കുക്കുർബിറ്റുകളിലെ ഇലവാട്ടം

ലക്ഷണങ്ങൾ

മുതിര്‍ന്ന ഇലകളുടെ മധ്യഭാഗത്തും ചെടിയുടെ മുകള്‍ ഭാഗത്തും വെളുത്ത മധ്യഭാഗത്തോടെ ചെറിയ, വൃത്താകൃതിയിലുള്ള തവിട്ടു പുള്ളികള്‍ പ്രത്യക്ഷപ്പെടുന്നതാണ് ആദ്യ ലക്ഷണം. ഈ പുള്ളികള്‍ പിന്നീട് വലുതായി ഇളം തവിട്ടു നിറമാകുകയും ചെറിയ കുഴികൾ രൂപപ്പെടുകയും ചെയ്യുന്നു. ഇലയിലെ പുള്ളികള്‍ക്കുള്ളിലുള്ള ചെറിയ സിരകള്‍ ഇരുണ്ട നിറമാകുന്നു, ഇത് വല പോലെയുള്ള പ്രതീതി ദൃശ്യമാക്കുന്നു. ക്രമേണ, ഇലയുടെ മുകളിലെ പ്രതലത്തില്‍ മാത്രം ദൃശ്യമാകുന്ന കേന്ദ്രീകൃത വലയങ്ങള്‍ പുള്ളികള്‍ക്ക്, ഉന്നം വയ്ക്കുന്ന വലയങ്ങള്‍ പോലെയുള്ള രൂപം നല്‍കുന്നു. ഈ വൃത്താകൃതിയിലുള്ള പുള്ളികള്‍ ക്രമേണ ഇല മുഴുവനും ബാധിച്ച് ഇലപൊഴിയലിന് കാരണമായേക്കാം. രോഗം ബാധിച്ച ഫലങ്ങളിൽ വൃത്താകൃതിയില്‍ തവിട്ടു നിറമുള്ള കുഴിഞ്ഞ ക്ഷതങ്ങൾ പ്രത്യക്ഷപ്പെടുകയും അവ പിന്നീട് ഇരുണ്ട ഒലീവ് മുതല്‍ കറുപ്പ് നിറം വരെയുള്ള പൊടിപോലെയുള്ള വസ്തുക്കളാൽ ആവരണം ചെയ്യപ്പെടുകയും ചെയ്യുന്നു. ഫലങ്ങളിൽ വിളവെടുപ്പ് സമയത്ത് കാണാതെ പോകുന്ന രോഗബാധ സംഭരണ സമയത്തും ഗതാഗത സമയത്തും വലിയ നഷ്ടമുണ്ടാക്കും. ചെടിയുടെ മറ്റു ഭാഗങ്ങളെ നേരിട്ട് ബാധിക്കുന്നില്ല.