కోకో
ఫ్రాస్టీ కాయకుళ్ళు తెగులు
Moniliophthora roreri
శీలీంధ్రం
క్లుప్తంగా
- వేగంగా వ్యాపించే ముదురు గోధుమ రంగు మచ్చలతో ఉబ్బిన కాయలు.
- వ్యాధి సోకిన ప్రాంతాలపై తెల్లటి పొడి కోటింగ్ కనిపిస్తుంది.
- కాయ లోపల ఎరుపు-గోధుమ రంగుతో కుళ్ళిపోతుంది.
- వ్యాధి సోకిన కాయలు ఆరోగ్యకరమైన వాటి కంటే ఎక్కువ బరువుగా మారతాయి.
- చివరికి కాయలు ఎండిపోయి గట్టి నల్లటి మమ్మీల వలె తయారవుతాయి.
లో కూడా చూడవచ్చు
కోకో
లక్షణాలు
ఫ్రాస్టీ కాయకుళ్ళు తెగులు కోకో కాయలను వివిధ దశలలో ప్రభావితం చేస్తుంది, కాయలు ముదిరే కొద్దీ లక్షణాలు మారుతాయి. ఈ వ్యాధి కేవలం కాయలు మరియు పండ్లపై మాత్రమే దాడి చేస్తుంది, ఆకులు లేదా కొమ్మలను ఎప్పుడూ ప్రభావితం చేయదు. లేత కాయల ఉపరితలం కొద్దిగా పసుపు రంగులోకి మారి ఉబ్బుతుంది. కాయ లోపలి భాగం మెత్తగా మరియు నీరులా మారుతుంది. పెరుగుతున్న కాయలు మరింత తీవ్రంగా వక్రీకరణ చెంది, వాటిపై పెద్ద గోధుమ రంగు మచ్చలు ఏర్పడి మొత్తం ఉపరితలంపై వ్యాపించి ఉబ్బిపోతాయి. వ్యాధి సోకిన ప్రాంతం తెల్లటి పొడి వంటి బీజాంశాలతో కప్పబడి ఉంటుంది. కాయలు త్వరగా పక్వానికి వచ్చి, లోపల కుళ్ళిపోయి, ఎరుపు-గోధుమ రంగులో కనిపిస్తాయి. ముదిరిన కాయలు క్రమరహితమైన, జిడ్డుగల గోధుమ రంగు మచ్చలతో కప్పబడి, ఈ మచ్చలు ఒకదానితో మరొకటి కలిసిపోయి, చివరకు తెల్లటి పొడి పొరగా ఏర్పడతాయి. కాయలు గమనించదగ్గ విధంగా బరువుగా మారి, చివరికి ముడుచుకుపోయి, నల్లని గట్టి మమ్మీలుగా తయారవుతాయి.
సిఫార్సులు
సేంద్రీయ నియంత్రణ
కాయలకు వ్యాధి సోకక ముందే రసాయన శిలీంధ్రనాశినుల మాదిరిగానే జీవ నియంత్రణను ఉపయోగించినప్పుడు అది అత్యంత ప్రభావవంతంగా పని చేస్తుంది. కొన్ని ట్రైకోడెర్మా జాతులను క్రమం తప్పకుండా మరియు నివారణా పద్ధతిలో ఉపయోగించినప్పుడు, అవి శిలీంధ్రాన్ని అదుపులో ఉంచడంలో మంచి ఫలితాలను చూపించాయి.
రసాయన నియంత్రణ
రసాయన శిలీంధ్రనాశినులు వ్యాధిని నియంత్రించడంలో సహాయపడతాయి, కానీ మంచి సాగు పద్ధతులతో కలిపి ఉపయోగించినప్పుడు అవి అత్యంత ప్రభావవంతంగా పనిచేస్తాయి. వ్యాధి సోకిన చెట్లకు చికిత్స చేయడానికి ప్రయత్నించడం కంటే నివారణ చర్యలు తీసుకోవడం ఎల్లప్పుడూ ఉత్తమమైనది మరియు చవకైనది. కాయలపై, ముఖ్యంగా లేత కాయలపై పిచికారీని కేంద్రీకరించండి. పొడి వాతావరణంలో పిచికారీ చేయండి. మంచి కవరేజ్ కోసం మోటారుతో నడిచే స్ప్రేయర్లను ఉపయోగించండి.
