നെല്ല്
നെല്ലിലെ പോള അഴുകല്‍
Sarocladium oryzae
കുമിൾ
5 mins to read
ചുരുക്കത്തിൽ
- പുള്ളികള്‍ പോലെയുള്ള വടുക്കള്‍ ഏറ്റവും മുകളിലെ പൂങ്കുലകളെ പൊതിയുന്ന പോളകളില്‍ വളര്‍ന്നു വരുന്നു.
- പോളകളുടെ അഴുകലും വെളുത്ത പൊടിപോലെ കുമിള്‍ വളര്‍ച്ചയും.
- ആവിര്‍ഭവിക്കുന്ന പൂങ്കുലകളിലെ നെന്മണികള്‍ നിറം മങ്ങിയവയും ഊഷരമായവയും ആയിരിക്കും.
കണ്ടെത്താൻ കഴിയുന്ന മറ്റ് വിളകൾ
നെല്ല്
ലക്ഷണങ്ങൾ
പൂങ്കുലകള്‍ പൊതിയുന്ന പോളകളിലെ ദീര്‍ഘചതുരം മുതല്‍ ക്രമംതെറ്റിയ രീതിയിലുള്ള പുള്ളികളാണ് ( 0.5 മുതല്‍ 1.5 മി.മി. വരെ)പ്രാഥമിക ലക്ഷണങ്ങള്‍. നരച്ച മദ്ധ്യഭാഗങ്ങളും തവിട്ടു അരികുകളും ഒരുമിച്ചു ചേര്‍ന്ന് അഴുകല്‍ ഉണ്ടാകുകയും ഇലപ്പോളകള്‍ നിറം മാറുകയും ചെയ്യും. ഗുരുതരമായ അണുബാധകളില്‍, ഇളം പൂങ്കുലകള്‍ പുറത്തു വരാതെയിരിക്കാം. ബാധിച്ച ഇലപ്പോളകള്‍ പുറമേ ദൃശ്യമാകും വിധം വെളുത്ത പൊടിപോലെയുള്ള കുമിള്‍ വളര്‍ച്ചയാല്‍ സമ്പുഷ്ടമായിരിക്കും. ആവിര്‍ഭവിച്ച പൂങ്കുലകളിലെ നെന്മണികള്‍ നിറം മങ്ങിയവയും ഊഷരമായവയും ആയിരിക്കും. ആവിര്‍ഭവിക്കാത്ത പൂങ്കുല ചുവപ്പ് കലര്‍ന്ന തവിട്ടു മുതല്‍ ഇരുണ്ട തവിട്ടു നിറം വരെയുള്ള ചെറുപുഷ്പ്പങ്ങളെയാണ് ഉത്പാദിപ്പിക്കുന്നത്. പുനരുത്പാദന ഘട്ടത്തിന്റെ അന്തിമ ഘട്ടങ്ങളില്‍ ഉണ്ടാകുമ്പോഴാണ് ഈ രോഗബാധ ഏറ്റവും കൂടുതല്‍ കേടുപാട് വരുത്തുന്നത്, അങ്ങനെ ഗുരുതരമായ കേടുപാടുണ്ടാക്കാം.
Recommendations
ജൈവ നിയന്ത്രണം
റൈസോബാക്ടീരിയ സ്യൂഡോമോനാസ് ഫ്ലൂറോസെന്‍സ് പോലെ നാരകം, നെല്‍ച്ചെടി എന്നിവയില്‍ നിന്നു വേര്‍പെട്ട ബാക്ടീരിയ നെല്ലിലെ പോള അഴുകല്‍ വൈറസിന് വിഷമയമാണ്, തത്ഫലമായി അനന്തരഫലങ്ങള്‍ കുറയുകയും വിളവ്‌ കൂടുകയും ചെയ്യുന്നു. ബൈപോളറൈസ് സീകോല നെല്ലിലെ പോള അഴുകല്‍ വൈറസിന്റെ മറ്റൊരു പ്രതിരോധ സ്രോതസാണ്, എസ്. ഒറീസൈയുടെ താന്തുജാല വളര്‍ച്ചയെ പൂര്‍ണ്ണമായും തടസ്സപ്പെടുത്താന്‍ ഇതിനു കഴിയും. ബന്തിച്ചെടിയുടെ ഇലകളുടെയും പൂക്കളുടെയും സത്തിന്റെ കുമിളിനെതിരെയുള്ള പ്രവര്‍ത്തനം എസ്. ഒറീസൈയുടെ താന്തുജാലത്തെ 100% വരെ തടയും.
