ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ಸಿಟ್ರಸ್ ಗ್ರೀನಿಂಗ್ ಡಿಸೀಸ್
Liberibacter asiaticus
ಬ್ಯಾಕ್ಟೀರಿಯಾ
5 mins to read
ಸಂಕ್ಷಿಪ್ತವಾಗಿ
- ಎಲೆಗಳ ಮೇಲೆ ಬೊಬ್ಬೆ ತುಂಬಿದ ಮಚ್ಚೆಗಳು.
- ಸಿರೆಗಳು ಹಳದಿ ಬಣ್ಣಕ್ಕೆ ತಿರುಗುತ್ತವೆ.
- ಮರಗಳ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ.
- ಅಕಾಲಿಕವಾದ ಎಲೆಗಳಚುವಿಕೆ.
- ಹಣ್ಣುಗಳು ಹಸಿರು ಬಣ್ಣಕ್ಕೆ ತಿರುಗುತ್ತವೆ ಮತ್ತು ಬೆಳವಣಿಗೆ ಕುಂಠಿತಗೊಳ್ಳುತ್ತದೆ.
ಇವುಗಳಲ್ಲಿ ಸಹ ಕಾಣಬಹುದು
ಸಿಟ್ರಸ್ (ನಿಂಬೆ, ಕಿತ್ತಳೆ ಹಾಗು ಇತರ ನಿಂಬೆ ಜಾತಿ ಬೆಳೆಗಳು)
ರೋಗಲಕ್ಷಣಗಳು
ಮೊದಲ ರೋಗಲಕ್ಷಣವೆಂದರೆ ಮರದ ಮೇಲೆ ಕಂಡುಬರುವ ಹಳದಿ ಚಿಗುರು, ಇದರಿಂದಾಗಿ ಈ ರೋಗಕ್ಕೆ ಒಂದು ಸಾಮಾನ್ಯ ಹೆಸರಿದೆ, ಹುವಾಂಗ್ಲೋಂಗ್ಬಿಂಗ್ (ಇದರರ್ಥ ಹಳದಿ ಡ್ರ್ಯಾಗನ್ ರೋಗ ಎಂದು). ಎಲೆಗಳು ಕ್ರಮೇಣ ತಿಳಿ-ಹಳದಿ ಬಣ್ಣಕ್ಕೆ ಬದಲಾಗುತ್ತವೆ ಮತ್ತು ಸತು ಅಥವಾ ಮ್ಯಾಂಗನೀಸ್ ಕೊರತೆಯನ್ನು ಹೋಲುವಂತಹ ಒಂದು ವ್ಯಾಪಕವಾದ ಕಂದು ಬಣ್ಣದ ಮಚ್ಚೆಗಳು ಕಂಡುಬರುತ್ತವೆ. ಈ ಅಸ್ವಸ್ಥತೆಗಳನ್ನು ಬೇರ್ಪಡಿಸಿ ಗುರುತಿಸಲು ಸಾಮಾನ್ಯ ಮಾರ್ಗವೆಂದರೆ, ಸತು ಮತ್ತು ಮ್ಯಾಂಗನೀಸ್ ಕೊರತೆಗಳ ರೋಗಲಕ್ಷಣಗಳು ಎಲೆಯ ಸಿರೆಗಳ ಉದ್ದಕ್ಕೂ ಸಮ್ಮಿತೀಯವಾಗಿರುತ್ತವೆ, ಆದರೆ ಈ ರೋಗವು ಅಸಮ್ಮಿತವಾಗಿರುತ್ತದೆ. ಸಾಂಕ್ರಾಮಿಕವಾಗಿ ಸೋಂಕಿತ ಮರಗಳಲ್ಲಿ ಕುಂಠಿತ ಬೆಳವಣಿಗೆ ಕಂಡುಬರುತ್ತದೆ, ಅಕಾಲಿಕ ವಿಪರ್ಣನವುಂಟಾಗುತ್ತದೆ ಮತ್ತು ಕೊಂಬೆಗಳು ನಿರ್ಜೀವಗೊಳ್ಳುತ್ತವೆ. ಮರಗಳಲ್ಲಿ ಋತುವಿನಲ್ಲದ ಅನೇಕ ಹೂವುಗಳಿರಬಹುದು, ಅದು ನಂತರ ಉದುರಬಹುದು ಮತ್ತು ಸಣ್ಣ, ಅನಿಯಮಿತವಾದ ಹಣ್ಣುಗಳು ಬೆಳೆಯುತ್ತವೆ ಅವುಗಳ ಮೇಲೆ ದಪ್ಪವಾದ, ತೆಳುವಾದ ಸಿಪ್ಪೆಯಿದ್ದು ತಳದಲ್ಲಿ ಮಾತ್ರ ಹಸಿರು ಬಣ್ಣವಿರುತ್ತದೆ (ಇದರಿಂದಾಗಲೇ ಈ ರೋಗದ ಹೆಸರು ಸಿಟ್ರಸ್ ಗ್ರೀನಿಂಗ್ ರೋಗ ಎಂದಿದೆ).
