പുകയിലച്ചെടി
ഫംഗസ് കൊതുകുകൾ
Bradysia matogrossensis
പ്രാണി
ചുരുക്കത്തിൽ
- കൊതുക് പോലെയുള്ള ചെറിയ പ്രാണികൾ.
- പുകയില തൈകൾ വാടിപ്പോകുന്നു.
- നഴ്സറികളിൽ പലപ്പോഴും ഒരു പ്രശ്നം.
കണ്ടെത്താൻ കഴിയുന്ന മറ്റ് വിളകൾ
പുകയിലച്ചെടി
ലക്ഷണങ്ങൾ
നിങ്ങളുടെ പുകയില നഴ്സറിയിൽ ഫംഗസ് കൊതുകുകൾ ഉണ്ടോ എന്ന് പരിശോധിക്കാൻ: തൈകൾക്ക് മുകളിൽ കൈകൾ മെല്ലെ വീശുക, ചെറിയ കറുത്ത കൊതുക് പോലുള്ള പ്രാണികൾ പറന്നു പോകുന്നത് കാണാം. തൈകളുടെ വേര് ഭാഗത്ത് ലാർവകൾ ആഹരിക്കുന്നതാണ് നാശത്തിന് കാരണം. അവ തൈച്ചെടികളുകളുടെ വേരുകൾ തിന്നുന്നത് കാരണം ചെടികൾ മോശമായി വളരുകയും, വാടിപ്പോകുകയും, മഞ്ഞനിറമാവുകയും, ഇലകൾ നഷ്ടപ്പെടുകയും, ഒടുവിൽ നശിക്കുകയും ചെയ്യുന്നു.
ശുപാർശകൾ
ജൈവ നിയന്ത്രണം
ബാസില്ലസ് തുറിൻജിൻസിസ് ഇസ്രയേലെൻസിസ് ഉപയോഗിച്ച് നിങ്ങളുടെ തൈകൾ കുതിർക്കുക. ഇത് ലാർവകളെ നിയന്ത്രിക്കാൻ സഹായിക്കും.
രാസ നിയന്ത്രണം
പ്രായപൂർത്തിയായ കൊതുകുകളെ കാണുന്നത് നിങ്ങൾ ഉടൻ തന്നെ അവയെ രാസപരമായി നിയന്ത്രിക്കണമെന്ന് അർത്ഥമാക്കുന്നില്ല. ചെറിയ എണ്ണം ആണെങ്കിൽ അവ വലിയ പ്രശ്നങ്ങൾ ഉണ്ടാക്കുന്നില്ല. നശിക്കുന്ന തൈകളുടെ എണ്ണം വർധിക്കുന്നതായി ശ്രദ്ധയിൽപ്പെട്ടാൽ മാത്രം രാസവസ്തുക്കൾ ഉപയോഗിക്കുക. പ്രായപൂർത്തിയായ ഫംഗസ് കൊതുകുകളെ നിയന്ത്രിക്കാൻ സ്പ്രേകൾ സഹായിക്കും. ഉചിതമായ കീടനാശിനികൾ ഉപയോഗിച്ച് മണ്ണ് കുതിർക്കുന്നത് ലാർവകളെ നിയന്ത്രിക്കാൻ സഹായിക്കും. കീടനാശിനികൾ അല്ലെങ്കിൽ ഏതെങ്കിലും രാസവസ്തുക്കൾ ഉപയോഗിക്കുമ്പോൾ, സംരക്ഷണ വസ്ത്രങ്ങൾ ധരിക്കുന്നതും ലേബൽ നിർദ്ദേശങ്ങൾ ശ്രദ്ധാപൂർവ്വം വായിക്കുന്നതും പ്രധാനമാണ്. രാജ്യത്തിനനുസരിച്ച് നിയന്ത്രണങ്ങൾ വ്യത്യാസപ്പെടുന്നു, അതിനാൽ നിങ്ങളുടെ പ്രദേശത്തിനായുള്ള നിർദ്ദിഷ്ട മാർഗ്ഗനിർദ്ദേശങ്ങൾ പാലിക്കുന്നുവെന്ന് ഉറപ്പാക്കുക. ഇത് സുരക്ഷ ഉറപ്പുനൽകുകയും വിജയകരമായ പ്രയോഗത്തിന്റെ സാധ്യത വർദ്ധിപ്പിക്കുകയും ചെയ്യുന്നു.
