உளுந்து & பச்சை பயிறு
புள்ளியுடைய காய் துளைப்பான்
Chilo partellus
பூச்சி
5 mins to read
சுருக்கமாக
- - பூக்கள் மற்றும் காய்களின் தோற்றம் ஒன்றோடொன்று பின்னிப்பிணைந்திருக்கும்.
- - கிளைகள் உலர்ந்து போகுதல்.
- - காய்களில் உள்ள விதைகள் முற்றிலும் அல்லது ஓரளவு சேதமடையக்கூடும்.
- - மொட்டுகள், பூ அல்லது காய்களில் துளைகள் ஏற்படுதல்.
இதிலும் கூடக் காணப்படும்
உளுந்து & பச்சை பயிறு
அறிகுறிகள்
மொட்டுகள், பூக்கள் மற்றும் காய்களில் அறிகுறிகள் காணப்படுகின்றன. பூக்கும் கட்டத்தில், இலைகள், பூக்கள் மற்றும் காய்கள் முட்டைப்புழுக்களின் கழிவுகளினால் வலையமைப்பு போன்று பின்னிப்பிணைக்கப்படுகின்றன. புதிய தளிர்கள் மற்றும் மொட்டுகள் வறண்டு காணப்படுகின்றன. விதைகளை அடைய காய்களில் உண்ணும் துளைகள் ஏற்படுகின்றன. இலை தண்டுகளில் துளையிடுவதன் மூலம், புள்ளிகளையுடைய காய் துளைப்பான் கிளைகளை உலரச் செய்கிறது.
Recommendations
இயற்கை முறையிலான கட்டுப்பாடு
புள்ளிகள் கொண்ட நெற்று துளைப்பானை பெரும்பாலும் இயற்கை எதிரிகளால் கட்டுப்படுத்தலாம். ஒட்டுண்ணி ஈக்கள் (டச்சினிடே) மற்றும் குளவிகள் (பிராக்கோனிடே & இக்னியூமோனிடே) ஆகியவற்றைக் கொண்டு பூச்சிகளின் எண்ணிக்கையை குறைக்க முடியும். இரைப்பிடித்துண்ணிகளுடன் (கண்ணாடி இறக்கை பூச்சி, பொன் வண்டு, சிலந்தி, சிவப்பு எறும்பு, தும்பி, கொள்ளை ஈ, ரிடூவ்லிட் வண்டு மற்றும் பூச்சி தின்னும் பூச்சி வகை) இணைந்து, எம்.விட்ரட்டா பரவுதலை 98% வரை குறைக்கக்கூடும். உயிரியல் பூச்சிக்கொல்லிகளாக, அசாதிராச்டின் அல்லது பேசிலஸ் துரிஞ்ஜியென்சிஸ் கொண்ட வேப்ப எண்ணெய் அடிப்படையிலான ஈ.சி.யை இலைத்திரள் தெளிப்பானாக பயன்படுத்தலாம். பூக்க துவங்கியதிலிருந்து அறுவடை வரை இவற்றை பயன்படுத்த வேண்டும். வேப்ப எண்ணெய் அல்லது பி.டி சூத்திரங்கள் பயிர் பருவத்தின் தொடக்கத்தில் அல்லது நோய்த்தொற்று தென்பட்டவுடன் ஒரு முறை மட்டுமே பயன்படுத்துவதற்கு பரிந்துரைக்கப்படுகின்றன.
இரசாயன கட்டுப்பாடு
உயிரியல் சிகிச்சைகள் கிடைக்கப்பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருத்தில் கொள்ளுங்கள். 1 சதுர மீட்டருக்கு 3 முட்டைப்புழுக்களின் பொருளாதார வரம்பை மீறும் போது நீங்கள் முறையான அல்லது தொடு பூச்சிக்கொல்லிகளைப் பயன்படுத்தலாம். இரசாயன கட்டுப்பாட்டு காரணிகளைக் கவனமாகத் தேர்ந்தெடுங்கள், இதனால் அவை நன்மை பயக்கும் பூச்சிகளின் எண்ணிக்கையை பாதிக்காது. பூச்சி தாக்குதல் தொடங்கியவுடன் அசாதிராச்டின் (1500 பிபிஎம்) @ 5 மிலி / லி போன்ற முறையான அல்லது தொடு பூச்சிக்கொல்லிகளைப் பயன்படுத்துங்கள். குளோரான்ட்ரானிலிப்ரோல் 18.5 ஈ.சி. (0.3 மிலி / லி), குளோர்பைரிஃபோஸ் 20 ஈ.சி. (2 மிலி / லி), புரோபெனோபோஸ் 50 ஈ.சி. (2 மிலி / லி), ஸ்பினோசாட் 45 எஸ்.சி. (0.3 மிலி / லி), எமாமெக்டின் பென்சோயேட் + லாம்ப்டா-சைஹலோத்ரின் 5 ஈ.சி. அல்லது ஃப்ளூபெண்டியாமைடு 39.35 எஸ்.சி. (0.2 மிலி / லி) ஆகியவற்றை அடிப்படையாகக் கொண்ட பிற பூச்சிக்கொல்லிகளும் இந்த பூச்சியைக் கட்டுப்படுத்த பயனுள்ளதாக இருக்கும்.
