LITCHI

ಲಿಚಿಯ ವಾಸನೆ ಕೀಟ(ಸ್ಟಿಂಕ್ ಬಗ್)

Tessaratoma papillosa

ಕೀಟ

ನಿಮ್ಮ ಬೆಳೆಯನ್ನು ಗುಣಪಡಿಸಿ

ಒಂದು ಚಿತ್ರವನ್ನು ತೆಗೆಯಿರಿ

ರೋಗನಿರ್ಣಯವನ್ನು ನೋಡಿ

ಔಷಧ ಪಡೆಯಿರಿ

ಪ್ಲಾಂಟಿಕ್ಸ್ ಅಪ್ಲಿಕೇಶನ್ ಪಡೆಯಿರಿ

ಸಂಕ್ಷಿಪ್ತವಾಗಿ

ಹೂವುಗಳು ಮತ್ತು ಎಳೆಯ ಹಣ್ಣುಗಳು ಅಕಾಲಿಕವಾಗಿ ಉದುರುತ್ತವೆ.
ಎಳೆಯ ಕೊಂಬೆಗಳು ಬಾಡಿ ಅವುಗಳ ತುದಿಗಳು ಕಪ್ಪಾಗುತ್ತವೆ.
ವಯಸ್ಕ ಕೀಟಗಳು ಎದ್ದು ಕಾಣುವ ಕೆಂಪು ಕಣ್ಣುಗಳೊಂದಿಗೆ ಕಂದು-ಹಳದಿ ಬಣ್ಣವನ್ನು ಹೊಂದಿರುತ್ತದೆ.
ಇವುಗಳಿಗೆ ತೊಂದರೆಯಾದಾಗ ಉರಿತ ಉಂಟುಮಾಡುವ ದ್ರವವನ್ನು ಸಿಂಪಡಿಸುತ್ತವೆ.

ಇವುಗಳಲ್ಲಿ ಸಹ ಕಾಣಬಹುದು

0 ಬೆಳೆಗಳು

LITCHI

ರೋಗಲಕ್ಷಣಗಳು

ಹೂವಿನ ಮೊಗ್ಗುಗಳು, ಚಿಗುರುಗಳು, ಹೂವಿನ ಗೊಂಚಲುಗಳು ಮತ್ತು ಎಳೆಯ ಹಣ್ಣುಗಳು ಲಕ್ಷಣಗಳನ್ನು ತೋರಿಸಬಹುದು. ಎಳೆಯ ಕೊಂಬೆಗಳು ಮತ್ತು ಎಳೆಯ ರೆಂಬೆಗಳು ತುದಿಗಳಿಂದ ಬಾಡಲು ಪ್ರಾರಂಭಿಸುತ್ತವೆ. ನಂತರ ಅವು ಕಪ್ಪಾಗುತ್ತವೆ. ಹೂವುಗಳು ಮತ್ತು ಹಣ್ಣುಗಳು ಬಾಡುವುದು ಮತ್ತು ಕುಗ್ಗುವುದು ಪ್ರಾಥಮಿಕ ಲಕ್ಷಣಗಳಾಗಿವೆ. ಹಣ್ಣುಗಳ ಸಿಪ್ಪೆಯ ಮೇಲೆ ವಿಶಿಷ್ಟವಾದ ಕಪ್ಪು ಕಲೆಗಳು ಅಥವಾ ಕಪ್ಪಾಗುವಿಕೆ ಉಂಟಾಗುತ್ತದೆ. ಇವು ಅಕಾಲಿಕವಾಗಿ ಉದುರಬಹುದು. ಇದರಿಂದಾಗಿ ಮರದ ಹಣ್ಣಿನ ಉತ್ಪಾದನೆ ಕಡಿಮೆಯಾಗುತ್ತದೆ. ಹೆಚ್ಚಿನ ಕೀಟ ಸಂಖ್ಯೆಯು ಕೊಂಬೆಗಳು ಮತ್ತು ಎಲೆಗಳ ಬೆಳವಣಿಗೆ ಕುಂಠಿತಗೊಳ್ಳಲು ಕಾರಣವಾಗಬಹುದು. ತೀವ್ರವಾದ ಬಾಧೆಯ ಸಂದರ್ಭದಲ್ಲಿ, ಒಟ್ಟಾರೆ ಮರದ ಬೆಳವಣಿಗೆಯೇ ಕುಂಠಿತವಾಗಬಹುದು.

ಶಿಫಾರಸುಗಳು

ಜೈವಿಕ ನಿಯಂತ್ರಣ

ನೈಸರ್ಗಿಕ ಶತ್ರುಗಳು ಈ ಕೀಟದ ವಿರುದ್ಧ ಹೋರಾಡಲು ಸಹಾಯ ಮಾಡುತ್ತವೆ. ಅವು ಮೊಟ್ಟೆಗಳ ಮೇಲೆ ದಾಳಿ ಮಾಡಿ ದೊಡ್ಡ ಪ್ರಮಾಣದ ಹರಡುವಿಕೆಯನ್ನು ತಡೆಯುತ್ತವೆ. ಸಂಭಾವ್ಯ ಪ್ರಭೇದಗಳ ಪಟ್ಟಿಯನ್ನು ಪಡೆಯಲು ಸ್ಥಳೀಯ ಅಧಿಕಾರಿಗಳು ಅಥವಾ ಕೃಷಿ ಸಲಹೆಗಾರರನ್ನು ಸಂಪರ್ಕಿಸಿ.

