ಸಿಟ್ರಸ್ ಕಪ್ಪು ನೊಣ

ಅದಕ್ಕೆ ಏನು ಕಾರಣ

ಸಿಟ್ರಸ್ ಕಪ್ಪುನೊಣ (ಅಲ್ಯುರೊಕಾಂಥಸ್ ವೊಗ್ಲುಮಿ) ಏಷ್ಯನ್ ಮೂಲದ ಗಂಭೀರ ಸಿಟ್ರಸ್ ಕೀಟವಾಗಿದೆ ಮತ್ತು ಇದು ವಿವಿಧ ಆತಿಥೇಯ ಸಸ್ಯಗಳಿಗೆ ಮುತ್ತಿಕೊಳ್ಳುತ್ತದೆ. ಇದು ಬಿಳಿನೊಣದ ಕುಟುಂಬದ ಸದಸ್ಯ ಆದರೆ ಇದರ ಪ್ರೌಢ ಕೀಟವು ಗಾಢವಾದ, ಸ್ಲೇಟ್ ನೀಲಿ ಬಣ್ಣವನ್ನು ಹೊಂದಿರುವುದರಿಂದ ಇದಕ್ಕೆ ಕಪ್ಪುನೊಣ ಎಂಬ ಹೆಸರನ್ನು ನೀಡಲಾಯಿತು. ಪ್ರೌಢ ಕೀಟವು ಸೀಮಿತ ಹಾರುವ ವ್ಯಾಪ್ತಿಯನ್ನು ಹೊಂದಿರುವ ಬಹಳ ನಿಧಾನವಾಗಿ ಚಲಿಸುವ ಸಣ್ಣ ಕೀಟ, ಆದರೆ ಇದು ಮುಸ್ಸಂಜೆಯಲ್ಲಿ ಸಕ್ರಿಯನಾಗಿರುತ್ತದೆ ಮತ್ತು ಹಗಲಿನಲ್ಲಿ ಕೆಳಗಿನ ಎಲೆಯ ಮೇಲೆ ಕೂರುತ್ತದೆ. ಹೆಣ್ಣುಗಳು ಸುಮಾರು 100 ಚಿನ್ನದ ಬಣ್ಣದ ಮೊಟ್ಟೆಗಳನ್ನು ಉತ್ಪತ್ತಿ ಮಾಡುತ್ತವೆ, ಇವುಗಳನ್ನು ಎಲೆಗಳ ಕೆಳಭಾಗದಲ್ಲಿ ಸುರುಳಿಯಾಕಾರದ ಮಾದರಿಯಲ್ಲಿ ಇಡಲಾಗುತ್ತದೆ. ಮರಿಹುಳುಗಳು ಚಪ್ಪಟೆಯಾಗಿರುತ್ತವೆ, ಅಂಡಾಕಾರದಲ್ಲಿರುತ್ತವೆ ಮತ್ತು ಅವುಗಳು ಚೆಕ್ಕೆಯ ತರಹ ಕಾಣುತ್ತವೆ. ಕಪ್ಪುನೊಣದ ಚುಚ್ಚುವ ಸ್ಟೈಲೆಟ್ ಮೂಲಕ ಎಲೆಗಳ ಕೋಶ ರಸವನ್ನು ಹೀರಿಕೊಳ್ಳಲಾಗುತ್ತದೆ. ಅದೇ ಸಮಯದಲ್ಲಿ ಈ ನೊಣವು ಸಿಹಿಅಂಟನ್ನು ದೊಡ್ಡ ಪ್ರಮಾಣದಲ್ಲಿ ಸ್ರವಿಸುತ್ತದೆ. ಇದರ ಬೆಳವಣಿಗೆಗೆ ಸೂಕ್ತವಾದ ಪರಿಸ್ಥಿತಿಗಳೆಂದರೆ ಸುಮಾರು 28-32°C ತಾಪಮಾನ ಮತ್ತು 70-80% ನಷ್ಟು ಆರ್ದ್ರತೆ. ಎ. ವೊಗ್ಲುಮಿಯು ಹಿಮ ಬೀಳುವ ಶೀತ ವಾತಾವರಣದಲ್ಲಿ ಬದುಕುವುದಿಲ್ಲ.