Recommendations
ಜೈವಿಕ ನಿಯಂತ್ರಣ
ಕ್ಷಮಿಸಿ, ಈ ರೋಗದ ವಿರುದ್ಧ ಯಾವುದೇ ಜೈವಿಕ ಚಿಕಿತ್ಸೆಯ ಬಗ್ಗೆ ನಮಗೆ ತಿಳಿದಿಲ್ಲ ಈ ರೋಗದ ವಿರುದ್ಧ ಹೋರಾಡಲು ಸಹಾಯವಾಗುವ ಯಾವುದಾದರೂ ವಿಧ ನಿಮಗೆ ತಿಳಿದಿದ್ದರೆ ದಯವಿಟ್ಟು ನಮಗೆ ತಿಳಿಸಿ. ನಿಮ್ಮ ಪ್ರತಿಕ್ರಿಯೆಗಾಗಿ ನಾವು ಎದುರು ನೋಡುತ್ತೇವೆ.
ರಾಸಾಯನಿಕ ನಿಯಂತ್ರಣ
ಯಾವಾಗಲೂ ಜೈವಿಕ ಚಿಕಿತ್ಸೆಗಳು ಲಭ್ಯವಿದ್ದರೆ ಅದರ ಜೊತೆ ನಿರೋಧಕ ಕ್ರಮಗಳನ್ನು ಒಟ್ಟುಗೂಡಿಸಿ ಸಮಗ್ರವಾದ ಮಾರ್ಗವನ್ನು ಪರಿಗಣಿಸಿ. ಕೀಟನಾಶಕಗಳ ಸೂಕ್ತವಾದ ಬಳಕೆಯು ಸೈಲೈಡ್ ವಾಹಕಗಳನ್ನು ಉತ್ತಮವಾಗಿ ನಿಯಂತ್ರಿಸಲು ಸಹಾಯ ಮಾಡಿವೆ ಮತ್ತು ಇದರಿಂದಾಗಿ ರೋಗದ ಹರಡುವಿಕೆಯನ್ನು ಮಿತಿಯಲ್ಲಿಡಬಹುದು. ಮರಗಳ ಕಾಂಡದೊಳಗೆ ಪ್ರತಿಜೀವಕ ಟೆಟ್ರಾಸೈಕ್ಲಿನ್ ಅನ್ನು ಚುಚ್ಚುಮದ್ದು ಮಾಡುವುದರಿಂದ ರೋಗದಿಂದ ಸ್ವಲ್ಪ ಮಟ್ಟಿಗೆ ಚೇತರಿಕೆ ಪಡೆಯಬಹುದು ಆದರೆ ಸೂಕ್ತ ಪರಿಣಾಮವನ್ನು ಪಡೆಯಲು ಸಾಮಾನ್ಯವಾಗಿ ಅದನ್ನು ಪುನರಾವರ್ತಿಸಬೇಕಾಗುತ್ತದೆ. ಟೆಟ್ರಾಸಿಕ್ಲೈನ್ ಫೈಟೋಟಾಕ್ಸಿಕ್ ಆಗಿರುತ್ತದೆ ಮತ್ತು ಅದು ವಾತಾವರಣದ ಮೇಲೆ ಸಹ ಪ್ರತಿಕೂಲ ಪರಿಣಾಮ ಬೀರಬಹುದು. ಈ ಕಾರಣಗಳಿಗಾಗಿ, ಅದರ ಬಳಕೆಯನ್ನು ಇತ್ತೀಚಿನ ವರ್ಷಗಳಲ್ಲಿ ಕಡಿಮೆ ಮಾಡಲಾಗಿದೆ.
