പയര്‍ച്ചെടിയിലെ വേര് ചീയൽ

അതിന് എന്താണ് കാരണം

മണ്ണിലൂടെ വ്യാപിക്കുന്നതും ചെടിയുടെ ഏത് വളർച്ച ഘട്ടത്തിലും ബാധിക്കുന്നതുമായ സങ്കീർണമായ കുമിൾ രോഗകാരിയാണ് ലക്ഷണങ്ങൾക്ക് കാരണം. റൈസോക്ടോണിയ സൊളാനി, ഫ്യൂസേറിയം സൊളാനി എന്നിവ ഈ സങ്കീർണമായ രോഗകാരികളുടെ ഭാഗമാണ്. ഈ ഗണത്തിലെ മറ്റുള്ളവയെപോലെ, ഇവയ്ക്ക് ദീർഘകാലത്തേക്ക് മണ്ണിൽ അതിജീവിക്കാൻ കഴിയും. സാഹചര്യങ്ങൾ അനുകൂലമാവുമ്പോൾ, ഇവ വേരുകളുടെ കലകളിൽ പെരുകുകയും ചെടികളുടെ മണ്ണിനുമുകളിലുള്ള ഭാഗങ്ങളിലേക്കുള്ള വെള്ളത്തിന്‍റെയും പോഷകങ്ങളുടെയും സംവഹനം തടസ്സപ്പെടുത്തുകയും ചെയ്യുന്നു, ചെടികൾ വാടുന്നതിന്‍റെയും വിളറിയ നിറത്തോടെ ദൃശ്യമാകുന്നതിന്‍റെയും കാരണം ഇത് വിശദമാക്കുന്നു. ഇവ ചെടിയുടെ കലകളിൽ വളരുന്നതനുസരിച്ച്, പലപ്പോഴും ഈ കുമിളുകൾ വേരുകളുടെ സാധാരണ വളർച്ചയും മുഴകളുടെ രൂപപ്പെടലും ഒരുമിച്ച് തടസ്സപ്പെടുത്തുകയും ചെയ്യുന്നത് കാണാൻ കഴിയും. സീസണിന്‍റെ തുടക്കത്തിൽ തണുത്തതും ഈർപ്പമുള്ളതുമായ മണ്ണ് രോഗത്തിൻ്റെ വ്യാപനത്തിന് അനുകൂലമാണ്. സത്യത്തിൽ, ലക്ഷണങ്ങൾ പലപ്പോഴും വെള്ളം കെട്ടിക്കിടക്കുന്ന പ്രദേശങ്ങളുമായി ബന്ധപ്പെട്ടിരിക്കുന്നു. അവസാനമായി, വിതക്കുന്ന തീയതിയും നടീലിൻന്‍റെ ആഴവും തൈകൾ മുളക്കുന്നതിലും, വിളവിലും നല്ല സ്വാധീനം ചെലുത്തുന്നുണ്ട്.