തക്കാളി ഇലകളിലെ പൂപ്പ് രോഗം

ലക്ഷണങ്ങൾ

ഇലകളുടെ ഇരുവശത്തും ചിലപ്പോൾ ഫലങ്ങളിലും ലക്ഷണങ്ങൾ സാധാരണയായി ഉണ്ടാകുന്നു. മുതിര്‍ന്ന ഇലകളിലാണ് രോഗം ആദ്യം ബാധിക്കുന്നത് പിന്നീട് രോഗം സാവധാനം മുകളിലെ ഇളം ഇലകളിലേക്ക് നീങ്ങും. ഇലകളുടെ മുകൾവശത്ത് ഇളം പച്ച അല്ലെങ്കിൽ മഞ്ഞ നിറമുള്ള ചെറിയ പുള്ളികൾ കൃത്യമായ അരികുകളില്ലാതെ വ്യാപകമായി പ്രത്യക്ഷപ്പെടുന്നു. അടിവശങ്ങളിൽ ഒലിവ് പച്ച മുതൽ നരച്ച പർപ്പിൾ വരെയുള്ള നിറങ്ങളും വെൽവെറ്റ് ഭാഗങ്ങളും പുള്ളികൾക്ക് താഴെ വികസിക്കുന്നു. ബീജങ്ങൾ ഉല്പാദിപ്പിക്കുന്ന ഭാഗങ്ങളും ബീജപിണ്ഡങ്ങളും (കൊനീഡിയ) ഇതിൽ ഉൾക്കൊണ്ടിരിക്കുന്നു. പിന്നീട്, പുള്ളിക്കുത്തുകൾ വലുതായി, ബാധിക്കപ്പെട്ട ഇലകളുടെ നിറം മഞ്ഞനിറത്തിൽ (മഞ്ഞളിപ്പ്) നിന്നും തവിട്ട് നിറമായി (മൃതകോശങ്ങൾ) മാറുന്നു, മാത്രമല്ല ഇലകൾ ഉണങ്ങി ചുരുളാൻ തുടങ്ങുകയും ചെയ്യുന്നു. ഇലകൾ പാകമാകാതെ കൊഴിയുന്നു, ഇത് ഗുരുതരമായ സാഹചര്യങ്ങളിൽ പൂർണമായ ഇലപൊഴിയലിലേക്ക് നയിച്ചേക്കാം. വല്ലപ്പോഴും, പൂക്കളിലും കായകളിലും ഈ രോഗാണു വ്യത്യസ്ത ലക്ഷണങ്ങളോടെ രോഗബാധക്ക് കാരണമാകുന്നു. പൂക്കൾ കറുത്ത് പോവുകയും ഫലങ്ങൾ രൂപപ്പെടുന്നതിനുമുൻപ് നശിച്ച് പോവുകയും ചെയ്യും. പച്ചയും പഴുത്തതുമായ ഫലങ്ങളുടെ ഞെട്ടിനടുത്തായി മിനുസമുള്ള കറുത്ത ക്രമരഹിതമായ ഭാഗങ്ങൾ വികസിക്കുന്നു. രോഗം മൂർച്ഛിക്കുമ്പോൾ ബാധിക്കപ്പെട്ട ഭാഗങ്ങൾ കുഴിഞ്ഞ് ഉണങ്ങി തുകലു പോലെ ആകുന്നു.