దీనికి కారణమేమిటి?
ఫ్రాస్టీ కాయకుళ్ళు తెగులు మోనిలియోఫ్తోరా రోరేరి అనే శిలీంధ్రం వల్ల వస్తుంది. లేత కాయలు (0-3 నెలలు) ఎక్కువగా ఈ తెగులు బారిన పడతాయి, అయితే ముదిరిన కాయలకు (5-6 నెలలు) నిరోధక శక్తి ఎక్కువగా ఉంటుంది. ఈ శిలీంద్ర బీజాలు గాలి మరియు వర్షపు తుంపరల ద్వారా వ్యాప్తి చెందుతాయి. వీటికి అధిక తేమ వాతావరణం అనుకూలంగా ఉండటం వలన వర్షాకాలం ఈ వ్యాధి వ్యాప్తికి ప్రధాన సమయంగా మారుతుంది. అదనంగా, కలుషితమైన పనిముట్లు, దుస్తులు మరియు అప్పటికే వ్యాధి సోకిన కాయలను తోటలో ఒక చోటు నుండి మరొకరికి తరలించడం ద్వారా కూడా బీజాలు వ్యాప్తి చెందుతాయి. దట్టమైన చెట్ల నీడలో గాలి ప్రసరణ సరిగా లేకపోవడం కూడా ఈ వ్యాధికి అనుకూలమైన పరిస్థితులుగా ఉంటాయి.
నివారణా చర్యలు
- అందుబాటులోవిధానాలను ఉంటే వ్యాధి నిరోధక కోకో రకాలను ఉపయోగించండి.
- మొక్కలను వారానికి ఒకసారి తనిఖీ చేసి, వ్యాధి సోకిన కాయలను వెంటనే తొలగించండి - ముఖ్యంగా లేత కాయలపై దృష్టి పెట్టండి.
- వ్యాధి సోకిన కాయలను కనీసం 50 సెం.మీ.
- లోతున పాతిపెట్టండి లేదా వాటిని కాల్చివేయండి.
- వ్యాధి సోకిన ప్రాంతాల నుండి కాయలను ఎప్పుడూ రవాణా చేయవద్దు.
- గాలి ప్రసరణను మెరుగుపరచడానికి చెట్లను సంవత్సరానికి రెండుసార్లు కత్తిరించండి.
- ఒకదానిపై మరొకటిగా అడ్డంగా ఉన్న కొమ్మలను మరియు వాటర్ షూట్స్ ని తొలగించండి.
- చెట్టు పైభాగాన్ని తక్కువ ఎత్తులో (3-4 మీటర్ల ఎత్తులో) ఉంచండి.
- తేమను తగ్గించడానికి నీటి పారుదల వ్యవస్థను మెరుగుపరచండి.
- వ్యాధి కారకాలను తొలగించడానికి క్రమం తప్పకుండా కలుపు తీయండి.
- పండిన కాయలను రెగ్యులర్ గా కోయండి - బాగా పండిన పండ్లను వదిలివేయవద్దు.
- పనిముట్లను శుభ్రపరిచి, క్రిమిరహితం చేయండి.
పంచుకోండి
Work in crop protection, seeds or fertilizer?
This page is powered by millions of live Plantix diagnoses. Reach farmers at the exact moment they diagnose ఫ్రాస్టీ కాయకుళ్ళు తెగులు with Demand Creation, part of Plantix Intelligence.
ప్లాంటిక్స్ను డౌన్లోడ్ చేసుకోండి
