కోకో
నల్లకాయ తెగులు
Phytophthora palmivora
శీలీంధ్రం
క్లుప్తంగా
- కాయలపై గుండ్రని గోధుమ రంగు మచ్చలు ఏర్పడి వేగంగా విస్తరిస్తాయి.
- వ్యాధి సోకిన కాయలు నల్లగా మారి, ఎండిపోయినట్లుగా అవుతాయి.
- కాయ మొత్తం తెల్లటి బీజాంశాలతో కప్పబడి ఉంటుంది.
- వ్యాధి సోకిన కాయల నుండి చేపల వాసన వస్తుంది.
- ఇది మొక్క మొత్తానికి సోకుతుంది.
లో కూడా చూడవచ్చు
కోకో
లక్షణాలు
సాధారణంగా, కాయ పైభాగంలో లేదా కిందిభాగంలో గుండ్రని గోధుమ రంగు మచ్చలు మొదలవుతాయి. ఈ మచ్చలు 1-2 వారాలలో వేగంగా విస్తరించి కాయ మొత్తాన్ని కప్పివేస్తాయి. తడి వాతావరణంలో, గోధుమ రంగు మచ్చలపై అక్కడక్కడా తెల్లటి బీజాంశాలు కనిపిస్తాయి. వ్యాధి సోకిన కోకో కాయల నుండి తీవ్రమైన 'చేపల' వాసన వస్తుంది. అవి నల్లగా మారి, ఎండిపోయి, మమ్మీ మాదిరిగా తయారవుతాయి కానీ ఇవి కాయకు అతుక్కునే ఉంటాయి. లేత కాయలలోని కోకో గింజలు కుళ్ళిపోతాయి; ముదురు కాయలలో ఆరోగ్యకరమైన కోకో గింజలు ఉండవచ్చు. లేత రెమ్మలు వేగంగా గోధుమ రంగులోకి మారి, పూర్తిగా ఎండిపోవచ్చు. కాండంపై అండాకారపు తుప్పు రంగు-గోధుమ రంగు మచ్చలను గమనించవచ్చు, బెరడు కింద ప్రకాశవంతమైన గులాబీ నుండి వైన్ రంగు గమనించవచ్చు. ఆకుల ఈనెల వెంబడి రంగు మారవచ్చు. కాండం మొదలు ప్రాంతం మరియు కాండంపై ముదురు గోధుమ రంగు, నీటితో తడిసిన మచ్చలు, వాటి నుండి ఎరుపు-గోధుమ రంగు జిగురు వంటి స్రావం కనిపిస్తుంది.
సిఫార్సులు
సేంద్రీయ నియంత్రణ
రసాయన శిలీంధ్రనాశినుల మాదిరిగానే, కాయలకు వ్యాధి సోకకముందే జీవ నియంత్రణను ఉపయోగించినప్పుడు ఇది అత్యంత ప్రభావవంతంగా ఉంటుంది. కొన్ని ట్రైకోడెర్మా జాతులను క్రమం తప్పకుండా మరియు నివారణ పద్ధతిలో ఉపయోగించినప్పుడు, అవి శిలీంధ్రాన్ని అదుపులో ఉంచడంలో మంచి ఫలితాలను చూపించాయి.
