ಮಾವಿನ ಕಾಂಡ ಕೊರಕ

ಅದಕ್ಕೆ ಏನು ಕಾರಣ

ಬಾಟೊಸೆರಾ ರುಫೋಮಾಕುಲಾಟಾದ ಲಾರ್ವಾ ಮತ್ತು ವಯಸ್ಕ ಹಂತದಿಂದ ಹಾನಿ ಉಂಟಾಗುತ್ತದೆ. ಜೀರುಂಡೆಗಳು 25-55 ಮಿಮೀ ಉದ್ದವಿದ್ದು ದೇಹದಷ್ಟೇ ಉದ್ದದ ಆಂಟೆನಾಗಳಿದ್ದು ಇವು ನಿಶಾಚರಿಗಳಾಗಿವೆ. ಹೆಣ್ಣು ಜೀರುಂಡೆ ಹಾನಿಗೊಳಗಾದ ಅಥವಾ ಒತ್ತಡಕ್ಕೊಳಗಾದ ಮರಗಳ ತೊಗಟೆಯನ್ನು ಕತ್ತರಿಸಿ ಈ ಪ್ರದೇಶಗಳಲ್ಲಿ ತನ್ನ ಮೊಟ್ಟೆಗಳನ್ನು ಇಡುತ್ತದೆ. ಪರ್ಯಾಯವಾಗಿ ಮಣ್ಣಿನ ಸವಕಳಿಯಿಂದಾಗಿ ಹೊರಗೆ ತೆರೆದುಕೊಳ್ಳುವ ಬೇರುಗಳಲ್ಲಿಯೂ ಮೊಟ್ಟೆಗಳನ್ನು ಇಡುತ್ತದೆ. ಲಾರ್ವಾಗಳು ಮುಖ್ಯ ಕಾಂಡಗಳು, ದೊಡ್ಡ ಶಾಖೆಗಳು ಅಥವಾ ಹೊರಗೆ ಬಂದ ಬೇರುಗಳ ತೊಗಟೆಯ ಅಡಿಯಲ್ಲಿ ತಿನ್ನುತ್ತವೆ. ನಂತರದ ಲಾರ್ವಾ ಹಂತದಲ್ಲಿ ಅವರು ಮರದೊಳಗೆ ಆಳವಾಗಿ ಕೊರೆದು ಅಲ್ಲಿ ಕೋಶಾವಸ್ಥೆಯನ್ನು ಪ್ರವೇಶಿಸುತ್ತವೆ. ವಯಸ್ಕ ಹುಳುಗಳು ನಿರ್ಗಮನ ರಂಧ್ರದಿಂದ ಹೊರಬರುತ್ತವೆ ಮತ್ತು ಕೊಂಬೆಗಳ ತೊಗಟೆ ಮತ್ತು ಬೆಳೆಯುತ್ತಿರುವ ತುದಿಗಳನ್ನು ತಿನ್ನುತ್ತವೆ. ವಯಸ್ಕ ಹುಳುಗಳು3-5 ಸೆಂ.ಮೀ ಇದ್ದು, ಬೂದು ಮಿಶ್ರಿತ ಕಂದು ಬಣ್ಣ, ಎದೆಯ ಬದಿಗಳಲ್ಲಿ 2 ಕಿಡ್ನಿ ಆಕಾರದ ಕಿತ್ತಳೆ-ಹಳದಿ ಚುಕ್ಕೆಗಳನ್ನು ಹೊಂದಿರುತ್ತವೆ. ಸಂಪೂರ್ಣವಾಗಿ ಬೆಳೆದ ಲಾರ್ವಾಗಳು ಗಾಢ ಕಂದು ತಲೆಯೊಂದಿಗೆ ಕೆನೆ ಬಣ್ಣವನ್ನು ಹೊಂದಿರುತ್ತವೆ ಮತ್ತು 10 ಸೆಂ.ಮೀ ಉದ್ದವಿರುತ್ತವೆ. ಲಾರ್ವಾಗಳ ಬೆಳವಣಿಗೆಗೆ ಸಾಮಾನ್ಯವಾಗಿ ಒಂದು ವರ್ಷಕ್ಕಿಂತ ಹೆಚ್ಚು ಸಮಯ ಬೇಕಾಗುತ್ತದೆ. ಲಾರ್ವಾಗಳು ಮರದ ತಿರುಳನ್ನು ಕೊರೆಯುತ್ತವೆ ಮತ್ತು ಅವುಗಳ ಗಾತ್ರದ ಕಾರಣದಿಂದಾಗಿ ದೊಡ್ಡ ಸುರಂಗಗಳು ಉಂಟಾಗಿ ಎಲೆಗಳು ಮತ್ತು ಹಣ್ಣಿನ ಉತ್ಪಾದನೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತವೆ. ಕೋಶಾವಸ್ಥೆ ಕಾಂಡದೊಳಗೆ ಆಗುತ್ತದೆ ಮತ್ತು ಬೇಸಿಗೆಯ ಕೊನೆಯಲ್ಲಿ ವಯಸ್ಕ ಜೀರುಂಡೆಗಳು ಹೊರಹೊಮ್ಮುತ್ತವೆ. ಅವು ನಿಶಾಚರಿಗಳು. ಹಲವಾರು ತಿಂಗಳುಗಳವರೆಗೆ ಬದುಕಬಲ್ಲವು ಮತ್ತು ದೂರದವರೆಗೆ ಹಾರಬಲ್ಲವು. ಇದರಿಂದಾಗಿ ಇವುಗಳ ಪ್ರಸರಣ ಸುಲಭ. ಕೀಟವು ಒಂದೇ ವಾರ್ಷಿಕ ಪೀಳಿಗೆಯನ್ನು ಹೊಂದಿದೆ.