рммрм╛рм╣рм┐рмд рмХрммрмХ рмЪрм╛рм░рм╛рм░ рморнВрм│рмХрнБ рм╕рмВрмХрнНрм░рморм┐рмд рмХрм░рм┐ рмжрнЗрмЗ рмерм╛рмЖрмирнНрмдрм┐ рмУ рмкрм░рнЗ рмкрм░рнЗ рмХрм┐рмЫрм┐ рм▓рмХрнНрм╖рмг рми рмжрнЗрмЦрм╛рмЗ рмХрм╛рмгрнНрмб рмпрм╛рмПрмБ рмирм┐рмЬ рммрм╛рмЯ рмЦрнЛрмЬрм┐ рмирм┐рмЕрмирнНрмдрм┐ ред рмкрм░рнЗ рмкрм░рнЗ рммрнЯрм╕рнНрмХ рмХрм╛рмгрнНрмбрм░ рмЖрмнрнНрнЯрмирнНрмдрм░рнАрмг рмЯрм┐рм╕рнБрм░рнЗ рмХрм│рм╛ рммрм░рнНрмгрм╣рнАрмирмдрм╛ рмжрнЗрмЦрм╛ рмпрм╛рмЗрмерм╛рмП рмпрм╛рм╣рм╛рмжрнНрн▒рм╛рм░рм╛ рмПрморм╛рмирнЗ рмПрмХ рмкрм╛рмЙрмБрм╢рм┐рмЖ рммрм╛ рмЕрмЩрнНрмЧрм╛рм░рнБрмЖ рмжрнЗрмЦрм╛рмпрм╛рмирнНрмдрм┐ ред рмдрнЗрмгрнБ рмПрм╣рм╛рм░ рмПрмкрм░рм┐ рмирм╛рмо рм╣рнЛрмЗрмерм╛рмП рмПрм╣рм┐ рмкрмЪрм╛ рмзрм┐рм░рнЗ рмзрм┐рм░рнЗ рмкрм░рм┐рммрм╛рм╣рнА рмЯрм┐рм╕рнВ рмЧрнБрмбрм┐рмХрнБ рмЖрмХрнНрм░рм╛рмирнНрмд рмХрм░рнЗ рмУ рм╢рмХрнНрмд рмдрмирнНрмдрнБрм│ рмжрнЗрмЦрм╛рмпрм╛рмП рмпрм╛рм╣рм╛рм░ рмкрмм рмнрм┐рмдрм░рнЗ рмХрм│рм╛ рмжрм╛рмЧ рмжрнЗрмЦрм╛рмпрм╛рмП ред рмкрм░рм┐рммрм╛рм╣рнА рмЯрм┐рм╕рнВ рмЧрнБрмбрм┐рмХ рмирм╖рнНрмЯ рм╣рнЛрмЗрмпрм┐рммрм╛ рмжрнНрн▒рм╛рм░рм╛ рмкрм╛рмгрм┐ рмЕрмнрм╛рмм рм╣рнЗрм▓рм╛ рмнрм│рм┐ рм▓рмХрнНрм╖рмг рмжрнЗрмЦрнЗрмЗрмерм╛рмП ред рмлрм╕рм▓ рм╕рморнЯ рмЖрмЧрм░рнБ рмкрм╛рмЪрм┐ рмпрм╛рмП рмУ рмПрм╣рм╛рм░ рмжрнВрм░рнНрммрм│ рмХрм╛рмгрнНрмб рмерм╛рмП, рмпрм╛рм╣рм╛рмжрнНрн▒рм╛рм░рм╛ рмПрм╣рм╛ рмнрм╛рмЩрнНрмЧрм┐рмпрм╛рмЗрмкрм╛рм░рнЗ рммрм╛ рмкрмбрм┐рмпрм╛рмЗрмкрм╛рм░рнЗ ред рмЙрмкрм░ рмкрмдрнНрм░ рмЧрнБрмбрм┐рмХ рмкрнНрм░рмерморнЗ рм╣рм│рмжрм┐рмЖ рм╣рнЛрмЗ рмпрм╛рмЖрмирнНрмдрм┐ рмУ рмкрм░рнЗ рм╢рнБрмЦрм┐ рмпрм╛рмЖрмирнНрмдрм┐ ред рморнВрм│ рмЙрмкрм░рнЗ рморм╛рмЯрм┐рмЖ, рмкрм╛рмгрм┐ рмнрм┐рмЬрм╛ рмШрм╛ рм╕рммрнБ рмЙрмкрм╕рнНрмерм┐рмд рмерм╛рмП ред рморм╛рм░рм╛рмдрнНрмормХ рм╕рмВрмХрнНрм░рмормг рмХрнНрм╖рнЗрмдрнНрм░рм░рнЗ, 50% рм░рнБ рмЕрмзрм┐рмХ рмЧрмЫ рмнрм╛рмЩрнНрмЧрм┐рмпрм╛рмЗ рмкрм╛рм░рнЗ.
