ಕೋನೀಯ ಎಲೆ ಚುಕ್ಕೆ ರೋಗ

ಅದಕ್ಕೆ ಏನು ಕಾರಣ

ಸಸ್ಯ ರೋಗಕಾರಕ ಶಿಲೀಂಧ್ರವಾದ ಮೈಕೋಸ್ಫೆರೆಲ್ಲಾ ಆಂಗ್ಯುಲೇಟಾದಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಇದು ಮಸ್ಕಡೀನ್ ದ್ರಾಕ್ಷಿಗೆ (ವಿಟಿಸ್ ರೋಟಂಡಿಫೋಲಿಯಾ) ಬರುವ ಪ್ರಮುಖ ರೋಗವಾಗಿದೆ. ಆದರೆ ಇತರ ದ್ರಾಕ್ಷಿಗಳ ಮೇಲೂ ಕೂಡಾ ಪರಿಣಾಮ ಬೀರಬಹುದು. ಬೀಜಗಳು ಗಾಳಿ ಮತ್ತು ನೀರಿನ ತುಂತುರುಗಳಿಂದ ಇತರ ಎಲೆಗಳು ಮತ್ತು ಸಸ್ಯಗಳಿಗೆ ಹರಡುತ್ತವೆ. ಅವು ಎಲೆಗಳ ಮೇಲಿರುವ ನೈಸರ್ಗಿಕ ರಂಧ್ರಗಳು ಅಥವಾ ಗಾಯಗಳ ಮೂಲಕ ಸಸ್ಯಗಳ ಅಂಗಾಂಶಗಳನ್ನು ಪ್ರವೇಶಿಸುತ್ತವೆ. ಮತ್ತು ಸೋಂಕು ತರುತ್ತವೆ. ಸೋಂಕಿತ ಎಲೆಗಳಲ್ಲಿ ದ್ಯುತಿಸಂಶ್ಲೇಷಣೆ ಕಳಪೆಯಾಗಿರುತ್ತದೆ ಮತ್ತು ಇದು ಎಲೆಗಳು ಉದುರಲು ಕಾರಣವಾಗುತ್ತದೆ. ಮತ್ತು ಬಳ್ಳಿಗಳ ಚಟುವಟಿಕೆ ಕಡಿಮೆಯಾಗಲು ಮತ್ತು ದ್ರಾಕ್ಷಿಗಳು ಸೂರ್ಯನ ಕಿರಣಗಳಿಗೆ ನೇರವಾಗಿ ತೆರೆದುಕೊಂಡು ಸುಟ್ಟಂತಾಗುತ್ತವೆ. ಹಣ್ಣು ಬೆಳೆಯುವ ಮೊದಲೇ ಇದು ಸಂಭವಿಸಿದರೆ, ಪೂರ್ತಿ ಬೆಳೆಯುವ ಮುನ್ನವೇ ಸೋಂಕು ಹಣ್ಣುಗಳ ಬೆಳವಣಿಗೆಯನ್ನು ನಿಧಾನಗೊಳಿಸಬಹುದು ಅಥವಾ ನಿಲ್ಲಿಸಬಹುದು. ಬೆಳವಣಿಗೆಯ ಅವಧಿಯ ಮೊದಲಿಗೆ ವಿಶೇಷವಾಗಿ ಬೆಚ್ಚಗಿನ, ಆರ್ದ್ರ ಸ್ಥಿತಿಯಲ್ಲಿ ರೋಗಕಾರಕವು ಹುಲುಸಾಗಿ ಬೆಳೆಯುತ್ತದೆ.