ചോളം
ചോളത്തിലെ ലീതൽ നെക്രോസിസ് വൈറസ്
MLND
വൈറസ്
5 mins to read
ചുരുക്കത്തിൽ
- ഇലകള്‍, പലപ്പോഴും സിരകള്‍ക്ക് സമാന്തരമായി മഞ്ഞ-പച്ച നിറമുള്ള പുള്ളികളുള്ള മാതൃക ദൃശ്യമാക്കുന്നു.
- ഇലകള്‍ അരികുകളിൽ നിന്നും ഉണങ്ങിത്തുടങ്ങി മധ്യസിരയിലേക്ക് നീങ്ങുന്നു.
- ഗുരുതരമായ ബാധിപ്പിൽ, ചെടി പൂര്‍ണ്ണമായും ഉണങ്ങി തണ്ടുകള്‍ക്കുള്ളില്‍ ഡെഡ് ഹാര്‍ട്ട് എന്ന അവസ്ഥ കാണപ്പെടുന്നു.
- വളര്‍ച്ച മുരടിക്കുന്നു, പൂങ്കുലകള്‍ വന്ധ്യമായിരിക്കും, ചോളക്കതിരുകൾ രൂപവൈകൃതം സംഭവിച്ചവയും ഭാഗികമായി നിറഞ്ഞവയും ആയിരിക്കും.
- ബാധിക്കപ്പെട്ട ചെടികളിൽ അവസരം കാത്തിരിക്കുന്ന കുമിളുകളും വിരകളും ആക്രമിച്ച് അഴുകുന്നതിന് കാരണമാകുന്നു.
കണ്ടെത്താൻ കഴിയുന്ന മറ്റ് വിളകൾ
ചോളം
ലക്ഷണങ്ങൾ
ബാധിപ്പിൻ്റെ പ്രാരംഭ ഘട്ടങ്ങളില്‍ ഇലകളില്‍ മഞ്ഞ-പച്ച നിറമുള്ള പുള്ളികളുള്ള മാതൃക, പലപ്പോഴും ചുവട്ടില്‍ നിന്ന് ആരംഭിച്ച് സിരകള്‍ക്കു സമാന്തരമായി ദൃശ്യമാകുന്നു. രോഗം മൂർച്ഛിക്കവേ, സാധാരണയായി ഇലകള്‍ അരികുകളിൽ നിന്നും ഉണങ്ങിത്തുടങ്ങി മധ്യസിരയിലേക്ക് നീങ്ങുന്നു. ഗുരുതരമായ ബാധിപ്പിൽ, ലക്ഷണങ്ങൾ ക്രമേണ ചെടിയുടെ മറ്റ് ഭാഗങ്ങളിലേക്ക് വ്യാപിച്ച് തണ്ടുകൾ മുറിച്ച് നോക്കിയാൽ ഡെഡ് ഹാര്‍ട്ട് എന്ന അവസ്ഥ കാണപ്പെടുന്നു. ബാധിക്കപ്പെട്ട ചെടികളുടെ വളര്‍ച്ച മുരടിക്കുന്നു, പൂങ്കുലകള്‍ വന്ധ്യമായിരിക്കും, ചോളക്കതിരുകൾ രൂപവൈകൃതം സംഭവിച്ചവയും ഭാഗികമായി നിറഞ്ഞവയും ആയിരിക്കും. ബാധിക്കപ്പെട്ട ചെടികളിൽ അവസരം കാത്തിരിക്കുന്ന കുമിളുകളും വിരകളും ആക്രമിച്ച് അഴുകുന്നതിന് കാരണമാകുന്നു, മാത്രമല്ല ധാന്യങ്ങളുടെ അളവും ഗുണമേന്മയും കുറയുന്നു.
Recommendations
ജൈവ നിയന്ത്രണം
ക്ഷമിക്കണം, ഈ രോഗത്തിനെതിരായി ഞങ്ങള്‍ക്ക് ജൈവിക പരിചരണങ്ങൾ അറിയില്ല.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. വൈറസ് രോഗങ്ങള്‍ക്ക് രാസപരിചരണങ്ങൾ ഇല്ല. വൈറസിനെ വ്യാപിപ്പിക്കുന്ന കീടങ്ങളുടെ പെരുപ്പം നിയന്ത്രിക്കാന്‍ ചില കുമിള്‍നാശിനികള്‍ വിത്തുകളിലും ഇലച്ചാര്‍ത്തുകളിലും പ്രയോഗിക്കാം.
