దోమ పురుగులు
Helopeltis sp.
కీటకం
క్లుప్తంగా
- లేత ఆకులు మరియు రెమ్మలపై చిన్న ముదురు గోధుమ రంగు మచ్చలు ఏర్పడతాయి.
- ఆకులు నల్లగా మారి ముడుచుకుపోతాయి.
- లేత చిగుర్లు ఎండిపోయి చనిపోతాయి.
- పండ్ల ఉపరితలాలపై పులిపుర్లు లాంటి ఉపరితలం మరియు గట్టి పొర ఏర్పడతాయి.
- ఎరుపు, నలుపు, తెలుపు రంగులలో ఉండి, నల్లటి రెక్కలున్న పురుగులు కనిపిస్తాయి.
లో కూడా చూడవచ్చు
లక్షణాలు
జామకాయలపై, కాయల ఉపరితలాలపై తుప్పు రంగు మచ్చలు మరియు నల్లటి పొక్కుల రూపంలో లక్షణాలు కనిపిస్తాయి. పురుగులు తిన్న రంధ్రాల నుండి జిగురు కారుతుంది. ఆకులు మరియు రెమ్మలు గోధుమ రంగులోకి మారతాయి. పురుగులు పంటను అధికంగా ఆశించినప్పుడు కాయలు రాలిపోవచ్చు. తేయాకుపై, అత్యంత విలువైన భాగమైన లేత చిగుళ్లపై లక్షణాలు కనిపిస్తాయి. అత్యంత లేత ఆకులు మరియు లేత రెమ్మలపై చిన్న ముదురు గోధుమ రంగు మచ్చలు కనిపిస్తాయి. ఈ మచ్చలు తాజాగా ఉన్నప్పుడు వాటి మధ్య భాగం నుండి తేమను స్రవిస్తాయి మరియు ఈ మచ్చలు ఎండిపోయినప్పుడు నల్లగా మారతాయి. ప్రతి మచ్చ చుట్టూ ఉన్న దెబ్బతిన్న కణజాలం చనిపోయి, కాలక్రమేణా ముదురు రంగులోకి మారుతుంది. ఆకులు ముడుచుకుపోయి మెలితిరిగి, వికృతంగా తయారవుతాయి. పెరుగుతున్న కణజాలం దెబ్బతినడం వల్ల కొత్త చిగుర్ల ఎదుగుదల ఆగిపోతుంది. వీటి దాడి తీవ్రమైన సందర్భాల్లో పచ్చని చిగుర్లన్నీ ఎండిపోయి చనిపోతాయి. తీవ్రంగా దెబ్బతిన్న మొక్కల్లో కొమ్మ కుళ్లు వ్యాధి రావచ్చు.
సిఫార్సులు
సేంద్రీయ నియంత్రణ
సాగు పద్ధతులను జీవ నియంత్రణ పద్దతులతో కలిపి సాగుచేయండి. మొదట వేప ఉత్పత్తులను వాడండి, అవసరమైతేనే రసాయన పురుగుమందులను వాడండి. గరిష్ట ప్రభావం కోసం వాతావరణ సూచనలకు అనుగుణంగా సరైన సమయానికి నివారణ చర్యలను చేపట్టండి. తెగుళ్ల జనాభాను తగ్గించడంలో సహాయపడే స్థానికంగా అందుబాటులో లభించే వీటి సహజ శత్రువులు అందుబాటులో ఉన్నాయేమో మీ మార్కెట్లో చెక్ చేయండి.
రసాయన నియంత్రణ
నివారణ చర్యలతో పాటు, అందుబాటులో ఉంటే జీవ చికిత్సలను కూడా కలిపి ఒక సమగ్ర విధానాన్ని ఎల్లప్పుడూ పరిగణలోకి తీసుకోండి. నిరోధకతను నివారించడానికి వివిధ పురుగుమందులను మార్చి మార్చి వాడండి. వీటి సహజ శత్రువులను రక్షించే ఎంపిక చేసిన పురుగుమందులను ఉపయోగించండి. నష్టాన్ని తగ్గించడానికి, పూత వచ్చినప్పటి నుండి ప్రతి 2 వారాలకు ఒకసారి పిచికారీ చేయండి. పురుగులు అత్యంత చురుకుగా ఉండే సాయంత్రం వేళల్లో పిచికారీ చేయండి. పురుగులు దాక్కునే పొదల మధ్య నీడ ఉన్న ప్రాంతాలను లక్ష్యంగా చేసుకోండి. పురుగుమందు ఆనవాళ్లు ఉత్పత్తిపై లేకుండా చూడడానికి పంట కోతకు 7-10 రోజుల ముందు పిచికారీ చేయడం ఆపండి.
దీనికి కారణమేమిటి?
దోమ పురుగులు సుమారు 1.5 సెం.మీ. పొడవు ఉండే చిన్న కీటకాలు. ఇవి ఎరుపు, నలుపు, తెలుపు రంగుల మిశ్రమంతో, నల్లటి రెక్కలు మరియు యాంటెనాలతో ఉంటాయి. ఆడ పురుగులు పచ్చని చిగుర్లు, మొగ్గలు మరియు ఆకుల కణజాలంలో సుమారు 500 సాసేజ్ ఆకారపు గుడ్లను పెడతాయి. వాటి నుండి పొదిగిన పిల్ల పురుగులు వెంట్రుకలతో, పసుపు - నారింజరంగులో చీమలవలె కనిపిస్తాయి. పెద్ద పురుగులు మరియు పిల్ల పురుగులు రెండూ లేత మొగ్గలు, లేత ఆకులు, మెత్తని కాండాలు మరియు పండ్ల నుండి మొక్క రసాన్ని పీలుస్తాయి. ఇవి అధిక తేమతో కూడిన నీడ ప్రాంతాలను ఇష్టపడతాయి మరియు తెల్లవారుజామున, సాయంత్రం వేళల్లో అత్యంత చురుకుగా ఉంటాయి. లేత చిగుర్లు మరియు పండ్లు సరిగ్గా పెరగవు, దీనివల్ల పంట దెబ్బతింటుంది. చూడటానికి దోమలను పోలి ఉండటం వల్ల ఈ కీటకానికి ఆ పేరు వచ్చింది.
నివారణా చర్యలు
- తెగుళ్లు ఎక్కువగా సంక్రమించే కాలాల్లో మీ మొక్కలను క్రమం తప్పకుండా చెక్ cheయండి.
- పసుపు రంగు జిగురు అట్టలను (హెక్టారుకు 16-20) ఏర్పాటు చేయండి.
- దెబ్బతిన్న మొక్క భాగాలన్నింటినీ తొలగించి నాశనం చేయండి.
- గాలి ప్రసరణను మెరుగుపరచడానికి క్రమం తప్పకుండా కొమ్మలను కత్తిరించండి.
- తోటలో కలుపు మొక్కలను తొలగించండి.
- వాతావరణ మార్పులను గమనించండి - తేమతో కూడిన వాతావరణంలో తెగుళ్ల దాడిని ఆశించవచ్చు.
- రాలిన ఆకులు మరియు చెత్తను సేకరించి నాశనం చేయండి.
- అధిక సాంద్రతతో నాటినట్లయితే తెగుళ్ల వ్యాప్తిని నివారించడానికి పండ్లకు సంచులు కట్టండి.
పంచుకోండి
Work in crop protection, seeds or fertilizer?
This page is powered by millions of live Plantix diagnoses. Reach farmers at the exact moment they diagnose దోమ పురుగులు with Demand Creation, part of Plantix Intelligence.
ప్లాంటిక్స్ను డౌన్లోడ్ చేసుకోండి
