വെളുത്ത മണ്ണട്ട

അതിന് എന്താണ് കാരണം

ഹോളോട്രൈക്കിയ ജനുസിലെ ഒരു കൂട്ടം വെളുത്ത മണ്ണട്ടകളാണ് ലക്ഷണങ്ങള്‍ക്ക് കാരണം. മുതിര്‍ന്നവയ്ക്ക് ഇരുണ്ട തവിട്ടു നിറവും ഏകദേശം 20 മില്ലിമീറ്റർ നീളവും 8 മില്ലിമീറ്റർ വണ്ണവും ഉണ്ടായിരിക്കും. മഴതുടങ്ങി മൂന്നു നാല് ദിവസങ്ങള്‍ക്കകം ഇവ മണ്ണില്‍ നിന്ന് ഉയര്‍ന്നു വരും, ഹൃസ്വ ദൂരം പറന്ന് ഇവ സമീപത്തെ ചെടികളിൽ ആഹരിക്കുന്നു. ആഹരിപ്പിനു ശേഷം മറഞ്ഞിരുന്ന് മുട്ടയിടുന്നതിനായി, അവ വീണ്ടും മണ്ണിലേക്ക് പ്രവേശിക്കും. പെണ്‍കീടങ്ങൾ 5-8 സെന്റിമീറ്റർ താഴ്ചയില്‍ 20-80 വരെ വെളുത്തുരുണ്ട മുട്ടകളിടും. ലാര്‍വകള്‍ വെളുപ്പുകലര്‍ന്ന മഞ്ഞ നിറമുള്ളവയും അര്‍ദ്ധസുതാര്യവും ഏകദേശം 5 മില്ലിമീറ്റർ നീളമുള്ളതുമാണ്. പൂര്‍ണ്ണമായി വളര്‍ന്ന മണ്ണട്ടകള്‍ ബലമുള്ള താടിയെല്ലുകളോടെ തടിച്ചു കൊഴുത്തവയാണ്. അവയുടെ തല ഇളം മഞ്ഞ നിറവും, വെളുത്ത നിറമുള്ള ശരീരം മാംസളവും 'C' ആകൃതിയുമാണ്‌. ഇവ കുറച്ച് ആഴ്‌ചകൾ മണ്ണിലെ ജൈവവസ്തുക്കൾ ആഹരിക്കുന്നു, പിന്നീട് ചെടികളുടെ ചെറുവേരുകളും വിത്തറകളും ആഹാരമാക്കും. കരിമ്പ്, മുളക്, അരിച്ചോളം, ചോളം, തുവര, ബജ്‌റ മുതലായ ചെടികളുടെ വേരുകളും വെള്ള മണ്ണട്ടകൾ ആഹരിക്കും.