കരിമ്പിലെ ഗ്രാസ്സി ഷൂട്ട് രോഗം

ലക്ഷണങ്ങൾ

വിളയ്ക്ക് 3-4 മാസം പ്രായമാകുമ്പോൾ ഇളം ഘട്ടത്തിൽ തന്നെ ആദ്യ ലക്ഷണങ്ങൾ പ്രത്യക്ഷപ്പെടും. ഇളം ഇലകൾ മങ്ങിയ നിറമാവുകയും നേർത്തതും വലിപ്പം കുറഞ്ഞതുമായി കാണപ്പെടുകയും ചെയ്യും. രോഗം പുരോഗമിക്കുമ്പോൾ, എല്ലാ പുതു നാമ്പുകളും വെള്ളയോ മഞ്ഞയോ നിറത്തിൽ വളരുന്നു, ഇത് ചെടിക്ക് പുല്ല് പോലെയുള്ള രൂപം നൽകുന്നു. പാർശ്വ മുകുളങ്ങളുടെ അകാല മുളയ്ക്കല്‍ മൂലം ബാധിക്കപ്പെട്ട കൂട്ടം മുരടിക്കുന്നു. പൂർണ്ണമായി വളർന്ന കരിമ്പിലെ ദ്വിതീയ ബാധിപ്പ് വശങ്ങളിൽ നിന്നും മുളപൊട്ടിയും മഞ്ഞച്ചും കാണപ്പെടുന്നു. സാധാരണയായി, ബാധിക്കപ്പെട്ട കരിമ്പിൻ വിത്തുകളിൽ നിന്ന് വളർത്തുന്ന ചെടികൾ ഉപയോഗയോഗ്യമായ കരിമ്പ് ഉൽ‌പാദിപ്പിക്കുന്നില്ല, മാത്രമല്ല ധാരാളം കൂട്ടം വിളവെടുപ്പിനുശേഷം മുളയ്ക്കുന്നതിൽ പരാജയപ്പെടുകയും, പുതിയവ നാമ്പിടുന്നതില്‍ കാലദൈര്‍ഘ്യം ഉണ്ടാക്കുകയും ചെയ്യുന്നു. കരിമ്പ് രൂപം കൊള്ളുന്നുവെങ്കിൽ, അവ ചെറിയ ഇടമുട്ടുകളോടുകൂടി കനം കുറഞ്ഞ് കാണപ്പെടുന്നു, അവയുടെ താഴ്ഭാഗത്തെ മുട്ടുകളിൽ പൊയ്ക്കാൽ വേരുകളുണ്ട്. അത്തരം കരിമ്പുകളിലെ മുകുളങ്ങൾ സാധാരണയായി പേപ്പർ പോലെയും അസാധാരണമായി നീളമേറിയതുമാണ്.