ಅದಕ್ಕೆ ಏನು ಕಾರಣ
ಕ್ಯಾಂಡಿಡಾಟಸ್ ಲಿಬರಿಬ್ಯಾಕ್ಟರ್ ಏಷಿಯಾಟಿಕಸ್ ಎಂಬ ಬ್ಯಾಕ್ಟೀರಿಯಾದಿಂದ ಹುವಾಂಗ್ಲಾಂಗ್ಬಿಂಗ್ನ (HLB) ರೋಗ ಲಕ್ಷಣಗಳು ಉಂಟಾಗುತ್ತವೆ. ಸಿಟ್ರಸ್ ತೋಪುಗಳಲ್ಲಿ, ಡಯಾಫೊರಿನಾ ಸಿಟ್ರಿ ಮತ್ತು ಟ್ರಿಯೊಝಾ ಎರಿಟ್ರೆಯಲ್ಲಿ ಸರ್ವವ್ಯಾಪಿಯಾಗಿರುವ ಎರಡು ಸೈಲೈಡ್ ವಾಹಕಗಳಿಂದ ಇದು ನಿರಂತರವಾಗಿ ಹರಡುತ್ತದೆ. HLB ಅನ್ನು ಮರಿಹುಳುಗಳು ಮತ್ತು ದೊಡ್ಡಹುಳುಗಳೆರಡೂ ಪಡೆದುಕೊಳ್ಳಬಹುದು, ಇವು ತಮ್ಮ ಸಂಪೂರ್ಣ 3-4 ತಿಂಗಳ ಜೀವಿತಾವಧಿಯಲ್ಲಿ ರೋಗವನ್ನು ಕಾಪಾಡಿಕೊಂಡು ಹರಡುತ್ತವೆ. ಹುವಾಂಗ್ಲೋಂಗ್ಬಿಂಗ್ ವ್ಯವಸ್ಥಿತವಾಗಿದ್ದು ಇದು ಹೊರಹೊಮ್ಮುವ ಅವಧಿಯು ರೋಗಲಕ್ಷಣಗಳು ಗೋಚರಿಸುವ ಮೊದಲು ಸುಮಾರು ಮೂರು ತಿಂಗಳುಗಳಿಂದ ಹಲವು ವರ್ಷಗಳವರೆಗೆ ಇರಬಹುದು. ವಿವಿಧ ಪ್ರಸರಣ ಪ್ರಮಾಣಗಳಿದ್ದರೂ ಸಹ ರೋಗವು ಕಸಿ ಮಾಡುವಾಗ ಹರಡಬಹುದು. ಬೀಜ ಪ್ರಸರಣ ಸಹ ಸಾಧ್ಯವಿದೆ. ಇತರ ರೋಗಲಕ್ಷಣಗಳು ಅಥವಾ ಅಸ್ವಸ್ಥತೆಗಳಲ್ಲೂ ಸಹ ಎಲೆಗಳಲ್ಲಿ ಅಂತಹ ಮಚ್ಚೆಗಳು ಕಂಡುಬರುತ್ತವೆ. ಹೀಗಾಗಿ ಕಾರಣವನ್ನು ಕಂಡುಹಿಡಿಯುವ ಸಲುವಾಗಿ ಪ್ರಯೋಗಾಲಯಗಳಲ್ಲಿ ವಿಶ್ಲೇಷಣೆಗಾಗಿ ಅಂಗಾಂಶಗಳ ಮಾದರಿಗಳನ್ನು ಕಳುಹಿಸಲು ಸೂಚಿಸಲಾಗುತ್ತದೆ.
ಮುಂಜಾಗ್ರತಾ ಕ್ರಮಗಳು
- ದೇಶದಲ್ಲಿ ಲಭ್ಯವಿರುವ ಸಂಭಾವ್ಯ ಸಂಪರ್ಕತಡೆ ನಿಯಂತ್ರಣಗಳ ಬಗ್ಗೆ ತಿಳಿದಿರಲಿ.
- ರೋಗದ ರೋಗಲಕ್ಷಣಗಳನ್ನು ಗುರುತಿಸಲು ಸಿಟ್ರಸ್ ತೋಪನ್ನು ನಿಯಮಿತವಾಗಿ ಪರಿಶೀಲಿಸಿ.
- ಸೋಂಕಿತ ಮರಗಳನ್ನು ತಕ್ಷಣವೇ ತೆಗೆದುಹಾಕಿ.
- ಸಿಟ್ರಸ್ ಬೆಳೆವಣಿಗೆಯಲ್ಲಿ ಕಾರ್ಮಿಕರ ಮತ್ತು ಉಪಕರಣಗಳ ನಡುವೆ ಆರೋಗ್ಯದ ಗುಣಮಟ್ಟವನ್ನು ಕಾಪಾಡಿಕೊಳ್ಳಿ.
- ಮುರ್ರಾಯಾ ಪ್ಯಾನಿಕ್ಯುಲಾಟ, ಸೆವೆರಿನಿಯಾ ಬುಕ್ಸಿಫೋಲಿಯಾ, ಮತ್ತು ಸಿಟ್ರಸ್ (ರುಟಾಸಿಯೆ) ನಂತಹ ಒಂದೇ ಕುಟುಂಬದಲ್ಲಿನ ಇತರ ಸಸ್ಯಗಳಂತಹ ಸೈಲಿಡ್ಸ್ ನ ಪರ್ಯಾಯವಾದ ಹೋಸ್ಟ್ಗಳನ್ನು ತೆಗೆದುಹಾಕಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
