ಹುಲ್ಲು ಜೋಳದ ಒರಟು ಎಲೆ ಚುಕ್ಕೆ

ರೋಗಲಕ್ಷಣಗಳು

ಸೋಂಕಿನ ಆರಂಭಿಕ ಹಂತದಲ್ಲಿ, ಸಣ್ಣ ಕೆಂಪು ಕಲೆಗಳು ಎಲೆಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಈ ಕಲೆಗಳು ಕ್ರಮೇಣವಾಗಿ ಉಬ್ಬುತ್ತವೆ ಮತ್ತು ಸಣ್ಣ ಕಪ್ಪು ಗಂಟುಗಳಾಗಿ ಬೆಳೆಯುತ್ತವೆ, ಮುಖ್ಯವಾಗಿ ಮೇಲಿನ ಎಲೆ ಮೇಲ್ಮೈಯಲ್ಲಿ ಗೋಚರಿಸುತ್ತವೆ. ಅವು ಅಂತಿಮವಾಗಿ ಮುರಿದುಹೋಗುವಾಗ, ಕಪ್ಪು ವಲಯವಿರುವ ಬಿಳಿ ಕುಳಿಗಳನ್ನು ಬಿಡುತ್ತವೆ. ನಂತರದ ಹಂತದಲ್ಲಿ, ಗಾಯಗಳು ಅಂಡಾಕೃತಿಯಲ್ಲಿ ಹಿಗ್ಗುತ್ತವೆ ಮತ್ತು ಕಂದು ಬಣ್ಣದ ಕೇಂದ್ರದೊಂದಿಗೆ ಕಡು ಕೆಂಪು ಬಣ್ಣದಿಂದ ಕೆನ್ನೇರಳೆಯಾಗಿ ಬದಲಾಗಬಹುದು. ಅವು ಒಂದುಗೂಡಿ. ಕಿರಿದಾದ, ಗಾಢ ಕೆಂಪು ಅಂಚಿನೊಡನೆ ವ್ಯಾಪಕವಾದ ಕಂದು ಬಣ್ಣದ ಕಲೆಗಳಾಗಬಹುದು. ಸಣ್ಣ, ಕಪ್ಪು, ಗಡುಸಾದ ಮತ್ತು ಉಬ್ಬಿದ ಶಿಲೀಂಧ್ರ ರಚನೆಗಳು ಗಾಯಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಇದರಿಂದಲೇ ಅವುಗಳು ಗಡುಸಾಗುತ್ತವೆ. ಇದನ್ನು ಪಿಕ್ನಿಡಿಯಾ ಎಂದೂ ಕರೆಯುತ್ತಾರೆ. ಅವುಗಳನ್ನು ಕೆಲವೊಮ್ಮೆ ಎಲೆಗಳ ಗರಿಗಳ ಆರೋಗ್ಯಕರ ಹಸಿರು ಭಾಗಗಳಲ್ಲಿ ಸಹ ಗಮನಿಸಬಹುದು. ಎಲೆಗಳ ಪೊರೆಗಳಲ್ಲಿ ಮತ್ತು ಕೆಲವೊಮ್ಮೆ ಕಾಂಡಗಳ ಮೇಲೆ ಇದೇ ರೀತಿಯ ಗಾಯಗಳು ಉಂಟಾಗಬಹುದು. ಅಂತಿಮ ಹಂತದಲ್ಲಿ ಎಲೆಗಳು ಸಾಯಬಹುದು.