അതിന് എന്താണ് കാരണം
എല്ലാ ചോളച്ചെടികളും രോഗ സാധ്യതയുള്ളവയാണ്. എന്നിരുന്നാലും, നിലവിലുള്ള വൈറസുകളുടെ സങ്കലനം, പാരിസ്ഥിതിക സാഹചര്യങ്ങൾ, ചെടിയുടെ വളര്‍ച്ചാ ഘട്ടം എന്നിവയെ ആശ്രയിച്ച് ലക്ഷണങ്ങള്‍ വ്യത്യാസപ്പെട്ടിരിക്കും. ഈ രോഗം വാസ്തവത്തില്‍ രണ്ടു വൈറസുകളുടെ സങ്കലനം മൂലമാണ് ഉണ്ടാകുന്നത്, ചോളത്തിലെ ക്ലോറോട്ടിക് മൊട്ടില്‍ വൈറസും മറ്റൊരു വൈറസും, സാധാരണയായി ഇത് കരിമ്പിലെ മൊസൈക് വൈറസ് ആയിരിക്കും. ചോളത്തിലെ ഇലപ്പേനുകൾ, റൂട്ട് വേം, ലീഫ് ബീറ്റില്‍സ്, ഭക്ഷ്യ ധാന്യങ്ങളിലെ ലീഫ് ബീറ്റില്‍സ് എന്നിവ പോലെയുള്ള രോഗാണുവാഹികള്‍ മൂലമാണ് ഈ രോഗാണുക്കള്‍ പ്രധാനമായും ഒരു കൃഷിയിടത്തില്‍ നിന്നും മറ്റൊന്നിലേക്ക് വ്യാപിക്കുന്നത്. വരള്‍ച്ച, മണ്ണിൻ്റെ മോശമായ പോഷകനില, അപര്യാപ്തമായ കൃഷി പരിപാലനം എന്നിങ്ങനെയുള്ള പ്രതികൂല കാലാവസ്ഥകളില്‍ ലക്ഷണങ്ങള്‍ വഷളാകുന്നു.
പ്രതിരോധ നടപടികൾ
- ലഭ്യമെങ്കില്‍, സഹനശക്തിയുള്ള ഇനങ്ങള്‍ നടുക.
- ആരോഗ്യമുള്ള ചെടികളില്‍ നിന്നോ അല്ലെങ്കിൽ സാക്ഷ്യപ്പെടുത്തിയ സ്രോതസുകളില്‍ നിന്നോ ഉള്ള വിത്തുകള്‍ ഉപയോഗിക്കുക.
- താങ്കളുടെ പ്രദേശത്ത് രോഗാണുവാഹികളുടെ ഉയര്‍ന്ന പെരുപ്പം ഒഴിവാക്കാന്‍ നേരത്തെയോ അല്ലെങ്കില്‍ വൈകിയോ നടുക.
- രോഗം വ്യാപിക്കുന്നത് ഒഴിവാക്കാൻ, ബാധിക്കപ്പെട്ട ചെടികള്‍ വേരോടെ പിഴുതെടുത്ത്‌ കത്തിച്ചു കളയുക.
- കൃഷിയിടത്തിലും സമീപത്തുമുള്ള കളകള്‍ നിയന്ത്രിക്കുക.
- ഒരേ പ്രദേശത്ത് ചോളം മാത്രമായി ഏകവിള കൃഷി പാടില്ല.
- പയർ വര്‍ഗ്ഗങ്ങള്‍, വൻപയർ, ഉരുളക്കിഴങ്ങ്, മരിച്ചീനി, ആതിഥ്യമേകാത്ത ഇതര വിളകള്‍ എന്നിവ ഉപയോഗിച്ച് വിളപരിക്രമം നടത്തുക.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
