കറുത്ത പുള്ളി രോഗം

ലക്ഷണങ്ങൾ

ബാധിക്കപ്പെട്ട വിത്തുകളിൽ നിന്നും വളരുന്ന തൈച്ചെടികളുടെ ഇലകളിലും തണ്ടുകളിലും പലപ്പോഴും വൃത്താകൃതിയിൽ ഇരുണ്ട തവിട്ട് മുതൽ കറുപ്പ് വരെയുള്ള നിറങ്ങളിൽ കുഴിഞ്ഞ പാടുകള്‍ കാണപ്പെടുന്നു. തൈച്ചെടികളുടെ വളർച്ച തടസ്സപ്പെടുകയും അവ അകാലത്തിൽ നശിച്ചുപോകുകയോ അല്ലെങ്കിൽ വളർച്ച മുരടിക്കുകയോ ചെയ്തേക്കാം. ദ്വിതീയ ബാധിപ്പുകളിൽ, ഇലകളിലെ സിരകളിലും, ഇല ഞെട്ടുകളിലും കോണ്‍ രൂപത്തില്‍ ഇഷ്ടിക-ചുവപ്പ് നിറം മുതൽ കറുപ്പ് വരെയുള്ള നിറങ്ങളിൽ ക്ഷതങ്ങൾ വികസിക്കുന്നു, ഇവ തുടക്കത്തിൽ ഇലകളുടെ അടിവശത്തും പിന്നീട് മുകൾവശത്തും രൂപപ്പെടുന്നു. വിത്തറകളിലും തണ്ടുകളിലും വൃത്താകൃതിയിലുള്ള, ഇളം തവിട്ട് നിറം മുതൽ തുരുമ്പ് നിറം വരെയുള്ള ക്ഷതങ്ങൾ കറുത്ത അരികുകളാൽ ചുറ്റപ്പെട്ട് പ്രത്യക്ഷപ്പെടുന്നു. സാരമായി ബാധിക്കപ്പെട്ട വിത്തറകളിൽ, ക്ഷതങ്ങൾ ചുരുങ്ങുകയും വിരൂപമാവുകയും, കുഴിഞ്ഞ അഴുകലിൻ്റെ മാതൃകയിൽ രൂപപ്പെടുകയും ചെയ്യും. ബാധിക്കപ്പെട്ട വിത്തുകൾക്ക് പലപ്പോഴും നിറംമാറ്റം സംഭവിക്കുകയും തവിട്ട് മുതൽ കറുപ്പ് നിറമാ വരെയുള്ള ക്ഷതങ്ങൾ വികസിക്കുകയും ചെയ്യും. സാധാരണ ബീൻ വർഗ്ഗത്തിലുള്ള ചെടികളാണ് ഈ രോഗത്തിന് കൂടുതലും വിധേയമാകുന്നത്.