రసాయన నియంత్రణ
రసాయన శిలీంధ్రనాశినులు ఈ వ్యాధిని నియంత్రించడంలో సహాయపడతాయి, కానీ మంచి సాగు పద్ధతులతో కలిపి ఉపయోగించినప్పుడు అవి మరింత ప్రభావవంతంగా పనిచేస్తాయి. వ్యాధి సోకిన చెట్లకు చికిత్స చేయడానికి ప్రయత్నించడం కంటే నివారణ ఎల్లప్పుడూ ఉత్తమమైనది మరియు చౌకైనది. వర్షాకాలం ప్రారంభానికి ముందు మరియు పూత దశ నుండి కాయలు పక్వానికి వచ్చే వరకు శిలీంధ్రనాశినులను పిచికారీ చేయండి. వర్షాకాలంలో ప్రతి 3-4 వారాలకు ఒకసారి పిచికారీ చేయండి. వ్యాధి తీవ్రత ఎక్కువగా ఉన్నప్పుడు, ఒక సీజన్లో 6-8 సార్లు పిచికారీ చేయాలి. వర్షాకాలానికి ముందు కాండం మరియు ప్రధాన కొమ్మలపై అధిక మోతాదులో పిచికారీ చేయండి. ఒక సీజన్లో ఒకసారి కాండానికి ఇంజెక్షన్ చేయడం, పలుమార్లు పిచికారీ చేసినంత ప్రభావవంతంగా ఉంటుంది.
దీనికి కారణమేమిటి?
ఫైతోఫ్టహోరా పాల్మివోరా అనే మట్టి ద్వారా సంక్రమించే వ్యాధికారక సూక్ష్మజీవి వల్ల నల్ల కాయ వ్యాధి సంక్రమిస్తుంది; ఇది మొత్తం మొక్కని ఆశిస్తుంది. ఈ వ్యాధి అన్ని దశలలోని కాయలు, కాండాలు, చిగుళ్లు, ఆకులు మరియు వేర్లను ప్రభావితం చేస్తుంది. ఈ శిలీంధ్ర బీజాలు గాలి మరియు వర్షపు తుంపర్ల ద్వారా వ్యాపిస్తాయి; అధిక తేమ ఉన్న వాతావరణం వీటికి అనుకూలంగా ఉండటం వల్ల, వర్షాకాలం ఈ వ్యాధి విస్తరణకు ప్రధాన సమయంగా మారుతుంది. వ్యాధి సోకిన మరియు ఆరోగ్యకరమైన మొక్కల భాగాల మధ్య ప్రత్యక్ష స్పర్శ ద్వారా గానీ, లేదా కలుషితమైన నేల మరియు పనిముట్ల ద్వారా గానీ ఈ వ్యాధి వ్యాప్తిచెందితుంది.
నివారణా చర్యలు
- నీరు నిలిచిఉండే నేలను నివారించడానికి, నీరు నిలవని ప్రదేశాలను సాగుకి ఎంచుకోండి.
- శిలీంధ్రం సోకిన నేలలో నాటడం మానుకోండి.
- అందుబాటులో ఉంటే వ్యాధి నిరోధక రకాలు లేదా వ్యాధిని తట్టుకునే కోకో రకాలను ఉపయోగించండి.
- నీరు నిలవకుండా నివారించడానికి నీటి పారుదల వ్యవస్థలను మెరుగుపరచండి.
- మంచి గాలి ప్రసరణ కోసం చెట్లను సరైన దూరంలో (3.1 x 3.1 మీటర్లు) నాటండి.
- గాలి ప్రసరణను మెరుగుపరచడానికి మరియు చెట్ల పైభాగంలో తేమను తగ్గించడానికి చెట్లను కత్తిరించండి.
- వ్యాధికారక క్రిములను కలిగి ఉండే కలుపు మొక్కలను నియంత్రించండి.
- వ్యాధి సోకిన పొలం నుండి ఆరోగ్యకరమైన పొలానికి వెళ్ళేటప్పుడు పనిముట్లు మరియు బూట్లను శుభ్రం చేసుకోండి.
- పండిన కాయలను క్రమం తప్పకుండా కోయండి మరియు వ్యాధి సోకిన కాయలన్నింటినీ వెంటనే తొలగించండి.
- ఎండిపోయిన కాయలను మరియు వ్యాధి సోకిన మొక్కల అవశేషాలను తొలగించి నాశనం చేయండి.
పంచుకోండి
More problems onకొబ్బరి
ప్లాంటిక్స్ను డౌన్లోడ్ చేసుకోండి
