സോയാബീനിലെ ഡൗണി മിൽഡ്യൂ

ലക്ഷണങ്ങൾ

ഡൗണി മിൽഡ്യൂ രോഗത്തിൻ്റെ ആദ്യകാല ലക്ഷണങ്ങൾ ഇളം ചെടികളിലാണ് കാണപ്പെടുന്നത്, പക്ഷേ കായിക ഘട്ടത്തിൻ്റെ അവസാനമോ അല്ലെങ്കിൽ ആദ്യകാല പ്രത്യുത്പാദന ഘട്ടമോ വരെ രോഗം കൃഷിയിടത്തിൽ വികസിക്കുന്നില്ല. തുടക്കത്തിൽ ചെറിയ, ക്രമരഹിത, ഇളം മഞ്ഞ നിറത്തിലുള്ള പാടുകൾ ഇലകളുടെ മുകൾ പ്രതലങ്ങളിൽ പ്രത്യക്ഷപ്പെടുന്നു. പിന്നീട്, മഞ്ഞകലർന്ന അരികുകളോടുകൂടിയ ചാര-തവിട്ട് നിറമായി മാറും. ഇലകളുടെ അടിവശത്ത്, രോഗകാരിയുടെ സാന്നിധ്യം മൂലം പാടുകൾക്ക് ചാരനിറത്തിലുള്ള മങ്ങിയ ഘടനകൾ ഉണ്ടാകും . ചെടിയുടെ ഇലവിതാനത്തിന്റെ താഴെയുള്ള ഭാഗങ്ങളിലുടനീളം രോഗലക്ഷണങ്ങൾ പതിവായി ഉണ്ടാകാറുണ്ട്. വിത്തറകൾ ബാധിക്കപ്പെടുമ്പോൾ, വിത്തറകൾക്കുള്ളിൽ കുമിൾ പോലെയുള്ള വളർച്ചയുടെ ഒരു പിണ്ഡം ദൃശ്യമാകും. ബാധിക്കപ്പെട്ട വിത്തിന് മങ്ങിയ വെളുത്ത രൂപം ആയിരിക്കും മാത്രമല്ല അവയെ ഭാഗികമായോ പൂർണ്ണമായോ കുമിൾ പൊതിഞ്ഞിരിക്കും. ക്ഷതങ്ങളുടെ വലിപ്പവും ആകൃതിയും ഇലയുടെ പ്രായത്തെ ആശ്രയിച്ചിരിക്കുന്നു. പഴകിയ ക്ഷതങ്ങൾ ചാരനിറം കലർന്ന തവിട്ട് മുതൽ ഇരുണ്ട തവിട്ട് നിറം വരെ മഞ്ഞ അല്ലെങ്കിൽ പച്ച അരികുകളോടുകൂടി കാണപ്പെടും. സാരമായി ബാധിക്കപ്പെട്ട ഇലകൾ മഞ്ഞയിൽ നിന്ന് തവിട്ടുനിറമായി മാറുകയും പാകമാകുന്നതിനുമുൻപ് പൊഴിയുകയും ചെയ്യും.