രാസ നിയന്ത്രണം
എപ്പോഴും ലഭ്യമായ ജീവശാസ്ത്രപരമായ ചികിത്സകളെ പ്രതിരോധ മാര്‍ഗ്ഗങ്ങളുമായി ഏകീകരിച്ച ഒരു സമീപനം പരിഗണിക്കുക. ഗുരുതരമായ ഉപദ്രവമുള്ള സംഭവങ്ങളില്‍ മന്‍കൊസേബ്, കോപ്പര്‍ ഓക്സിക്ലോറൈഡ് അല്ലെങ്കില്‍ പ്രോപിക്കോനസോള്‍(സാധാരണ @1 മി.ലി./1 ലി. വെള്ളം) എന്നിവ പോലെയുള്ള കുമിള്‍ നാശിനികള്‍ പൂങ്കുലകള്‍ രൂപപ്പെടുമ്പോഴും ആവിര്‍ഭവിക്കുമ്പോഴും ഓരോ ആഴ്ച ഇടവിട്ട്‌ പ്രയോഗിക്കുന്നത് രോഗത്തിന്റെ കാഠിന്യം കുറയ്ക്കാം. മന്‍കൊസേബ് പോലെയുള്ള കുമിള്‍നാശിനി പ്രയോഗിച്ച് വിതയ്ക്കുന്നതിനു മുമ്പായി വിത്ത് പരിചരണം നടത്തുന്നതും ഫലപ്രദമാണ്.
അതിന് എന്താണ് കാരണം
പോള അഴുകല്‍ പ്രധാനമായും വിത്തിലൂടെ പകരുന്ന ഒരു രോഗമാണ്. സര്‍ക്ലോഡിയം ഒരിസേ എന്ന കുമിളാണ് ഈ രോഗത്തിന് പ്രധാന കാരണം പക്ഷേ ചില സംഭവങ്ങളില്‍ സര്‍ക്ലോഡിയം അറ്റന്യുറ്റം മൂലവുമുണ്ടാകും. വിളവെടുപ്പിനു ശേഷം നെല്‍വിളയുടെ അവശിഷ്ടങ്ങളില്‍ ഈ കുമിളുകള്‍ അതിജീവിക്കുകയും അടുത്ത സീസണുകളില്‍ രോഗബാധയ്ക്ക് കാരണമാകുകയും ചെയ്തേക്കാം. നടീല്‍ നിബിഡത കൂടുന്നതനുസരിച്ചും പൂങ്കുലകള്‍ പുറത്തു വരുന്ന ഘട്ടത്തില്‍ പ്രാണികള്‍ മൂലമുണ്ടാകുന്ന പരിക്കുകള്‍, മുറിവുകള്‍ എന്നിവയാല്‍ കുമിളിന് പ്രവേശന ദ്വാരം ഒരുക്കുന്ന ചെടികളിലുമാണ് ഇതിന്റെ ആക്രമണം വര്‍ധിക്കുന്നത്. പൊട്ടാസ്യം, കാത്സ്യം സള്‍ഫേറ്റ് അല്ലെങ്കില്‍ സിങ്ക് വളങ്ങള്‍ പൂങ്കുലകളുടെ പ്രാരംഭ ഘട്ടത്തില്‍ പ്രയോഗിക്കുന്നത് തണ്ടിനെയും ഇലകളുടെ കോശങ്ങളെയും ശക്തിപ്പെടുത്തുകയും അങ്ങനെ അധിക കേടുപാട് ഒഴിവാക്കുകയും ചെയ്യും. വൈറസ് അണുബാധയാല്‍ ദുര്‍ബലമായ ചെടികളിലും ഇത് കണ്ടുവരാറുണ്ട്. ചൂടുള്ളതും (20-28°C) ഈര്‍പ്പമുള്ളതുമായ (നനഞ്ഞ) കാലാവസ്ഥ ഈ രോഗ വളര്‍ച്ചയ്ക്ക് അനുകൂലമാണ്.
പ്രതിരോധ നടപടികൾ
- സാധിക്കുമെങ്കില്‍ അംഗീകൃത സ്രോതസുകളില്‍ നിന്നും ആരോഗ്യമുള്ള വിത്തുകള്‍ ഉപയോഗിക്കുക.
- 25സെ.മി.x 25 സെ.മി.
- ഇടയകലത്തില്‍ നടുക.
- ഒരു കൃഷിയിടത്തില്‍ ഒരു വിള മാത്രം നടുന്നത് ഒഴിവാക്കി ഏറ്റവും കുറഞ്ഞത്‌ രണ്ടിനം വിളകളെങ്കിലും നടുക.
- പൂങ്കുലച്ചാഴി പോലെയുള്ള കീടങ്ങളും പ്രാണികളും ഉണ്ടോയെന്ന് പതിവായി പരിശോധിക്കണം.
- പൊട്ടാസ്യം, കാത്സ്യം സള്‍ഫേറ്റ് അല്ലെങ്കില്‍ സിങ്ക് വളങ്ങള്‍ മുളപൊട്ടുന്ന ഘട്ടത്തില്‍ പ്രയോഗിക്കുക.
- രോഗം ബാധിച്ച കുറ്റികളും കളകളും കൃഷിയിടത്തില്‍ നിന്ന്‍ നീക്കം ചെയ്യുന്നതും സഹായിക്കും.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