ರಾಸಾಯನಿಕ ನಿಯಂತ್ರಣ

ಉತ್ತಮ ಫಲಿತಾಂಶಗಳಿಗಾಗಿ ಹೂಬಿಡುವ ಆರಂಭಿಕ ಹಂತದಲ್ಲಿ ಔಷಧಗಳನ್ನು ಬಳಸಿ. ಕೀಟನಾಶಕ ಎಲ್ಲಾ ಸ್ಥಳಗಳನ್ನು ತಲುಪುವಂತೆ ಅಧಿಕ-ಒತ್ತಡದ, ಅಧಿಕ-ಹರಿವಿನ ಸಿಂಪಡಕಗಳನ್ನು ಬಳಸಿ. ಕೀಟಗಳು ಅಡಗಿಕೊಳ್ಳುವ ದಟ್ಟವಾದ ಕೊಂಬೆಗಳು ಮತ್ತು ಎಲೆಗಳನ್ನು ಗುರಿಯಾಗಿಸಿ. ಕೀಟಗಳ ಕ್ರಿಯಾಶೀಲತೆ ಕಡಿಮೆ ಇರುವಾಗ (ಕಡಿಮೆ ತಾಪಮಾನದಲ್ಲಿ) ಸಿಂಪಡಿಸಿ. ಕೀಟ ಬಾಧೆ ತೀವ್ರವಾಗಿದ್ದಲ್ಲಿ ಹಲವು ಬಾರಿ ಚಿಕಿತ್ಸೆ ನೀಡಬೇಕಾದ ಅಗತ್ಯವಿರಬಹುದು. ಸ್ಥಳೀಯ ಸರ್ಕಾರಗಳು ನಿಯಂತ್ರಣ ಕಾರ್ಯಕ್ರಮಗಳನ್ನು ಸಂಯೋಜಿಸುತ್ತವೆ.

