బ్లాక్ లూపర్
Hyposidra talaca
కీటకం
క్లుప్తంగా
- ఈ పురుగులు తినడం వలన ఆకులు పల్చగా, పారదర్శకంగా మారుతాయి పొద బయటి నుండి ప్రారంభించి మధ్యలోకి తింటాయి.
- ఆకులు పూర్తిగా రాలిపోతాయి, పొదలు బోసిగా, ఎండిపోయినట్లు కనిపిస్తాయి.
- నల్లటి లార్వాలపై చారల్లా కనిపించే తెల్లటి మచ్చలు ఉంటాయి.
లక్షణాలు
మొదట, చిన్న లార్వాలు ఆకుల మెత్తని భాగాన్ని తింటాయి, ఈకారణంగా, ఆకులు పల్చటి, పారదర్శక పొరలా కనిపిస్తాయి. అవి పెరిగేకొద్దీ, లార్వాలు బయటి నుండి మొదలుపెట్టి తేయాకు పొద మధ్యలోకి వస్తూ, ఆకులన్నింటినీ తినివేస్తాయి. ఇవి అధిక సంఖ్యలో ఉంటే, తేయాకు పొదల ఆకులన్నింటినీ పూర్తిగా తొలగించగలవు. దీనివల్ల పొదలు ఆకులు లేకుండా, ఎండిపోయినట్లుగా కనిపిస్తాయి. ఆకులను పదేపదే తినేయడం వల్ల, తేయాకు పొద బలహీనపడుతుంది, కోసిన తేయాకు నాణ్యత తగ్గుతుంది, మరియు మొక్కలపై ఇతర తెగుళ్లు, వ్యాధులు సులభంగా దాడి చేస్తాయి.
సిఫార్సులు
సేంద్రీయ నియంత్రణ
బ్లాక్ లూపర్కు అనేక సహజ శత్రువులు కనుగొనబడ్డాయి మరియు వాటిని సమీకృత తెగుళ్ల నిర్వహణ (IPM) ప్రణాళికలో ఉపయోగించవచ్చు. పరాన్నజీవి కందిరీగలు (ఉదా. కోటేసియా రుఫిక్రస్) లూపర్ లోపల గుడ్లు పెడతాయి. శరదృతువు చివరలో మరియు వసంతకాలంలో వీటి సంఖ్య అత్యధికంగా ఉంటుంది, ఈ సమయంలోనే లూపర్ యొక్క జనాభా కూడా పెరుగుతుంది. వీటి సహజ శత్రువులైన స్టింక్ బగ్స్ (ఉదా. ఇయోకాంథెకోనా ఫర్సెల్లాటా) లూపర్ లార్వాలను తింటాయి. ఇవి సీజన్ మొత్తం చురుకుగా ఉంటాయి, కానీ జూన్ నుండి సెప్టెంబర్ వరకు ఎక్కువగా కనిపిస్తాయి. ఈ సహజ శత్రువులను పెద్ద సంఖ్యలో పెంచి పొలాల్లో విడుదల చేయవచ్చు. అలాగే, హైపోసిడ్రా తలాకా న్యూక్లియోపాలిహెడ్రోవైరస్ (HytaNPV) అనే వైరస్ ఒక ఆశాజనకమైన సహజ కీటకనాశిని. క్షేత్రస్థాయి పరీక్షలలో, హెక్టారుకు 800–1000 మిల్లీలీటర్ల మోతాదులో దీనిని ఉపయోగించడం వల్ల లూపర్ యొక్క జనాభా గణనీయంగా తగ్గిందని తేలింది. సమీకృత సస్యరక్షణ (IPM) కార్యక్రమంలో రసాయన కీటకనాశినులకు అయితే ఎన్ పి వి ఒక సురక్షితమైన మరియు సమర్థవంతమైన ప్రత్యామ్నాయంగా పరిగణించబడుతుంది.
