ஆல்டர்னேரியா கரும்புள்ளி மற்றும் பழ அழுகல் நோய்

அறிகுறிகள்

இந்தப் பூஞ்சை இரண்டு மாதிரியான அறிகுறிகளை மாதுளையில் ஏற்படுத்தும், ஆனால் இவை ஒரே நேரத்தில் ஏற்படவேண்டிய அவசியமில்லை. கரும்புள்ளி மற்றும் பழங்களின் இதய அழுகல் என்று அழைக்கப்படும் இந்த நோய், பெரும்பாலும் மாதுளையின் ரகத்தைச் சார்ந்து இருக்கும். கரும்புள்ளி நோயானது பழங்கள் மற்றும் இலைகளில் பச்சை மஞ்சள் நிற ஒளிவட்டங்களால் சூழப்பட்ட சிறிய, செம்பழுப்பு நிறக் கரு வளையப் புள்ளிகள் மூலம் (1-3 மி.மீ.) வகைப்படுத்தப்படுகிறது. நோய் அதிகரிக்கையில், இந்தப் புள்ளிகள் இணைந்து 50% பழங்களின் பரப்பளவை மூடும் அளவிற்கு பெரியத் திட்டுக்களாக உருவாகும். இலைகளில், இவை வெளிறிய நிறமாகி, முதிர்ச்சியடைவதற்கு முன்னரே உதிர்வதற்கு வழிவகுக்கும். பழங்களின் வெளிப்புறப் பகுதி அழுகத்தொடங்கும், அதே நேரத்தில் உண்ணக்கூடியத் திசுக்கள் சேதமடையாமல் இருக்கும். சற்று அசாதாரண தோலின் நிறம் அல்லது பழத்தின் வடிவத்தில் ஏற்படும் மாற்றங்கள் இதய அழுகல் நோயின் வெளிப்புற அறிகுறிகளாக இருக்கலாம், ஆனால் பழம் அறுவடை வரையிலும் தனது ஆரோக்கியமான தோற்றத்தைத் தக்கவைத்துக் கொள்ளும். அவற்றை வெட்டித் திறந்து பார்த்தால், விதையலகின் சிதைவு தெளிவாகக் காணப்படும்.