ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ಸಿಟ್ರಸ್ ಸ್ನೋ ಸ್ಕೇಲ್
Unaspis citri
ಕೀಟ
5 mins to read
ಸಂಕ್ಷಿಪ್ತವಾಗಿ
- ಹಣ್ಣಿನ ಮೇಲೆ ಪುರುಷ ಸ್ಕೇಲ್ ಗಳ ಬಿಳಿ ರಾಶಿಗಳು.
- ಎಲೆಗಳ ಕೆಳಭಾಗದಲ್ಲಿ ಹಳದಿ ಚುಕ್ಕೆ.
- ಎಲೆಗಳ ಅಕಾಲಿಕ ಉದುರುವಿಕೆ.
- ಕೊಂಬೆಗಳ ಡೈ ಬ್ಯಾಕ್ (ತುದಿಯಿಂದ ಸಾಯುವಿಕೆ).
- ಶಾಖೆಗಳು ಅಂತಿಮವಾಗಿ ಸಾಯುತ್ತವೆ.
ಇವುಗಳಲ್ಲಿ ಸಹ ಕಾಣಬಹುದು
ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ರೋಗಲಕ್ಷಣಗಳು
ಮುತ್ತಿಕೊಳ್ಳುವಿಕೆ ಸಾಮಾನ್ಯವಾಗಿ ಮರದ ಕಾಂಡ ಮತ್ತು ಮುಖ್ಯ ಅಂಗಗಳ ಮೇಲೆ ಸಂಭವಿಸುತ್ತದೆ. ಇವುಗಳು ತೀವ್ರಗೊಂಡರೆ ಕೊಂಬೆಗಳು, ಎಲೆಗಳು ಮತ್ತು ಹಣ್ಣುಗಳ ಮೇಲೆ ಸಹ ಪರಿಣಾಮ ಬೀರುತ್ತವೆ. ಇದು ಎಲೆಗಳ ಕೆಳಭಾಗದಲ್ಲಿ ಹಳದಿ ಚುಕ್ಕೆಗಳ ಬೆಳವಣಿಗೆಗೆ ಕಾರಣವಾಗುತ್ತದೆ. ಎಲೆಗಳು ಅಕಾಲಿಕವಾಗಿ ಉದುರಿಹೋಗುತ್ತದೆ. ಕೊಂಬೆಗಳ ಡೈ ಬ್ಯಾಕ್ ಮತ್ತು ಅಂತಿಮವಾಗಿ ಕೊಂಬೆಗಳು ಸಾಯುತ್ತವೆ. ಹೆಚ್ಚು ಸೋಂಕಿತವಾದ ತೊಗಟೆಯು ಕಪ್ಪಾಗುತ್ತದೆ ಮತ್ತು ಮಂಕಾಗುತ್ತದೆ. ಬಿಗಿದುಕೊಂಡು ಅಂತಿಮವಾಗಿ ಸೀಳುತ್ತದೆ. ಶಿಲೀಂಧ್ರಗಳು ಮರದ ಮೇಲೆ ಮತ್ತಷ್ಟು ಆಕ್ರಮಣ ಮಾಡಲು ಅನುವು ಮಾಡಿಕೊಡುತ್ತದೆ.
Recommendations
ಜೈವಿಕ ನಿಯಂತ್ರಣ
ಸಿಟ್ರಸ್ ಸ್ನೋ ಸ್ಕೇಲ್ ಈಗಾಗಲೇ ತೋಪಿನಲ್ಲಿ ಸ್ಥಾಪನೆಗೊಂಡಿದ್ದರೆ ಪರಾವಲಂಬಿ ಕಣಜ ಅಫಿಟಿಸ್ ಲಿಂಗ್ನಾನೆನ್ಸಿಸ್ ಅದನ್ನು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಸುಣ್ಣದ ಸಲ್ಫರ್ (ಪಾಲಿಸಲ್ಫೈಡ್ ಸಲ್ಫರ್) ಅಥವಾ ತೇವಗೊಳಿಸಬಹುದಾದ ಗಂಧಕವನ್ನು ಬಳಸಿ ನಂತರ ಸುಣ್ಣದ ಸಲ್ಫರ್ ಮತ್ತು ತೈಲ ಸಿಂಪಡಿಸುವಿಕೆಯ ನಡುವೆ ಕನಿಷ್ಠ 30 ದಿನಗಳ ಅಂತರ ಬಿಡಿ. ಆದಾಗ್ಯೂ, ಸುಣ್ಣದ ಸಲ್ಫರ್ ಅಫಿಟಿಸ್ ಲಿಂಗ್ನಾನೆನ್ಸಿಸ್ ಮೇಲೆ ಪ್ರತಿಕೂಲ ಪರಿಣಾಮ ಬೀರಬಹುದು. ಜೀರುಂಡೆ ಚಿಲೋಕೋರಸ್ ಸರ್ಕಮ್‌ಡೇಟಸ್ ಸಹ ಯಶಸ್ವಿ ಜೈವಿಕ ನಿಯಂತ್ರಣ ಏಜೆಂಟ್ ಎಂದು ಕಂಡುಬಂದಿದೆ. ಬಿಳಿ ಎಣ್ಣೆ, ಸಾಬೂನು ಮತ್ತು ತೋಟಗಾರಿಕಾ ತೈಲ ಸಿಂಪಡಿಕೆಗಳು ಕೀಟಗಳ ಉಸಿರಾಟದ ರಂಧ್ರಗಳನ್ನು ತಡೆಯುವ ಮೂಲಕ ಅವುಗಳ ಉಸಿರುಗಟ್ಟುವಿಕೆ ಮತ್ತು ಸಾವಿಗೆ ಕಾರಣವಾಗುತ್ತದೆ. ಎಲೆಗಳ ಕೆಳಭಾಗಕ್ಕೆ ಸಿಂಪಡಿಸಿ. ತೈಲ ಕೀಟಗಳನ್ನು ಸಂಪರ್ಕಿಸಬೇಕು. 3-4 ವಾರಗಳ ನಂತರ ಸೋಪ್ ಅಥವಾ ತೈಲಗಳ ಎರಡನೇ ಬಳಕೆ ಅಗತ್ಯವಾಗಬಹುದು. ರಾಸಾಯನಿಕ ನಿಯಂತ್ರಣ ಏಜೆಂಟ್‌ಗಳ ಬಳಕೆಯಿಂದಾಗಿ ಜೈವಿಕ ನಿಯಂತ್ರಣ ಏಜೆಂಟ್‌ಗಳ ಪರಿಣಾಮಕಾರಿತ್ವ ಕಡಿಮೆಯಾಗಬಹುದು.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದಲ್ಲಿ ಜೈವಿಕ ಚಿಕಿತ್ಸೆಗಳ ಜೊತೆಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಮಲಾಥಿಯಾನ್ 50% ಸಿಟ್ರಸ್ ಸ್ನೋ ಸ್ಕೇಲ್ಸ್ ವಿರುದ್ಧ ಉಪಯುಕ್ತವಾಗಿದೆ. ಎಲೆಗಳ ಕೆಳಭಾಗದಲ್ಲಿ ಸಿಂಪಡಿಸಿ. ಸಂಶ್ಲೇಷಿತ ಪೈರೆಥ್ರಾಯ್ಡ್ ಕೀಟನಾಶಕಗಳೂ ಕೂಡ ಸಕ್ರಿಯ ಮರಿಹುಳುಗಳ ವಿರುದ್ಧವೂ ಪರಿಣಾಮಕಾರಿ. ಮ್ಯಾಲಥಿಯಾನ್ ಮತ್ತು ಸಿಂಥೆಟಿಕ್ ಪೈರೆಥ್ರಾಯ್ಡ್ಗಳು ನೈಸರ್ಗಿಕ ಶತ್ರುಗಳನ್ನು ಕೊಲ್ಲುವ ಸಾಧ್ಯತೆಯಿದೆ. ಆದ್ದರಿಂದ ಸಾಧ್ಯವಾದರೆ ಇವುಗಳ ಬಳಕೆ ತಪ್ಪಿಸಬೇಕು.
