ഉള്ളിച്ചെടിയുടെ സ്റ്റെംഫിലിയം ഇല വാട്ടം

അതിന് എന്താണ് കാരണം

പ്ലിയോസ്പോറ അലൈ എന്ന കുമിളാണ് സ്റ്റെംഫിലിയം ഇല വട്ടത്തിനു കാരണം. ഈ കുമിൾ സ്റ്റെംഫിലിയം വെസിക്കരിയം എന്നാണ് മുന്നേ അറിയപ്പെട്ടിരുന്നത്, അതിൽ നിന്നാണ് ഈ രോഗത്തിന് ഈ പേരുവന്നത്. അവ ബാധിക്കപ്പെട്ട ചെടി അവശിഷ്ടങ്ങളിൽ അതിജീവിക്കുകയും വസന്തകാലത്ത് അനുകൂലമായ കാലാവസ്ഥാ സാഹചര്യങ്ങളിൽ അവയുടെ വളർച്ച പുനരാരംഭിക്കുകയും ചെയ്യുന്നു. കാറ്റിലൂടെ അടുത്തുള്ള ചെടികളിലേക്ക് വ്യാപിക്കുന്ന ബീജകോശങ്ങൾ അവ ഉല്പാദിപ്പിക്കുന്നു. അവ സാധാരണയായി ഇലകളുടെ അഗ്രം, മുൻപ് ഉണ്ടായ രോഗം മൂലം രൂപപ്പെട്ട ക്ഷതങ്ങൾ അല്ലെങ്കിൽ സാധാരണ പരിക്കുപറ്റിയ കലകൾ (ഉദാ :പ്രാണികൾ അല്ലെങ്കിൽ ആലിപ്പഴം) എന്നിങ്ങനെയുള്ള നശിച്ചതും നശിച്ചുകൊണ്ടിരിക്കുന്നതും ആയ കലകളിലേക്ക് അതിക്രമിച്ചു കടക്കുന്നു. ഊഷ്മളമായ, ഈർപ്പമുള്ള സാഹചര്യങ്ങൾ ദീർഘ കാലം നീണ്ടുനിൽക്കുന്നത് രോഗത്തിന്‍റെ വികസനത്തിനെ പ്രോത്സാഹിപ്പിക്കുന്നു. ഊഷ്മളമായ താപനിലയും (18 - 25°C) ഇലയുടെ ഉപരിതലത്തിൽ 24 മണിക്കൂറിൽ കൂടുതൽ നീണ്ടുനിൽക്കുന്ന ഈർപ്പവും ഉള്ള കാലാവസ്ഥയിൽ ആരോഗ്യമുള്ള ഇലകളും ആക്രമിക്കപ്പെടാം.രോഗബാധ സാധാരണയായി ഇലകളിൽ മാത്രമായി പരിമിതപ്പെടുന്നു എന്നാല്‍ ഇവ ഉള്ളിയെ ബാധിക്കുന്നില്ല. മുതിർന്ന ഇലകളാണ് ഇളം ഇലകളെക്കാളും കൂടുതൽ ബാധിപ്പിന് വിധേയമാകുന്നത്.