ಅರಿಶಿನ
ಅರಿಶಿನದ ಎಲೆ ಚುಕ್ಕೆ ರೋಗ
Colletotrichum capsici
ಶಿಲೀಂಧ್ರ
5 mins to read
ಸಂಕ್ಷಿಪ್ತವಾಗಿ
- ಬೂದು ಕೇಂದ್ರಗಳಿರುವ ಕಂದು ಕಲೆಗಳು.
- ಎಲೆಗಳು ಒಣಗುತ್ತವೆ ಮತ್ತು ಬಾಡುತ್ತವೆ.
ಇವುಗಳಲ್ಲಿ ಸಹ ಕಾಣಬಹುದು
ಅರಿಶಿನ
ರೋಗಲಕ್ಷಣಗಳು
ಆರಂಭಿಕ ಚಿಹ್ನೆಗಳೆಂದರೆ ಎಲೆಗಳ ಮೇಲೆ ಕಂಡುಬರುವ ಬೂದು ಕೇಂದ್ರಗಳಿರುವ ಉದ್ದವಾದ ಮಸುಕಾದ ಕಲೆಗಳು. ಪ್ರತ್ಯೇಕ ಕಲೆಗಳು ಚಿಕ್ಕದಾಗಿರುತ್ತವೆ, 1-2 ಮಿಮೀ ವ್ಯಾಸವನ್ನು ಹೊಂದಿರುತ್ತವೆ. ಕಲೆಗಳು ಒಗ್ಗೂಡಿ ಸಾಮಾನ್ಯವಾಗಿ 4-5 ಸೆಂ.ಮೀ ಉದ್ದ ಮತ್ತು 2-3 ಸೆಂ.ಮೀ ಅಗಲದ ತೇಪೆಗಳಾಗುತ್ತವೆ. ರೋಗ ಮುತ್ತುವಿಕೆಯ ಮುಂದುವರಿದ ಹಂತಗಳಲ್ಲಿ, ಕಪ್ಪು ಚುಕ್ಕೆಗಳು ಏಕಕೇಂದ್ರಕ ಉಂಗುರಗಳಾಗಿ ಮಾರ್ಪಡುತ್ತವೆ. ಬೂದು ಕೇಂದ್ರಗಳು ತೆಳುವಾಗುತ್ತವೆ ಮತ್ತು ಅಂತಿಮವಾಗಿ ಹರಿದು ಹೋಗುತ್ತವೆ. ತೀವ್ರತರವಾದ ದಾಳಿಯ ಪ್ರಕರಣಗಳಲ್ಲಿ, ಎಲೆಗಳ ಎರಡೂ ಬದಿಗಳಲ್ಲಿ ನೂರಾರು ಕಲೆಗಳು ಕಾಣಿಸಿಕೊಳ್ಳುತ್ತವೆ. ತೀವ್ರವಾಗಿ ಬಾಧಿತವಾದ ಎಲೆಗಳು ಬಾಡಿ, ಒಣಗುತ್ತವೆ.
Recommendations
ಜೈವಿಕ ನಿಯಂತ್ರಣ
ಟಿ. ಹರ್ಜಿಯಾನಮ್, ಟಿ. ವೈರೈಡ್ ನಂತಹ ಜೈವಿಕ ಏಜೆಂಟ್ ಗಳನ್ನು ಬಳಸಿ. ಇದು ರೋಗದ ಪ್ರಮಾಣವನ್ನು ಕಡಿಮೆ ಮಾಡುವುದಕ್ಕೆ ಪುರಾವೆಗಳಿವೆ. ಅಲ್ಲದೆ, ಪಿ. ಲಾಂಗಿಫೋಲಿಯಾದ ಸಸ್ಯದ ಸಾರಗಳು ರೋಗ ನಿಯಂತ್ರಣಕ್ಕೆ ಪರಿಣಾಮಕಾರಿ.