ಅದಕ್ಕೆ ಏನು ಕಾರಣ

ಲಿಚಿ ಸ್ಟಿಂಕ್ ಬಗ್ (ಟೆಸ್ಸರಾಟೋಮಾ ಪ್ಯಾಪಿಲೋಸಾ) ಆಗ್ನೇಯ ಏಷ್ಯಾ ಮೂಲದ ಒಂದು ಆಕ್ರಮಣಕಾರಿ ಕೀಟವಾಗಿದ್ದು, ಇದು ಏಷ್ಯಾದಾದ್ಯಂತ ವೇಗವಾಗಿ ಹರಡಿದೆ ಮತ್ತು ಈಗ ಪ್ರಪಂಚದಾದ್ಯಂತ ಹೊಸ ಪ್ರದೇಶಗಳಲ್ಲಿ ನೆಲೆಸುತ್ತಿದೆ. ವಯಸ್ಕ ಕೀಟಗಳು ಕಂದು-ಹಳದಿ ಬಣ್ಣದೊಂದಿಗೆ ವಿಶಿಷ್ಟವಾದ ಗುರಾಣಿ ಆಕಾರವನ್ನು ಹೊಂದಿರುತ್ತವೆ. ಇವುಗಳ ಮರಿಗಳು ಬಹಳ ಆಕರ್ಷಕವಾಗಿದ್ದು, ದೇಹದಾದ್ಯಂತ ಬಿಳಿ ಪಟ್ಟೆಗಳನ್ನು ಹೊಂದಿರುವ ಗಾಢ ಕೆಂಪು ಬಣ್ಣದಲ್ಲಿರುತ್ತವೆ. ಮೊಟ್ಟೆಗಳ ಸಮೂಹವು ಸಹ ವಿಶಿಷ್ಟವಾಗಿದ್ದು, ಸಾಲುಗಳಲ್ಲಿ, ಅಚ್ಚುಕಟ್ಟಾಗಿ ಜೋಡಿಸಲಾದ 14 ಪಚ್ಚೆ ಹಸಿರು ಅಥವಾ ಗುಲಾಬಿ ಬಣ್ಣದ ಮೊಟ್ಟೆಗಳನ್ನು ಒಳಗೊಂಡಿರುತ್ತದೆ. ವಯಸ್ಕ ಕೀಟಗಳು ಮತ್ತು ಮರಿಗಳು ಎರಡೂ ತಮ್ಮ ಚುಚ್ಚುವ-ಹೀರುವ ಬಾಯಿಗಳ ಮೂಲಕ ಲಿಚ್ಚಿ ಮತ್ತು ಲೋಂಗನ್ ಮರಗಳ ಎಳೆಯ ಮೊಗ್ಗುಗಳು, ಚಿಗುರುಗಳು, ಹೂವಿನ ಗೊಂಚಲುಗಳು ಮತ್ತು ಎಳೆಯ ಹಣ್ಣುಗಳನ್ನು ತಿನ್ನುತ್ತವೆ. ಅವುಗಳ ಆಹಾರ ಸೇವನೆಯಿಂದ ಉಂಟಾಗುವ ಗಾಯಗಳು ಸಸ್ಯಕ್ಕೆ ಹೆಚ್ಚಿನ ಹಾನಿ ಉಂಟುಮಾಡುವ ಶಿಲೀಂಧ್ರ ರೋಗಗಳನ್ನು ಆಹ್ವಾನಿಸುತ್ತವೆ. ಲಿಚ್ಚಿ ಸ್ಟಿಂಕ್ ಬಗ್ ಮರಗಳಿಗೆ ವಿಶಿಷ್ಟವಾದ ಹಾನಿಯನ್ನುಂಟು ಮಾಡುವುದಲ್ಲದೆ ಮಾನವನ ಆರೋಗ್ಯಕ್ಕೂ ಗಂಭೀರ ಅಪಾಯವನ್ನು ತಂದೊಡ್ಡುತ್ತದೆ. ಇವುಗಳಿಗೆ ತೊಂದರೆಯಾದಾಗ ಅಥವಾ ಬೆದರಿಕೆ ಉಂಟಾದಾಗ, ಅವು ಗಾಯಮಾಡುವ, ದುರ್ವಾಸನೆಯ ದ್ರವವನ್ನು ಸಿಂಪಡಿಸುತ್ತವೆ. ಇದು ಚರ್ಮದ ಸಂಪರ್ಕಕ್ಕೆ ಬಂದ ತಕ್ಷಣ ಉರಿಯಾಗುತ್ತದೆ ಮತ್ತು ಹುಣ್ಣುಗಳಿಗೆ ಕಾರಣವಾಗಬಹುದು. ಕಣ್ಣುಗಳ ಸಂಪರ್ಕಕ್ಕೆ ಬಂದರೆ ಕುರುಡುತನಕ್ಕೆ ಕಾರಣವಾಗಬಹುದು. ಒಂದು ವೇಳೆ ಈ ರೀತಿಯ ದ್ರವ ಸಿಂಪಡಣೆಯಾದಲ್ಲಿ, ತಕ್ಷಣ ಆ ಭಾಗವನ್ನು ಶುದ್ಧ ನೀರಿನಿಂದ ತೊಳೆಯಿರಿ ಮತ್ತು ಉರಿಯ ತೀವ್ರತೆ ಮುಂದುವರಿದರೆ ವೈದ್ಯಕೀಯ ಚಿಕಿತ್ಸೆ ಪಡೆಯಿರಿ.

ಮುಂಜಾಗ್ರತಾ ಕ್ರಮಗಳು

ಕೀಟಗಳ ಬಳಿ ಕೆಲಸ ಮಾಡುವಾಗ ರಕ್ಷಣಾತ್ಮಕ ಬಟ್ಟೆಗಳನ್ನು ಧರಿಸಿ.
ಕೀಟಗಳು ಮರ ಹತ್ತುವುದನ್ನು ತಡೆಯಲು ಮರದ ಬುಡದ ಸುತ್ತಲೂ ಅಂಟಾದ ಸ್ಟಿಕ್ಕರ್‌ಗಳನ್ನು ಮೆತ್ತಿಸಿ.
ಮೊಟ್ಟೆಗಳು, ಮರಿಗಳು ಮತ್ತು ವಯಸ್ಕ ಕೀಟಗಳಿಗಾಗಿ ವಾರಕ್ಕೊಮ್ಮೆ ಮರಗಳನ್ನು ಪರೀಕ್ಷಿಸಿ.
ಮೊಟ್ಟೆಗಳಿರುವ ಸಸ್ಯದ ಎಲೆಗಳನ್ನು ತಕ್ಷಣವೇ ಕತ್ತರಿಸಿ ಸಂಗ್ರಹಿಸಿ.
ಕೀಟಬಾಧಿತ ಕೊಂಬೆಗಳನ್ನು ತೆಗೆದುಹಾಕಿ.
ಕೀಟಗಳು ಸತ್ತಂತೆ ನಟಿಸಿ ಕೆಳಗೆ ಬೀಳುವಂತೆ ಮಾಡಲು ಕೊಂಬೆಗಳನ್ನು ಬಡಿಯಿರಿ ಮತ್ತು ಉಪಕರಣಗಳ ಸಹಾಯದಿಂದ ಅವುಗಳನ್ನು ಸಂಗ್ರಹಿಸಿ.
ಹೊಸ ಕೀಟಬಾಧೆಗಳ ಬಗ್ಗೆ ಕೃಷಿ ಅಧಿಕಾರಿಗಳಿಗೆ ವರದಿ ಮಾಡಿ.