ಬಾಳೇಹಣ್ಣಿನ ಮಾತ್ (ಪತಂಗ)

ಅದಕ್ಕೆ ಏನು ಕಾರಣ

ಆಪೋಗೊನಾ ಸ್ಯಾಚಾರಿ ಜಾತಿಯ ಲಾರ್ವಾಗಳಿಂದ ಈ ರೋಗಲಕ್ಷಣಗಳು ಉಂಟಾಗುತ್ತವೆ. ಈ ಹುಳುಗಳು ರಾತ್ರಿಯಲ್ಲಿ ಓಡಾಡುತ್ತವೆ. ಅವುಗಳ ದೇಹ ಗಾಢ ಕಂದು ಬಣ್ಣದ್ದಾಗಿದ್ದು, ಸುಮಾರು 11 ಮಿ.ಮೀ ಗಾತ್ರದ್ದಾಗಿರುತ್ತವೆ ಮತ್ತು ಅವುಗಳ ರೆಕ್ಕೆಯ ಅಗಲ 18-25 ಮಿಮೀ ಇರುತ್ತದೆ. ಮುಂದಿನ ರೆಕ್ಕೆಗಳು ಏಕರೂಪದ ಕಂದು ಬಣ್ಣದ್ದಾಗಿರುತ್ತವೆ, ಕೆಲವೊಮ್ಮೆ ಕೆಲವು ಉದ್ದವಾದ ಗಾಢ ಬಣ್ಣದ ಪಟ್ಟೆಗಳಿರುತ್ತವೆ ಮತ್ತು ಗಂಡು ಹುಳುಗಳ ದೇಹದ ಮೇಲೆ ಗಾಢ ಕಂದು ಬಣ್ಣದ ಕಲೆಯಿರುತ್ತದೆ. ಹಿಂಭಾಗದ ರೆಕ್ಕೆಗಳು ಬೂದು ಬಣ್ಣದ್ದಾಗಿರುತ್ತವೆ ಮತ್ತು ಹೊಳೆಯುತ್ತವೆ ಮತ್ತು ಅವುಗಳ ಅಂಚಿನಲ್ಲಿ ಕರೆಯಿರುತ್ತದೆ. ಹೆಣ್ಣು ಹುಳುಗಳು ಸುಮಾರು 50-200 ಮೊಟ್ಟೆಗಳನ್ನು 5 ರ ಗುಂಪಿನಲ್ಲಿ ಸಸ್ಯಗಳ ಅಂಗಾಂಶದ ಗಾಯಗಳು ಮತ್ತು ಬಿರುಕುಗಳಲ್ಲಿ ಇಡುತ್ತವೆ. ಸುಮಾರು 12 ದಿನಗಳ ನಂತರ ಬಿಳಿ ಅಥವಾ ತಿಳಿ ಹಸಿರು ಬಣ್ಣದ, ಸ್ವಲ್ಪ ಪಾರದರ್ಶಕ ಲಾರ್ವಾಗಳು ಹೊರಬರುತ್ತವೆ. ಲಾರ್ವಾಗಳ ತಲೆ ಗಾಢವಾದ ಕೆಂಪು ಅಥವಾ ಕಂದು ಬಣ್ಣದ್ದಾಗಿದ್ದು ಎರಡೂ ಕಡೆಗಳಲ್ಲಿ ಕಣ್ಣಿನಂತಹ ಗುರುತುಗಳಿರುತ್ತವೆ. ಲಾರ್ವಾಗಳು ಸುಮಾರು 50 ದಿನಗಳಲ್ಲಿ ಸುಮಾರು 26 ಮಿಮೀ ಬೆಳೆಯುತ್ತವೆ. ನಂತರ ಅವು ಆಹಾರ ಸುರಂಗಗಳ ಕೊನೆಯಲ್ಲಿ ಪ್ಯೂಪಾ ಆಗುತ್ತವೆ. ಹೆಚ್ಚುವರಿ 20 ದಿನಗಳ ನಂತರ, ಹೊಸ ಪೀಳಿಗೆಯ ಪ್ರೌಢ ಪತಂಗಗಳು ಹೊರಬರುತ್ತವೆ. ತಂಪಾದ ತಾಪಮಾನ (ಸುಮಾರು 15°C) ಮತ್ತು ಒಣ ಹವಾಮಾನ ಇವುಗಳ ಬೆಳವಣಿಗೆಗೆ ಸೂಕ್ತವಾದವು. ಬೆಚ್ಚಗಿನ ಹವಾಮಾನ ಪರಿಸ್ಥಿತಿಗಳಲ್ಲಿ ಈ ಅವಧಿಯು ಕಡಿಮೆಯಾಗಬಹುದು.