ಸ್ಪೈನಿ ಬೋಲ್ವರ್ಮ್

ಅದಕ್ಕೆ ಏನು ಕಾರಣ

ಭಾರತದ ಉತ್ತರದ ಭಾಗಗಳಲ್ಲಿ ಸಾಮಾನ್ಯವಾಗಿರುವ ಕೀಟವಾದ ಎರಿಯಾಸ್ ಇನ್ಸುಲಾನಾ ಎಂಬ ಸ್ಪೈನಿ ಬೋಲ್ವರ್ಮ್ ನ ಲಾರ್ವಾಗಳಿಂದಾಗಿ ಈ ಹಾನಿ ಉಂಟಾಗುತ್ತದೆ. ಈ ಕೀಟದ ಪರ್ಯಾಯ ಆಶ್ರಯದಾತ ಸಸ್ಯಗಳೆಂದರೆ, ದಾಸವಾಳ ಮತ್ತು ಬೆಂಡೆಕಾಯಿ. ಪತಂಗಗಳು ಬೆಳ್ಳಿ-ಹಸಿರಿನಿಂದ ಹಳದಿ ಬಣ್ಣದಲ್ಲಿರುತ್ತವೆ. ಸರಿಸುಮಾರು 2 ಸೆಂ.ಮೀ ಉದ್ದವಿರುತ್ತವೆ ಮತ್ತು ಹೂವುಗಳು ಅಥವಾ ಬೆಳಕಿನ ಮೂಲಗಳ ಹತ್ತಿರ ಇವುಗಳನ್ನು ಕಾಣಬಹುದಾಗಿದೆ. ರೆಕ್ಕೆಗಳ ಮೇಲೆ ಮೂರು ಗಾಢವಾದ ಗೆರೆಗಳನ್ನು ನೋಡಬಹುದು. ಹಳದಿ ಮತ್ತು ಕಂದು ಬಣ್ಣದ ಕೀಟಗಳು ಶರತ್ಕಾಲದಲ್ಲಿ ಹೆಚ್ಚಾಗಿ ಕಂಡುಬಂದರೆ, ಹಸಿರು ಕೀಟಗಳು ಬೇಸಿಗೆಯಲ್ಲಿ ಸಾಮಾನ್ಯವಾಗಿರುತ್ತವೆ. ಮೊಟ್ಟೆ ನೀಲಿ ಬಣ್ಣದಲ್ಲಿರುತ್ತವೆ. ಎಳೆಯ ಚಿಗುರುಗಳು, ಎಲೆಗಳು ಮತ್ತು ಸ್ವ್ವೇರ್ ಗಳ ಮೇಲೆ ಒಂದೇ ಮೊಟ್ಟೆ ಇಡಲಾಗುತ್ತದೆ. ಎಳೆಯ ಲಾರ್ವಾಗಳು ತಿಳಿ ಕಂದು ಬಣ್ಣದಲ್ಲಿರುತ್ತವೆ ಮತ್ತು ಬೂದು ಬಣ್ಣದಿಂದ ಹಳದಿ ಮತ್ತು ಕಿತ್ತಳೆ ಬಣ್ಣದ ವಿನ್ಯಾಸಗಳನ್ನು ಹೊಂದಿರುತ್ತವೆ. ದೇಹದ ಮೇಲ್ಮೈಯನ್ನು ಬಹುತೇಕವಾಗಿ ಆವರಿಸಿರುವ, ಕೈ ಮಸೂರದಲ್ಲಿ ಗೋಚರಿಸುವ, ಸಣ್ಣ ಮುಳ್ಳುಗಳಿಂದ ಇತರ ಮರಿಹುಳುಗಳಿಂದ ಇವುಗಳನ್ನು ಬೇರೆಯಾಗಿ ಗುರುತಿಸಬಹುದಾಗಿದೆ. ಅವು ಪ್ರೌಢಾವಸ್ಥೆಯನ್ನು ತಲುಪಿದಾಗ, ಎಲೆಗಳು ಅಥವಾ ಬಿದ್ದ ಸಸ್ಯದ ಭಾಗಗಳಿಗೆ ಜೋಡಿಸಲಾದ ರೇಷ್ಮೆಯ ಕೋಶಗಳಲ್ಲಿ ಕೋಶಾವಸ್ಥೆ ಕಳೆಯುತ್ತವೆ. ಉಷ್ಣವಲಯದ ಪರಿಸ್ಥಿತಿಗಳಲ್ಲಿ 20-25 ದಿನಗಳಲ್ಲಿ ಒಂದು ಪೀಳಿಗೆಯು ಪೂರ್ಣಗೊಳ್ಳುತ್ತದೆ. ಕಡಿಮೆ ತಾಪಮಾನವು ಈ ಪ್ರಕ್ರಿಯೆಯನ್ನು ಎರಡು ತಿಂಗಳ ವರೆಗೆ ವಿಳಂಬಗೊಳಿಸಬಹುದು.