സതേൺ ഗ്രീൻ സ്റ്റിങ്ക് ബഗ്ഗ്‌

അതിന് എന്താണ് കാരണം

ലോകമെമ്പാടും, പ്രത്യേകിച്ച് ഉഷ്ണമേഖലാ പ്രദേശങ്ങളിലും ഉപോഷ്ണമേഖലാ പ്രദേശങ്ങളിലും കാണപ്പെടുന്ന നെസറ വിരിഡുല എന്ന വണ്ടുകൾ ആണ് കേടുപാടുകൾക്ക് കാരണം. ഭീഷണി നേരിടുന്നതായി തോന്നുമ്പോള്‍ അവ രൂക്ഷമായ ദുർഗന്ധം പുറപ്പെടുവിക്കുന്നതിനാലാണ് ഇവയെ "സ്‌റ്റിങ്ക് ബഗ്ഗുകൾ" എന്ന് വിളിക്കുന്നത്. കീടങ്ങൾ അവയുടെ നേർത്ത തുളച്ചുകയറുന്ന വായ ഭാഗങ്ങൾ (സ്റ്റൈലറ്റുകൾ) ഉപയോഗിച്ച് ചെടിയുടെ നീരൂറ്റിക്കുടിക്കുന്നു. ഇവ ആഹരിക്കുന്നതുമൂലമുള്ള യഥാർത്ഥ ദ്വാരങ്ങൾ ഉടനടി ദൃശ്യമാകില്ല. മുതിർന്ന വണ്ടുകളും ഇളം കീടങ്ങളും ചെടികൾ ഭക്ഷിക്കുന്നു. ചെടിയുടെ അതിലോലമായ ഭാഗങ്ങൾ (വളരുന്ന തളിരുകൾ, കായകൾ, പുഷ്പം) ആഹരിക്കാൻ അവ ഇഷ്ടപ്പെടുന്നു. വിരിയുമ്പോൾ, വണ്ടുകളുടെ ശൈശവ ഘട്ടം മുട്ടയോട് ചേർന്ന് നിൽക്കുന്നു. മുതിർന്നവയ്ക്ക് പറക്കാനും ചുറ്റി സഞ്ചരിക്കാനും കഴിയും. അവ സാധാരണയായി പച്ചനിറമാണ്, അതിനാൽ ചെടികളിൽ ഇവയെ തിരിച്ചറിയാൻ പ്രയാസമാണ്. വളരുന്തോറും വണ്ടുകളുടെ നിറം മാറുന്നു, ഓരോ ഘട്ടത്തിലും കൂടുതൽ പച്ചയായി മാറുന്നു. സാധാരണയായി അവ അതിരാവിലെ ചെടികളുടെ മുകള്‍ ഭാഗങ്ങളിലേക്ക് നീങ്ങുന്നു.