ചോളത്തിലെ ഗിബ്ബറെല്ല തണ്ട് അഴുകൽ

ലക്ഷണങ്ങൾ

ചോളത്തിൽ, ചോളക്കതിരിലും തണ്ടിലും കാണപ്പെടുന്ന ലക്ഷണങ്ങളാണ് ഈ രോഗത്തിൻ്റെ സവിശേഷത. ആദ്യസമയത്തെ ലക്ഷണങ്ങൾ മിക്കപ്പോഴും ചോളക്കതിരുകളുടെ അഗ്രഭാഗത്ത് വെളുത്ത പൂപ്പലുകളായി കാണപ്പെടുന്നു, ഇത് പിന്നീട് പിങ്ക് അല്ലെങ്കിൽ ചുവപ്പ് നിറമായി മാറുന്നു. രോഗം മൂർച്ഛിക്കവേ, നിറംമാറ്റം പലപ്പോഴും പുറംതോടിനും ധാന്യങ്ങൾക്കും ഇടയിലായി, ചോളക്കതിരിൻ്റെ ബാക്കിയുള്ള ഭാഗത്തേക്കും വ്യാപിക്കുന്നു. ബാധിക്കപ്പെട്ട ചോളക്കതിരുകൾ മുഴുവനായും അഴുകിയേക്കാം. മുന്നേ- ബാധിക്കപ്പെട്ട ചെടികളുടെ ഇലകൾ മങ്ങിയ ചാരനിറം കലർന്ന- പച്ച വർണ്ണമായി മാറി വാടുന്നു. താഴ്ഭാഗത്തെ ഇടമുട്ടുകൾ മൃദുവായി ഇരുണ്ടനിറം മുതൽ ഇരുണ്ട തവിട്ട് നിറം വരെയായി മാറുന്നു. പിന്നീട്, വിരലിലെ നഖം കൊണ്ട് അനായാസേന ചുരണ്ടിമാറ്റാവുന്ന തരത്തിലുള്ള, കറുത്ത പുള്ളികൾ ഉപരിതലത്തിൽ വികസിച്ചേക്കാം. തണ്ടിൻ്റെ നീളത്തിലുള്ള ഛേദം പരിശോധിച്ചാൽ ചെറിയ കഷ്ണങ്ങളായ, പിങ്ക് അല്ലെങ്കിൽ ചുവപ്പ് നിറത്തിൽ കലർപ്പോടെ നിറംമാറ്റം വന്ന കലകൾ ദൃശ്യമാകും. പ്രധാന വേര് ക്രമേണ അഴുകി, തവിട്ട് നിറവും ഒടിഞ്ഞുപോകാൻ സാധ്യത ഉള്ളതും ആയി മാറുന്നു. ചെടികൾ പാകമാകുന്നതിനുമുൻപ് മറിഞ്ഞുവീഴുകയും നശിക്കുകയും ചെയ്തേക്കാം.