അതിന് എന്താണ് കാരണം
വെള്ളം കെട്ടിക്കിടക്കുന്നിടത്ത്, പ്രത്യേകിച്ച് അഴുകുന്ന ഇലകളും ജൈവവസ്തുക്കളും അടിഞ്ഞുകൂടുന്നിടത്ത് കീടങ്ങൾ അതിജീവിക്കുന്നു. അതുകൊണ്ടാണ് വെള്ളത്തിൽ പൊങ്ങിക്കിടക്കുന്ന ട്രേകളിൽ തൈകൾ വളരുന്ന നഴ്സറികളിൽ ഫംഗസ് കൊതുകുകൾ സാധാരണമായിരിക്കുന്നത്. മുതിർന്ന കൊതുകുകൾ സാധാരണയായി, വിത്ത് മുളച്ച് ഉടൻ തൈകൾ ചെറുപ്പമായിരിക്കുമ്പോൾ തന്നെ ഫ്ലോട്ട് ട്രേകളിൽ മുട്ടയിടുന്നു. തിളങ്ങുന്ന കറുത്ത തലയോടുകൂടിയ ലാർവകൾ ചെറുതും, സുതാര്യമോ വെളുത്ത നിറമോ ആണ്. നഗ്നനേത്രങ്ങൾ കൊണ്ട് അവ കണ്ടെത്തുന്നത് എളുപ്പമല്ല, പക്ഷേ വേരുപടലത്തിന് ചുറ്റുമുള്ള മണ്ണിൽ ചെറിയ ബിന്ദുക്കള് നീങ്ങുന്നത് നിങ്ങൾക്ക് കാണാൻ കഴിയും.
പ്രതിരോധ നടപടികൾ
- പറക്കുന്ന മുതിർന്ന കീടങ്ങൾക്കോ, കേടായ തൈകൾക്കോ വേണ്ടി നഴ്സറികൾ നേരത്തെ തന്നെ പരിശോധിച്ചുകൊണ്ട് ആരംഭിക്കുക.
- നിരീക്ഷണത്തിനും കൂട്ടത്തോടെ പിടിക്കുന്നതിനും മഞ്ഞ പശക്കെണികള് ഉപയോഗിക്കാം.
- ഈ ചെറിയ ശരീര പ്രാണികളെ പിടിക്കാൻ ഇത് വളരെ സഹായകരമാണ്.
- കെട്ടിക്കിടക്കുന്ന വെള്ളക്കെട്ടുകൾ ഇല്ലെന്ന് ഉറപ്പാക്കുക.
- ഫ്ലോട്ടിംഗ് ട്രേകളുള്ള കുളം സംവിധാനങ്ങളിൽ ട്രേകൾക്കിടയിൽ വിടവ് ഉണ്ടാകരുത്, കാരണം ഇത് പ്രാണികളും ഭക്ഷിക്കു ആൽഗകളുടെ വളർച്ചയെ അനുകൂലിക്കുന്നു.
- വെള്ളം കെട്ടിക്കിടക്കാത്ത നഴ്സറികളിൽ കനത്ത ജലസേചനം ഒഴിവാക്കുക.
- അമിതമായി വളപ്രയോഗം നടത്തരുത്, കാരണം ഇത് അമിതമായ ജൈവവസ്തുക്കളുടെ ശേഖരണത്തിന് കാരണമാകും, ഇത് ഈ കീടങ്ങളെ ആകർഷിക്കുന്നു.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