рмХрнГрм╖рм┐ рмлрм╛рм░рнНрмо рмЦрмд, рмирм┐рм┐рмо рмдрнЗрм▓ рмирм┐рм░рнНрмпрнНрнЯрм╛рм╕ рмУ рм╕рнЛрм░рм┐рм╖ рмкрм┐рмбрм┐рмЖ рмнрм│рм┐ рмЬрнИрммрнАрмХ рмЙрмкрмЪрм╛рм░рмХрнБ рморм╛рмХрнНрм░рнЛрмлрнЛрморм┐рмирм╛ рм░рнЛрмЧ рмЧрнБрмбрм┐рмХрм░ рмирм┐рнЯрмирнНрмдрнНрм░рмг рмкрм╛рмЗрмБ рммрнНрнЯрммрм╣рм╛рм░ рмХрм░рм╛ рмпрм╛рмЗрмкрм╛рм░рнЗ ред рммрм╛рмЬрм░рм╛ рмУ рмЕрмирм╛рммрмирм╛ рмШрм╛рм╕ рмЙрмкрм░рнЗ рмЖрмзрм╛рм░рм┐рмд рмХрморнНрмкрнЛрм╖рнНрмЯ рммрнНрнЯрммрм╣рм╛рм░ рмХрнБ рморм╛рмЯрм┐рм░рнЗ рморм┐рм╢рнЗрмЗрммрм╛ рмжрнНрн▒рм╛рм░рм╛ рморм╛рмЯрм┐рм░рнЗ рмХрммрмХ рмЧрнБрмбрм┐рмХрм░ рм╕рмВрмЦрнНрнЯрм╛ 20-40% рмХрморм┐ рмпрм╛рмП ред рмЯрнНрм░рм╛рмЗрмХрнЛрмбрм░рнНрморм╛ рмнрм┐рм░рм┐рмбрнЗ (рмкрнНрм░рмдрм┐ 250 рмХрм┐рм▓рнЛ рмнрм░рнНрморнАрмХрморнНрмкрнЛрм╖рнНрмЯ рмХрм┐рморнНрммрм╛ рмПрмлрнН.рн▒рм╛рмП.рмПрморнН рм░рнЗ 5 рмХрм┐рм▓рнЛ рм╣рм┐рм╕рм╛рммрм░рнЗ) рмХрнБ рморм╛рмЯрм┐рм░рнЗ рммрм┐рм╣рми рммрнБрмгрм┐рммрм╛ рм╕рморнЯрм░рнЗ рмкрнНрм░рнЯрнЛрмЧ рмХрм░рм┐рммрм╛ рмормзрнНрнЯ рм▓рм╛рмнрмжрм╛рнЯрмХ рм╣рнЛрмЗрмерм╛рмП.
рмпрмжрм┐ рм╕рморнНрмнрмм рмдрм╛рм╣рм╛рм▓рнЗ рм╕рм░рнНрммрмжрм╛ рмПрмХ рм╕рмормирнНрм╡рм┐рмд рмирм┐рммрм╛рм░рмг рмЙрмкрм╛рнЯрмХрнБ рмЬрнИрммрнАрмХ рмЙрмкрмЪрм╛рм░ рм╕рм╣ рмПрмХрнАрмХрнГрмд рмнрм╛рммрнЗ рмкрнНрм░рнЯрнЛрмЧ рмХрм░рм┐рммрм╛рм░ рмпрнЛрмЬрмирм╛ рмХрм░рмирнНрмдрнБ ред рм▓рмХрнНрм╖рмг рмкрнНрм░рмерморнЗ рмжрнЗрмЦрм╛ рмпрм┐рммрм╛ рм╕рмормпрм░рнБ рм╣рм┐рмБ рмХрнНрм╖рмдрм┐ рм╣рнЛрмЗ рмпрм╛рмЗрмерм╛рмП, рмдрнЗрмгрнБ рмкрмдрнНрм░ рмЙрмкрм░рнЗ рмХрммрмХрмирм╛рм╢рмХ рмкрнНрм░рнЯрнЛрмЧ рмлрм│рмкрнНрм░рм╕рнВ рм╣рнЛрмЗ рмирмерм╛рмП ред рмХрммрмХрмирм╛рм╢рмХ рмжрнНрн▒рм╛рм░рм╛ рмЙрмкрмЪрм╛рм░рм┐рмд рммрм┐рм╣рми (рмЙрмжрм╛рм╣рм░рмг рм╕рнНрн▒рм░рнВрмк рморнНрнЯрм╛рмЩрнНрмХрнЛрмпрнЗрммрнН рм╕рм╣) рмЪрм╛рм░рм╛ рммрнГрмжрнНрмзрм┐ рм╕рморнЯрм░рнЗрмПрм╣рм╛рмХрнБ рм╕рнБрм░рмХрнНрм╖рм╛ рмжрнЗрмЗрмерм╛рмП ред 80 рмХрм┐рм▓рнЛ/рм╣рнЗрмХрнНрмЯрм░ рмПрморнН.рмУ.рмкрм┐ рмХрнБ рмжрнБрмЗ рмнрм╛рмЧрм░рнЗ рмкрнНрм░рнЯрнЛрмЧ рмХрм▓рнЗ рмлрм╕рм▓рмХрнБ рм╕рнБрм░рмХрнНрм╖рм╛ рмжрнЗрммрм╛ рмУ рмПрм╣рм┐ рмХрммрмХ рмкрнНрм░рмдрм┐ рмЖрмЙ рм╕рм╣рмирм╢рнАрм│ рмХрм░рм┐рммрм╛ рмкрм╛рмЗрмБ рм╕рм╣рм╛рнЯрмХ рм╣рнЛрмЗрмерм╛рмП.