రసాయన నియంత్రణ
అందుబాటులో ఉంటే నివారణ చర్యలతో పాటు జీవ చికిత్సలను కూడా కలిపి ఒక సమగ్ర సస్యరక్షణ విధానాన్ని ఎల్లప్పుడూ పరిగణలోకి తీసుకోండి. ఎప్పటినుంచో బ్లాక్ లూపర్ నివారణకు ఎక్కువగా కృత్రిమ పురుగుమందులపై ఆధారపడుతున్నాము; అయితే, ప్రధాన తేయాకు సాగు ప్రాంతాలలో బహుళ రసాయన పురుగుమందులకు నిరోధకత పెరగడం ఒక తీవ్రమైన మరియు పెరుగుతున్న ఆందోళన. ఈ పురుగు మందుల నిరోధకత వృద్ధిని నెమ్మదింపజేయడానికి వివిధ పురుగుమందులను మార్చి మార్చి వాడండి మరియు ఎల్లప్పుడూ లేబుల్పై ఉన్న సూచనల ప్రకారమే వాడండి.
దీనికి కారణమేమిటి?
ఈ నష్టం 'హైపోసిడ్రా తలాకా' అనే బ్లాక్ లూపర్ యొక్క లార్వాల వల్ల కలుగుతుంది, దీనిని 'బ్లాక్ ఇంచ్ వార్మ్' అని కూడా పిలుస్తారు. పెద్ద చిమ్మట ఎండిన ఆకులా కనిపిస్తుంది, ఈ ఆకారం ఈ చిమ్మట దాక్కోవడంలో సహాయపడుతుంది. ఆడ చిమ్మటలు తేయాకు తోటలోని నీడ కోసం వేసిన చెట్లపై, వదులుగా ఉన్న బెరడు, నాచు కింద లేదా వేళ్లపై పెద్ద సంఖ్యలో (సుమారు 250) గుడ్లు పెడతాయి. అవి నేరుగా తేయాకు మొక్కలపై గుడ్లు పెట్టవు. గుడ్లు పొదిగినప్పుడు, తెల్లటి వలయాలు గల మచ్చలతో కూడిన చిన్న నల్లటి లార్వాలు నీడ చెట్ల నుండి కిందపడి తేయాకు ఆకులను తినడం ప్రారంభిస్తాయి. ఒక్క సంవత్సరంలో ఈ తెగులు అనేక తరాలు (6 నుండి 8) కలిగి ఉంటాయి, అందుకే ఇది ఎల్లప్పుడూ తేయాకు మొక్కలపై ఉంటుంది. వెచ్చని వాతావరణంలో, తోటలో నీడనిచ్చే చెట్లు ఉన్నప్పుడు, మరియు తెగులు యొక్క సహజ శత్రువులను చంపేసేలా అధిక మోతాదులో కృత్రిమ పురుగుమందులను పిచికారీ చేసినప్పుడు, ఈ తెగుళ్లు ప్రబలే అవకాశం ఎక్కువగా ఉంటుంది. హిమాలయాల సమీపంలోని తేయాకు సాగు ప్రాంతాలలో వాతావరణ మార్పు కూడా ఈ తెగుళ్లు తరచుగా ప్రబలడానికి కారణమవుతోంది.
నివారణా చర్యలు
- బెరడుపై లార్వాలు తినడం లేదా గుడ్ల సమూహాలు కనిపించడం వంటి తొలి సంకేతాల కోసం తేయాకు పొదలు మరియు నీడ కోసం పెంచిన చెట్లను క్రమం తప్పకుండా గమనిస్తూవుండండి.
- నీడనిచ్చే చెట్ల జాతులను జాగ్రత్తగా ఎంచుకోండి.
- బాగా ఎత్తైన నీడనిచ్చే చెట్లకు తోటలో నాటకండి, ఎందుకంటే చెట్టు ఎత్తు పెరిగే కొద్దీ ఓవిపొజిషన్ పెరుగుతుందని తేలింది.
- సాగు విధానం, యాంత్రిక, జీవనియంత్రణ మరియు రసాయన నియంత్రణ పద్ధతులను కలిపి సమగ్ర సస్యరక్షణ నిర్వహణ (ఐపీఎం) విధానాన్ని అమలు చేయండి.
- తోటల పర్యావరణ వ్యవస్థలో సహజ శత్రువుల సంఖ్యను కాపాడటానికి, విస్తృత పరిధి కలిగిన పురుగుమందుల అనవసర వినియోగాన్ని తగ్గించండి.
పంచుకోండి
Work in crop protection, seeds or fertilizer?
This page is powered by millions of live Plantix diagnoses. Build plant-disease detection like this into your own products with the API Toolkit, part of Plantix Intelligence.
ప్లాంటిక్స్ను డౌన్లోడ్ చేసుకోండి