ರಾಸಾಯನಿಕ ನಿಯಂತ್ರಣ
ಲಭ್ಯವಿದ್ದರೆ ಜೈವಿಕ ಚಿಕಿತ್ಸೆಗಳೊಂದಿಗೆ ತಡೆಗಟ್ಟುವ ಕ್ರಮಗಳಿರುವ ಸಂಯೋಜಿತ ವಿಧಾನವನ್ನು ಯಾವಾಗಲೂ ಪರಿಗಣಿಸಿ. ಬೀಜದ ವಸ್ತುಗಳನ್ನು ಮ್ಯಾಂಕೋಜೆಬ್ @ 3 ಗ್ರಾಂ / ಲೀ ನೀರು ಅಥವಾ ಕಾರ್ಬೆಂಡಜಿಮ್ @ 1 ಗ್ರಾಂ / ಲೀ ನೀರಿನೊಂದಿಗೆ 30 ನಿಮಿಷಗಳ ಕಾಲ ಸಂಸ್ಕರಿಸಿ ಮತ್ತು ನೆಡುವ ಮೊದಲು ನೆರಳಿನಲ್ಲಿ ಒಣಗಿಸಿ. ಮ್ಯಾಂಕೋಜೆಬ್ @ 2.5 ಗ್ರಾಂ / ಲೀ ನೀರು ಅಥವಾ ಕಾರ್ಬೆಂಡಜಿಮ್ @ 1 ಗ್ರಾಂ / ಲೀ ನೀರಿನಲ್ಲಿ ಹದಿನೈದು ದಿನದಲ್ಲಿ 2-3 ಬಾರಿ ಸಿಂಪಡಿಸಿ.
ಅದಕ್ಕೆ ಏನು ಕಾರಣ
ಬಿತ್ತನೆ ಸಮಯದಲ್ಲಿ ರೈಜೋಮ್‌ಗಳ ಪೊರೆಗಳ ಮೇಲಿರುವ ಶಿಲೀಂಧ್ರದಿಂದ ಈ ರೋಗ ಉಂಟಾಗುತ್ತದೆ. ಇದೇ ಸೋಂಕಿನ ಪ್ರಾಥಮಿಕ ಮೂಲವಾಗಿದೆ. ದ್ವಿತೀಯಕ ಹರಡುವಿಕೆಯು ಗಾಳಿ, ನೀರು ಮತ್ತು ಇತರ ಶಾರೀರಿಕ ಮತ್ತು ಜೈವಿಕ ಏಜೆಂಟ್‌ಗಳಿಂದ ಉಂಟಾಗುತ್ತದೆ. ಸೋಂಕಿತ ಅವಶೇಷಗಳ ಮೇಲೆ ರೋಗಕಾರಕವು ಒಂದು ವರ್ಷ ಬದುಕಬಲ್ಲದು.
ಮುಂಜಾಗ್ರತಾ ಕ್ರಮಗಳು
- ಸಹಿಷ್ಣು ಪ್ರಭೇದಗಳಾದ ಸುಗುಣ ಮತ್ತು ಸುದರ್ಶನ್ ಅನ್ನು ಬೆಳೆಸಿ.
- ರೋಗ ಮುಕ್ತ ಪ್ರದೇಶಗಳಿಂದ ಬೀಜದ ವಸ್ತುಗಳನ್ನು ಆರಿಸಿ.
- ನಿಯಮಿತವಾಗಿ ಬೆಳೆ ಸರದಿಯನ್ನು ಅಭ್ಯಾಸ ಮಾಡಿ.
- ಮೆಣಸಿನಕಾಯಿಯಂತಹ ಪರ್ಯಾಯ ಆಶ್ರಯದಾತ ಸಸ್ಯಗಳ ಪಕ್ಕದಲ್ಲಿ ಕೃಷಿ ಮಾಡುವುದನ್ನು ತಪ್ಪಿಸಿ.
- ಸೋಂಕಿತ ಮತ್ತು ಒಣಗಿದ ಎಲೆಗಳನ್ನು ಸಂಗ್ರಹಿಸಿ ರೋಗ ಮತ್ತಷ್ಟು ಹರಡದಂತೆ ತಡೆಯಿರಿ.
ಶೇರ್ ಮಾಡು
ಪ್ಲಾಂಟಿಕ್ಸ್ ಡೌನ್‌ಲೋಡ್ ಮಾಡಿಕೊಳ್ಳಿ