ಅದಕ್ಕೆ ಏನು ಕಾರಣ
ಸಿಟ್ರಸ್ ಸ್ನೋ ಸ್ಕೇಲ್ (ಯುನಾಪಿಸ್ ಸಿಟ್ರೈ)ನ ವಯಸ್ಕ ಕೀಟಗಳಿಂದ ರೋಗಲಕ್ಷಣಗಳು ಉಂಟಾಗುತ್ತವೆ. ಮೊಟ್ಟೆಯು ಅಂಡಾಕಾರದಲ್ಲಿರುತ್ತದೆ. ಪ್ರಕಾಶಮಾನವಾದ ಕಿತ್ತಳೆ ಬಣ್ಣದಲ್ಲಿರುತ್ತದೆ ಮತ್ತು ಸುಮಾರು 0.3 ಮಿಮೀ ಉದ್ದವಿರುತ್ತದೆ. ವಯಸ್ಕ ಹೆಣ್ಣು ಸ್ಕೇಲ್ 1.5 ರಿಂದ 2.3 ಮಿಮೀ ಉದ್ದವಿರುತ್ತದೆ ಮತ್ತು ಅದರ ಸಣ್ಣ, ಗಾಢವಾದ ಪೊರೆಗಳು ಸಾಮಾನ್ಯವಾಗಿ ಹಣ್ಣಿನ ಮೇಲೆ ಕೊಳೆಯಂತೆ ತಪ್ಪಾಗಿ ಗ್ರಹಿಸಲ್ಪಡುತ್ತವೆ. ಹೆಣ್ಣುಗಳು ತಮ್ಮ ಬಾಯಿಯ ಭಾಗಗಳನ್ನು ಮರದೊಳಗೆ ಸೇರಿಸುತ್ತವೆ ಮತ್ತು ಅಲ್ಲಿಂದ ನಂತರ ಚಲಿಸುವುದಿಲ್ಲ. ಅದೇ ಸ್ಥಳದಲ್ಲಿ ತಿನ್ನುತ್ತವೆ ಮತ್ತು ಸಂತಾನೋತ್ಪತ್ತಿ ಮಾಡುತ್ತವೆ. ಅದರ ರಕ್ಷಾಕವಚವು ಸಿಂಪಿ ಚಿಪ್ಪಿನ ಆಕಾರದಲ್ಲಿರುತ್ತದೆ ಮತ್ತು ಕಂದು ನೇರಳೆ ಬಣ್ಣದಿಂದ ಕಪ್ಪು ಬಣ್ಣವಿದ್ದು, ಬೂದು ಅಂಚನ್ನು ಹೊಂದಿರುತ್ತದೆ. ಪುರುಷ ಕೀಟಗಳ ರಕ್ಷಣಾಕವಚಗಳು ಸಹ ಬಲಿಯುವವರೆಗೂ ಚಲನರಹಿತವಾಗಿರುತ್ತವೆ. ಪುರುಷ ಕೀಟಗಳ ಎಳೆಯ ಸ್ಕೇಲ್ ರಕ್ಷಾಕವಚವು ಸಮಾನಾಂತರ ಬದಿಗಳು ಮತ್ತು ಮೂರು ಉದ್ದದ ವಿಭಾಗಗಳೊಂದಿಗೆ ಬಿಳಿಯಾಗಿರುತ್ತದೆ. ಒಂದು ಕೇಂದ್ರ ಮತ್ತು ಎರಡು ಅಂಚು ರೇಖೆಗಳು ಇರುತ್ತವೆ. ಯು. ಸಿಟ್ರೈ ಹಿಂದಿನ ಇನ್‌ಸ್ಟಾರ್‌ಗಳ ಮೇಣ ಮತ್ತು ಎರಕಹೊಯ್ದ ಚರ್ಮದಿಂದ ಕೂಡಿದ ರಕ್ಷಣಾತ್ಮಕ ಲೇಪನವನ್ನು ಸ್ರವಿಸುತ್ತದೆ. ಇದು ಅದರ ರಕ್ಷಾಕವಚವನ್ನು ರಚಿಸುತ್ತದೆ. ಕೀಟವು ಸತ್ತ ನಂತರ ರಕ್ಷಾಕವಚವು ಹಣ್ಣಿನ ಮೇಲೆ ಉಳಿಯುತ್ತದೆ ಮತ್ತು ಹಣ್ಣುಗಳನ್ನು ವಿರೂಪಗೊಳಿಸುತ್ತದೆ.
ಮುಂಜಾಗ್ರತಾ ಕ್ರಮಗಳು
- ಹೊಸ ತೋಪುಗಳಿಗೆ ತೆರಳುವ ಮೊದಲು ಕೃಷಿ ಉಪಕರಣಗಳನ್ನು ಸ್ವಚ್ಛಗೊಳಿಸಿ.
- ತೋಪಿನ ಹೊಸ ಪ್ರದೇಶವನ್ನು ಪ್ರವೇಶಿಸುವ ಮೊದಲು ನಿಮ್ಮ ಬಟ್ಟೆಗಳನ್ನು ಬ್ರಷ್ ಮಾಡಿ.
- ಮರಿಹುಳುಗಳು ಗಾಳಿ, ಕೃಷಿ ಉಪಕರಣಗಳು ಮತ್ತು ಹೊಲದಲ್ಲಿ ಕೆಲಸ ಮಾಡುವವರಿಂದ ಹರಡಬಹುದು.
- ಸಿಟ್ರಸ್ ಸ್ನೋ ಸ್ಕೇಲ್ ಮರಿಹುಳುಗಳು ಜೀವನಚಕ್ರದ ಚಲಿಸುವ ಹಂತವಾಗಿರುವುದರಿಂದ, ಈ ಹಂತದ ಹರಡುವಿಕೆಯನ್ನು ತಡೆಯುವುದು ನಿರ್ಣಾಯಕವಾಗುತ್ತದೆ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
