ഒലിവ് ശലഭം

അതിന് എന്താണ് കാരണം

പ്രയ്‌സ് ഓലയെ ഇനത്തിൽപ്പെട്ട ലാർവയുടെ മൂന്ന് വ്യത്യസ്ഥ തലമുറകൾ ആണ് മുകുളങ്ങൾ, ഇലകൾ, പഴങ്ങൾ എന്നിവയ്ക്ക് കേടുപാടുകൾ ഉണ്ടാക്കുന്നത്. മുതിർന്ന ശലഭങ്ങൾക്ക് ലോഹങ്ങളുടേതുപോലുള്ള വെള്ളി നിറങ്ങളും പിന്നെ അനവധി കറുത്ത പുള്ളികളും അടങ്ങിയ ചാര നിറത്തിലുള്ള മുൻചിറകുകൾ കാണപ്പെടും, ചില ഇനങ്ങളിൽ ചിലപ്പോൾ ഇവ ഉണ്ടാകില്ല. പിൻചിറകുകൾക്ക് ഏകതാനമായ ചാര നിറമാണ്. ഓരോ തലമുറയ്ക്ക് അനുസരിച്ച് ലാർവ നിറത്തിലും വലിപ്പത്തിലും വ്യത്യാസപ്പെട്ടിരിക്കുന്നു. ഇവയിൽ ഓരോന്നും ഒലീവ് വൃക്ഷത്തിൻ്റെ ഓരോ പ്രത്യേക ഭാഗങ്ങളിൽ, കാണപ്പെടുന്നവയാണ്. ആദ്യ ഗണത്തിലെ ലാർവകൾ (ഇലകളിലെ തലമുറ) വസന്തകാലത്തിൻ്റെ പകുതിയിൽ പ്രത്യക്ഷപ്പെടുകയും തുടക്കത്തിൽ മുകുളങ്ങൾ ആഹരിക്കുകയും ചെയ്യുന്നു, പിന്നീടുള്ള ഘട്ടങ്ങളിൽ പൂക്കളും ആഹരിക്കുന്നു. രണ്ടാമത്തെ ഗണത്തിലെ ലാർവ (പൂക്കളിലെ തലമുറ) വേനൽക്കാലത്തിൻ്റെ ആദ്യം ഉയർന്നുവരുന്നവയും മാത്രമല്ല ഏറ്റവും വിനാശകരവുമാണ്. പെൺശലഭങ്ങൾ തണ്ടിനോട് ചേർന്നുനിൽക്കുന്ന ചെറിയ പഴങ്ങളിൽ മുട്ടകൾ ഇടുന്നു, തുടർന്ന് ഇളം ലാർവകൾ ഒലീവിൻ്റെ അകത്തേക്ക് തുരന്ന് കയറുകയും അവ ആര്‍ത്തിയോടെ ഭക്ഷിക്കുകയും ചെയ്യുന്നു, ഇത് കനത്ത തോതിൽ പഴങ്ങൾ പൊഴിഞ്ഞു വീഴുന്നതിന് കാരണമാകുന്നു. അവസാനം, ഫലങ്ങളിൽ ഉൽഭവിക്കുന്ന തലമുറ ഇലകളിലേക്ക് കുടിയേറുന്നു, അവിടെ അവ ഇലതുരപ്പൻമാരെ പോലെ പുറംതൊലികൾക്ക് ഇടയിലൂടെ തുരങ്കങ്ങൾ നിർമ്മിക്കുന്നു.