इतर
उंटअळी
Autographa nigrisigna
किडा
5 mins to read
थोडक्यात
- पानांवर आणि शेंगांवर खाण्याने नुकसान दिसुन येते.
- पानांवर बंदुकीने गोळ्या झाडल्यासारखी छिद्र येतात.
- हिरव्या अळ्या आढळतात.
- झाडांवर राखाडी रंगाचा पतंग आढळतो.
मध्ये देखील मिळू शकते
इतर
लक्षणे
उंटअळी पाने आणि शेंगा खाते. कोवळ्या अळ्या पाने कुरतडतात व मोठ्या अळ्या कोंब, फुल आणि शेंगांवर उपद्रव करून शेंगांचा बुडाचा भाग देठासकट तसेच सोडतात. शेंगा खात असताना, अळी शेंगांच्या टरफलांना खडबडीत करून अनियमित नुकसान करते. पाने छिद्रित दिसतात आणि गंभीर प्रादुर्भावात पानांचा सांगाडा केला जाऊ शकतो. गंभीर प्रदुर्भावात झाडांची संपूर्ण पानगळ होऊ शकते. शक्यतो लक्षणे पक्ष्यांच्या नुकसानीसह गोंधळे जाऊ शकतात.
Recommendations
जैविक नियंत्रण
कीटकनाशकांचा वापर टाळून कोळी, लेस विंग्स, मुंग्या आणि इतर नैसर्गिक शत्रूसारख्या शिकारी प्रजातींना प्रोत्साहन द्या. अठवड्याच्या अंतराने हेक्टरी दीड लाख ट्रायकोग्रामा चिलॉनिस चार आठवड्यांसाठी सोडा. एनपीव्ही (न्यूक्लियो पॉलि हेड्रो व्हायरस), बॅसिलस थुरिंजिन्सिस किंवा ब्यूव्हेरिया बॅसियानावर आधारित जैविक कीटकनाशके देखील उंटअळीला नियंत्रित करण्यास मदत करू शकतात. निंबोळी अर्क आणि लसूण किंवा मिरचीचे अर्क सारखे सेंद्रीय कीटकनाशकांची झाडांवर फवारणी करून या उपद्रवाचे नियंत्रण केले जाऊ शकते. फुलधारणेच्या सुरुवातीपासून दर १० ते १५ दिवसांच्या अंतराने टीपोल ०.१% आणि गुळा ०.५% सह एनपीव्ही २५० एलई प्रती हेक्टर वापरा. निमतेल किंवा पनगम तेल ८० ईसी २ मिली प्रती लिटर याप्रमणे वापरा.
रासायनिक नियंत्रण
नेहमी एकात्मिक दृष्टीकोन ठेवा म्हणजे प्रतिबंधक उपायांबरोबरच उपलब्ध असल्यास जैविक उपचार पद्धतीचा वापर करा. जर २ पेक्षा जास्त अळ्या दर १० झाडात आढळ्यास आपण नियंत्रणाचे उपाय सुरु करावेत. क्लोरोपायरीफॉस आणि क्विनाल्फॉसला उंटअळीची संख्या कमी करण्यासाठी सूचित केले आहे.
कशामुळे झाले
नुकसान ऑटोग्राफा निग्रिसिग्नाच्या अळीमुळे होते. उंटअळीच्या पतंगाचे पुढचे पंख नक्षीदार असतात. अंडी गोलाकार असतात आणि पानांवर ४० च्या समूहाने अंडी घातली जातात. उंटअळीच्या अळ्या हिरव्या रंगाच्या असतात. एक पिढीला ४ अठवडे लागतात. अंडी अवस्था सुमारे ३ ते ६ दिवसांची, अळी अवस्था ८ ते ३० दिवसांची आणि कोषावस्था ५ ते १० दिवसांची असते.
प्रतिबंधक उपाय
- प्रतिकारक वाण निवडा.
- उशीराची व दाट लागवड टाळा.
- चांगले खत व्यवस्थापण आणि सिंचन योजनेसह मोठी आणि जोमदार झाडे वाढवण्याचा प्रयत्न करा.
- आपल्या झाडांचे साप्ताहिक अंतराने निरीक्षण करा आणि अळ्याची उपस्थिती तपासा.
- पतंगाची संख्या तपासण्यासाठी व मारण्यासाठी प्रकाश सापळे आणि कामगंध सापळे लावले जाऊ शकतात.
- दोन हेक्टार क्षेत्रात एक प्रकाश सापळा आणि ५० मिटर अंतराने हेक्टरी ५ कामगंध सापळे लावा.
- भक्षक पक्ष्यांसाठी हेक्टरी ५० पक्षी थांबे लाऊ शकता.
- जैविक पक्षी थांबे म्हणुन काम करण्यासाठी तुलनात्मक पीक म्हणुन उंच वाढणाऱ्या ज्वारीची लागवड करा.
- शक्य तितक्या अळ्या आणि प्रौढांना गोळा करून नष्ट करा.
- पीक काढणीनंतर नांगरणी करून या किडींना भक्षकांसाठी उघड्यावर आणा.
सामायिक करा
प्लँटिक्स डाऊनलोड करा
