மாங்கனி
இலை முறுக்கு அந்துப்பூச்சி
Apoderus tranquebaricus
பூச்சி
சுருக்கமாக
- முனைய இலைகளை முறுக்கும், சுருட்டும் மற்றும் உலர்த்தும் அறிகுறிகள் தென்படும்.
இதிலும் கூடக் காணப்படும்
மாங்கனி
அறிகுறிகள்
மரங்கள் பாதிக்கப்படும்போது, அவற்றின் இலைகள் நுனியில் இருந்து முறுக்கிக் கொள்ள ஆரம்பித்து, முறுக்கிய தோற்றத்துடன் காணப்படும். முதிர்ந்த அந்துப்பூச்சியின் காரணமாக இந்த முறுக்கல் ஏற்படுகிறது. அந்துப்பூச்சி மா இலைகளை வெட்டி, அவற்றைத் விரல்சிமிழ்கள் போல நேர்த்தியாக சுருட்டும். இந்தச் சுருட்டப்பட்ட இலைகள் முக்கிய இலைகளுடன் இணைந்திருக்கும். இந்தச் சுருட்டப்பட்ட இலைகளுக்குள், அந்துப்பூச்சியின் இளம் வண்டினப்புழு இலையின் திசுக்களை உண்ணும்.
பரிந்துரைகள்
இயற்கை முறையிலான கட்டுப்பாடு
இது மாமரத்தை தாக்கும் சிறு பூச்சி. சேதமடைந்த இலைகளை கைமுறையாக அகற்றுவது பின்பற்றுவதற்கு சிறந்த நடைமுறையாகும்.
இரசாயன கட்டுப்பாடு
உயிரியல்/சுற்றுச்சூழலுக்கு உகந்த சிகிச்சைகள் மற்றும் தடுப்பு நடவடிக்கைகளுடன் ஒருங்கிணைந்த அணுகுமுறையை எப்போதும் கருத்தில் கொள்ளுங்கள். பூச்சி குறைந்த எண்ணிக்கையில் இருந்தால் அது உங்கள் மரத்திற்கு குறிப்பிடத்தக்க சேதத்தை ஏற்படுத்தாது. இலக்கியத்தின் படி, பெரிய தொற்றுகளில், மோனோகுரோட்டோபாஸ் போன்ற பூச்சிக்கொல்லிகள் சேதத்தைக் குறைக்கும்.
இது எதனால் ஏற்படுகிறது
மா இலை முறுக்கு அந்துப்பூச்சியால் மா மரங்களுக்கு சேதம் ஏற்படுகிறது. இந்தப் பூச்சி நாற்றுப்பண்ணை மற்றும் முக்கிய வயல் இரண்டிலும் உள்ளது. இது ஜாமுன், அமரந்தஸ், பலா, முந்திரி, தேக்கு, கொய்யா மற்றும் வேம்பு போன்ற பிற தாவரங்களையும் பாதிக்கிறது. சமீபத்தில், 2023 ஆம் ஆண்டில் பாதாம் மரங்களிலும் இது காணப்பட்டது. இந்தப் பூச்சியின் வாழ்க்கைச் சுழற்சி வெவ்வேறு நிலைகளை உள்ளடக்கியது: முட்டைகள், வண்டினப்புழு கட்டத்தில் முட்டைப்புழுக்களின் ஐந்து கட்ட வளர்ச்சி நிலை, கூட்டுப்புழு மற்றும் முதிர்ந்த பூச்சி. முறுக்கிய நிலையில் இருக்கும் இலைகளின் வெளிப்புறப் பகுதியில் முதிர்ந்த பூச்சிகள் முட்டைகளை ஒவ்வொன்றாக இடும். பெண் அந்துப்பூச்சி ஒரு ஒட்டும் பொருளை உற்பத்தி செய்யும், இது முட்டைகள் இலை மேற்பரப்பில் ஒட்டிக்கொள்ள உதவுகிறது. முட்டைகள் பளபளப்பான மஞ்சள் நிறத்தைக் கொண்டிருக்கும். அந்துப்பூச்சியின் இளம் மற்றும் முதிர்ச்சியற்ற வடிவமான வண்டினப்புழு மஞ்சள் நிறத்தில் இருக்கும். இது சுருண்டுகொண்ட நிலையில் இருக்கும் இலைகளுக்குள் உள்ள திசுக்களை உண்பதால், பாதிக்கப்பட்ட இலைகளுக்கு சேதம் ஏற்படுகிறது. முதிர்ந்த அந்துப்பூச்சியானது சிவப்பு கலந்த பழுப்பு நிறத்தில் இருக்கும், நீண்ட முகப்பையும் கொண்டிருக்கும். இது மா இலைகளை வெட்டி சுருளாக முறுக்கும். இந்தச் சுருட்டபப்ட்ட நிலையில் இருக்கும் இலைகள் முக்கிய இலைகளுடன் இணைந்திருக்கும். வெப்பமான வானிலை, அதிக மழை மற்றும் அதிக ஈரப்பதம் ஆகிய சூழலில் மா மரங்கள் இலை முறுக்கு அந்துப்பூச்சியால் பாதிக்கப்படுவதற்கு அதிக வாய்ப்புள்ளது.
தடுப்பு முறைகள்
- அறிகுறிகள் எதுவும் தென்படுகிறதா எனக் கண்காணிக்கவும்.
- தொற்று ஏற்பட்டால், சேதமடைந்த இலைகளை கைமுறையாக அகற்றவும்.
- உள்ளே இருக்கும் வண்டினப்புழுக்களைத் தேடி அவற்றை நசுக்கவும்.
பகிரவும்
Work in crop protection, seeds or fertilizer?
This page is powered by millions of live Plantix diagnoses. See where இலை முறுக்கு அந்துப்பூச்சி is spreading — district by district — with Crop Insights, part of Plantix Intelligence.
பிளான்டிக்ஸை பதிவிறக்கம் செய்க