இது எதனால் ஏற்படுகிறது
புள்ளிகளையுடைய காய் துளைப்பான்களினால் இளம் பூச்சிகளினால் பாதிப்புகள் ஏற்படுகின்றன. புள்ளிகளையுடைய காய் துளைப்பானின் அந்துப்பூச்சியானது தனது இருண்ட முன் இறக்கைகளில் வெள்ளை நிறத்தில் குறுக்குவெட்டுகளையும், வெள்ளை நிற பின் இறக்கைகளில் அடர்நிற ஓரங்களையும் கொண்டிருக்கும். பெண் பூச்சிகள் இலைகள், மொட்டுகள் மற்றும் பூக்களில் சிறிய கொத்துக்களாக அல்லது தனியாக முட்டைகளை இடுகின்றன. பச்சை கலந்த வெள்ளை நிறத்துடன் புள்ளிகளைக் கொண்ட, பழுப்பு வண்ண முடியினை உடலில் கருப்பு மருக்களாக இளம் உயிரிகள் கொண்டிருக்கும், மண்ணில் அல்லது இலை பின்னல்களில் இவை கூட்டுப்புழுவாக மாறும். முட்டைப்புழுக்கள் இரவில் இயங்கும் தன்மை உடையவை, மேலும் இவை பல்வேறு புரவலன்களின் தண்டுகள், மஞ்சரிக்காம்புகள், பூக்கள் மற்றும் காய்களை தாக்கும், எ.கா. பருப்பு, லேப்லேப் (அவரையின வகை), மிளகாய், வேர்க்கடலை, புகையிலை மற்றும் பருத்தி, சோயா மொச்சை, எள், கரும்பு, ஆமணக்கு, செம்பருத்தி, மற்றும் காட்டு புரவலன்கள். இலைகளை சுருட்டி பின்னியப்பிறகு, எம்.விட்ரடா உட்புறத்தை தொடர்ந்து உண்ணுகின்றன. நாற்றாக இருக்கும் நிலையிலிருந்து காய் நிரப்பப்படும் நிலை வரை நோய்த்தொற்று நிகழ்கிறது; 20-28 டிகிரி செல்சியஸ் இடையேயான வெப்பநிலை இவற்றுக்கு ஏதுவானது. புள்ளிகளையுடைய தண்டு துளைப்பானால் 20 - 50% வரையிலான விளைச்சல் இழப்புகள் ஏற்படுவதாக மதிப்பிடப்பட்டுள்ளன.
தடுப்பு முறைகள்
- உங்கள் பகுதிகளில் கிடைக்கும் ICPL-87119 துவரஞ்செடி போன்ற எதிர்ப்புத்திறன் கொண்ட வகைகளைத் தேர்வு செய்யுங்கள்.
- பூச்சியின் அறிகுறிகள் ஏதேனும் தென்படுகிறதா என வயல்களை கண்காணிக்கவும் (முட்டை கொத்துக்கள், கம்பளிப்பூச்சிகள், சேதம்).
- பாதிக்கப்பட்ட பூக்கள், காய்கள் அல்லது தாவர பாகங்களை கையால் அகற்றவும்.
- தழைச்சத்து உரத்தினை உகந்த அளவு பயன்படுத்துங்கள்.
- வயல் மற்றும் சுற்றியுள்ள பகுதியில் நல்ல களையெடுத்தல் திட்டத்தைப் பயன்படுத்துங்கள்.
- வயலின் வடிகாலினை உகந்ததாக்கவும், ஏனெனில் வெள்ளம் தொற்றுநோய்க்கான வாய்ப்புகளை அதிகரிக்கிறது.
- அந்துப்பூச்சிகளைக் கண்காணிக்க அல்லது பெருமளவில் பிடிக்க, விதைதலுக்கு பின்னர் 15 நாட்கள் பொறிகளைப் பயன்படுத்துங்கள்.
- முட்டைப்புழுக்களை உண்ணும் பறவைகளுக்கு உட்காரும் இடங்கள் மற்றும் திறந்தவெளியை ஹெக்டேருக்கு 15 என்றளவில் உருவாக்குங்கள்.
- அறுவடைக்குப் பிறகு தாவர எச்சங்கள் அல்லது தானே வளரும் தாவரங்களை அகற்றவும்.
- அரிசி, மக்காச் சோளம், சோளம் அல்லது தினை போன்ற புரவலன் அல்லாத பயிர்களை கொண்டு பயிர் சுழற்சியைப் பின்பற்றவும்.
பகிரவும்
பிளான்டிக்ஸை பதிவிறக்கம் செய்க
