കാൽസ്യത്തിന്‍റെ അപര്യാപ്തത

അതിന് എന്താണ് കാരണം

മണ്ണിലെ പോഷകത്തിന്‍റെ കുറഞ്ഞ ലഭ്യതയേക്കാൾ, മണ്ണിൽ നിന്നും ചെടികൾക്ക് ലഭിക്കുന്ന പോഷകവുമായി ബന്ധപ്പെട്ടാണ് പൊതുവേ ലക്ഷണങ്ങൾ കാണപ്പെടുന്നത്. കാല്‍സ്യത്തിന് ചെടികളിൽ ചലനക്ഷമതയുണ്ടാവില്ല, അവയുടെ ആഗിരണം ചെടികളുടെ വെള്ളത്തിന്‍റെ ആഗിരണവും സംവഹനവുമായി ബന്ധപ്പെട്ടിരിക്കുന്നു. തളിരിലകൾ രോഗലക്ഷണങ്ങൾ കാണിക്കാനുള്ള കാരണം ഇത് വ്യക്തമാക്കുന്നു. കനത്ത മണ്ണും, നല്ല ജലസേചനം ലഭിച്ചതുമായ മണ്ണ് കാൽസ്യത്തെ ലയിപ്പിക്കാനും അത് ചെടികളിലേക്ക് എത്തിക്കാനും സഹായകരമാണ്. എന്നിരുന്നാലും, ജലത്തെ പിടിച്ചുനിർത്താൻ ശേഷി കുറവുള്ള മണൽ മണ്ണിൽ, ജലദൗർബല്യത്തിന് സാധ്യത കൂടുകയും അവയുടെ ആഗിരണം കുറയ്ക്കുകയും ചെയ്യും. ജലസേചന ഇടവേളയിൽ മണ്ണ് വളരെയേറെ ഉണങ്ങാൻ അനുവദിക്കുന്നതും ലക്ഷണങ്ങൾക്ക് കാരണമാവും. കുറഞ്ഞ പി.എച്ച്. മൂല്യമുള്ള മണ്ണ്, ഉപ്പു രസം കൂടിയ മണ്ണ്, അമോണിയത്തിന്‍റെ അളവ് കൂടുതലുള്ള മണ്ണ് എന്നിവയും പ്രശ്നമുണ്ടാവാൻ സാധ്യതയുള്ളവയാണ്. അന്തരീക്ഷത്തിലെ കൂടിയ ഈർപ്പം, വെള്ളപ്പൊക്കം എന്നിവയും ജലത്തെ കലകളിലേക്ക് എത്തിക്കുന്നത് മന്ദഗതിയിലാക്കുന്നു. അതിനാൽ, കാൽസ്യം അല്പമാത്രമായേ ചെടികൾ ആഗിരണം ചെയ്യുകയുള്ളു. കാൽസ്യത്തിന്റെ മികച്ച ആഗിരണത്തിന് മണ്ണിന്‍റെ പി.എച്ച്. മൂല്യം 7.0-നും 8.5-നും ഇടയ്ക്കായിരിക്കണം.