சாம்பல் சத்து பற்றாக்குறை (பொட்டாசியம் பற்றாக்குறை)

அறிகுறிகள்

அறிகுறிகளை முக்கியமாக முற்றிய இலைகளில் காணலாம். அவை கடுமையான குறைபாடுகளின் போது மட்டுமே, இளம் இலைகளில் தோன்றுகின்றன. இலைகளின் விளிம்புகளிலும், நுனிகளிலும் இலேசான மஞ்சள் நிறம் தோன்றுவதும், பின்னர் தொடர்ந்து முனை எரிந்து விடுவதும், இலேசான பொட்டாசியம் குறைபாடின் இயல்பாகும். இலைப் பகுதி சற்றே பளபளப்பாக மாறும், ஆனால் முக்கிய நரம்புகள் கரும் பச்சை நிறத்திலேயே இருக்கின்றன (நரம்புகளுக்கு இடையேயான வெளிறிய சோகை). சரிசெய்யப்படவில்லை என்றால், இந்த வெளிறிய பகுதிகள், பெரும்பாலும் இலை விளிம்பிலிருந்து மையப்பகுதி வரையிலும் உலர்ந்த, தோலின் பழுப்பு நிறத்தில் அல்லது கறும்பழுப்பு நிறத்தில், பொசுங்கிய ஒரு வடு போல் மாறிவிடும் (திசு இறப்பு). இருப்பினும், முக்கிய நரம்புகள் பச்சை நிறமாகவே இருக்கும். இலைகள் சுருண்டு, சுருங்கி, உரிய காலத்திற்கு முன்னரே விழுந்துவிடும். இளம் இலைகள் சிறிதாகவும், பொலிவற்றும், ஒரு கிண்ணத்தைப் போன்ற தோற்றத்தையும் கொண்டிருக்கும். பொட்டாசியம் குறைபாடுள்ள தாவரங்கள் வளர்ச்சி குன்றியும், நோய்களாலும் மற்றும் வறட்சி, பனி போன்ற பிற அழுத்தங்களாலும் அதிகமாகப் பாதிக்கப்படுகின்றன. சில சமயங்களில், பழங்கள் கடுமையாக உருச்சிதைந்து போய்விடும்.