ದ್ರಾಕ್ಷಿಯ ಡೌನಿ ಮಿಲ್ಡ್ಯೂ

ರೋಗಲಕ್ಷಣಗಳು

ಸಾಮಾನ್ಯವಾಗಿ ಸುತ್ತಲೂ ಕಂದುಬಣ್ಣದ ಉಂಗುರವಿರುವ, ಹಳದಿ ಮಿಶ್ರಿತ ಹಸಿರು ಬಣ್ಣದ ಜಿಡ್ಡಿರುವ ಕಲೆಗಳು ಎಳೆಯ ಎಲೆಗಳ ಮೇಲ್ಮೈ ಮೇಲೆ ಕಾಣಿಸಿಕೊಳ್ಳುತ್ತವೆ. ರೋಗವು ಹೆಚ್ಚಾದಂತೆ, ಈ ಕಲೆಗಳು ದೊಡ್ಡದಾಗಿ ಹಾನಿಗೀಡಾದ ಪ್ರದೇಶಗಳ ಮಧ್ಯಭಾಗದಲ್ಲಿ ಒಣಗಿದಂತಾಗಿ, ವಿವಿಧ ಛಾಯೆಗಳ ಕಂದುಬಣ್ಣದ ಅನಿಯಮಿತ ತೇಪೆಗಳು ರೂಪುಗೊಳ್ಳುತ್ತವೆ. ಹಲವು ದಿನಗಳ ಬೆಚ್ಚಗಿನ ಆರ್ದ್ರ ರಾತ್ರಿಯ ನಂತರ, ದಟ್ಟವಾದ ಬಿಳಿಯಿಂದ ಕಂದುಬಣ್ಣದ ಹತ್ತಿಯಂತಹ ಪದರ ಕಲೆಗಳ ಕೆಳಗೆ ಬೆಳೆಯುತ್ತದೆ. ಋತುವಿನ ನಂತರದ ಅವಧಿಯಲ್ಲಿ ಸೋಂಕು ಬೆಳೆದ ಎಲೆಗಳಿಗೆ ತಗುಲಿದರೆ ಅದು ಅಂತರ ನಾಳ ಕ್ಲೋರೋಸಿಸ್ ಗೆ ಕಾರಣವಾಗುತ್ತದೆ ಮತ್ತು ನಿಧಾನವಾಗಿ ಕೆಂಪು ಮಿಶ್ರಿತ ಕಂದುಬಣ್ಣದ ಮೊಸಾಯಿಕ್ ರೀತಿಯ ರಚನೆಗಳನ್ನು ರೂಪಿಸುತ್ತವೆ. ವಿಶಿಷ್ಟ ಜಿಡ್ಡಿನ ಕಂದು ಪ್ರದೇಶಗಳು ಮತ್ತು ಶಿಲೀಂಧ್ರದ ಬೆಳವಣಿಗೆ, ಕುಡಿಗಳಲ್ಲಿ, ಕುಡಿ ಬಳ್ಳಿಗಳಲ್ಲಿ ಮತ್ತು ಹೂಗೊಂಚಲುಗಳಲ್ಲೂ ಕಂಡುಬರಬಹುದು. ಎಲೆ ಉದುರುವುದು ಮತ್ತು ಹೊಸ ಚಿಗುರುಗಳ ಹಾಗೂ ಹೂವುಗಳ ಕುಬ್ಜತೆ ಅಥವಾ ಸಾವು ಕುಂಠಿತ ಬೆಳವಣೆಗೆಗೆ ಮತ್ತು ಇಳುವರಿ ಇಳಿಕೆಗೆ ಕಾರಣವಾಗಬಹುದು.