рмПрм╣рм┐ рм░рнЛрмЧрмЯрм┐ рморнНрнЯрм╛рмХрнНрм░рнЛрмлрнЛрморм┐рмирм╛ рмлрнЗрмпрм╝рнЗрмУрм▓рм┐рмирм╛ рмирм╛рмормХ рмХрммрмХ рмжрнНрн▒рм╛рм░рм╛ рм╣рнЛрмЗрмерм╛рмП, рмпрм╛рм╣рм╛рмХрм┐ рм╕рмжрм╛рммрнЗрм│рнЗ рмЧрм░рмо рмУ рм╢рнБрм╖рнНрмХ рмкрм╛рмгрм┐рмкрм╛рмЧрм░рнЗ рммрмЮрнНрмЪрнЗ ред рмЕрмирнНрнЯ рм╕рморнЯрм░рнЗ рмПрм╣рм╛ рмкрнЛрм╖рмХ рмлрм╕рм▓ рмЕрммрм╢рнЗрм╖рм░рнЗ рмХрм┐рморнНрммрм╛ рморм╛рмЯрм┐ рмормзрнНрнЯрм░рнЗ рмдрм┐рмирм┐ рммрм░рнНрм╖ рмпрм╛рмПрмБ рммрмВрмЪрм┐ рм░рм╣рм┐рмкрм╛рм░рнЗ ред рморнВрм│ рмУ рмХрм╛рмгрнНрмбрм░ рмкрм░рм┐рммрм╛рм╣рнА рмЯрм┐рм╕рнВрм░ рм╕рмВрмХрнНрм░рмормг рмжрнНрн▒рм╛рм░рм╛ рмкрм╛рмгрм┐ рмУ рмкрнЛрм╖рмг рмкрм░рм┐рммрм╣рми рм╕рморнНрмкрнВрм░рнНрмг рмнрм╛рммрнЗ рммрмирнНрмж рм╣рнЛрмЗрмпрм╛рмП, рмлрм│рм╕рнНрн▒рм░рнВрмк рмлрм╕рм▓рм░ рмЙрмкрм░ рмЕрмВрм╢ рм╕рморнЯ рмЖрмЧрм░рнБ рмкрм╛рмЪрм┐ рмпрм╛рмП рмУ рмПрм╣рм╛рм░ рмХрм╛рмгрнНрмб рмжрнВрм░рнНрммрм│ рм╣рнЛрмЗрмпрм╛рмП ред рмХрммрмХрм░ рм╕рмВрмХрнНрм░рмормг рмкрм╛рмЗрмБ рмЕрмзрм┐рмХ рмЕрмирнВрмХрнБрм│ рмкрм░рм┐рммрнЗрм╢ рмХрнАрмЯрмкрмдрмВрмЧ, рмХрнНрм╖рмд рмЪрнЗрм░ рмУ рмкрмдрнНрм░ рмдрмерм╛ рмлрм╕рм▓рм░ рмЕрмирнНрнЯ рм░рнЛрмЧ рм╕рнГрм╖рнНрмЯрм┐ рмХрм░рм┐ рмерм╛рмЖрмирнНрмдрм┐. рморм░рнБрмбрм┐ рмЕрммрм╕рнНрмерм╛, рмЙрмЪрнНрмЪ рморм╛рмЯрм┐ рмдрм╛рмкрморм╛рмдрнНрм░рм╛ (28┬░C рмЙрмкрм░рнЗ) рмУ рмлрм╕рм▓рм░ рмкрм░ рмкрм░ рм╕рнНрмдрм░рм░рнЗ рмЕрмдрнНрнЯрмзрнАрмХ рмЙрм░рнНрммрм░рнАрмХрм░рмг рмжрнНрн▒рм╛рм░рм╛ рм▓рмХрнНрм╖рмг рмЧрнБрмбрм┐рмХ рмЖрм╣рнБрм░рм┐ рморм╛рм░рм╛рмдрнНрмормХ рм╣рнЛрмЗ рмпрм╛рмЖрмирнНрмдрм┐.