சோயாமொச்சை
சோயாவின் பச்சாடை / தீய வாடைப் பூச்சி
Pentatomidae
பூச்சி
5 mins to read
சுருக்கமாக
- இலைகள் அல்லது தண்டுகளில் சிறிதளவில் வெளிப்படையான சேதங்கள் காணப்படும்.
- முதிர்ச்சியடைகையில் பச்சாடைப்பூச்சி கனிகள் மற்றும் விதைகளை உண்ணும்.
- விதைகள் உருக்குலைந்து, வளர்ச்சியடையாமல் அல்லது சிதைந்து விடக்கூடும்.
- முதிர்ந்த விதைகளில் நிறமாற்றம் ஏற்படக்கூடும்.
இதிலும் கூடக் காணப்படும்
சோயாமொச்சை
அறிகுறிகள்
பச்சாடைப்பூச்சியினால் ஏற்படும் நோய்த்தொற்றை அறுவடைக்கு முன் கண்டறிவது மிகவும் கடினம். முதிர்ந்த மற்றும் இளம் பூச்சிகள் சோயாவின் கனிகள் மற்றும் விதைகளைத் தாக்கி, இலைகள் அல்லது தண்டுகளில் வெளியே தெரியாத உண்ணும் சேதங்களை ஏற்படுத்தும். அறுவடையின்போது, உருக்குலைந்த, வளர்ச்சியடையாத அல்லது சிதைந்த இளம் விதைகள் காணப்படும். முதிர்ந்த விதைகள் நிறமாற்றமடையும் மற்றும் சுருங்கும். பச்சாடைப் பூச்சிகள் தாவரங்களின் பிற பாகங்களையும் உண்ணும். திசுக்களில் காணப்படும் சிறிய பழுப்பு அல்லது கரு நிறப் புள்ளிகள் பூச்சிகள் மூலம் துளையிடப்பட்டது ஆகும். பழங்கள் மற்றும் விதிகள் முதிர்ச்சியடைதல் சமரசம் செய்யப்பட்டு, தாவரங்களில் வெறும் சிறிய மற்றும் குறைந்த அளவிலான காய்கள் மட்டுமே காணப்படும்.
Recommendations
இயற்கை முறையிலான கட்டுப்பாடு
பச்சாடைப்பூச்சியின் எண்ணிக்கையைக் கட்டுப்படுத்த ஒட்டுண்ணி ஈக்கள் அல்லது குளவிகளை ஊக்குவிக்கவும். இவை பச்சாடைப்பூச்சிகளின் மீது முட்டையிடும். ஒட்டுண்ணி முட்டைகள் பொதுவாக கருப்பாக இருக்கும். இந்த பூச்சிகளின் முட்டைப்புழுக்கள் உள்ளிருந்து மாமிசப் புழுக்களையும் மற்றும் முதிர்ந்த பூச்சிகளையும் உண்ணும். பறவைகள் மற்றும் சிலந்திகள் போன்ற இரைப்பிடித்துண்ணிகளும் நோய்த்தொற்றைக் கட்டுப்படுத்தும். நீங்கள் யூகலிப்டஸ் யூரோகிராண்டிஸின் எண்ணெய்யைக் கூடப் பயன்படுத்தலாம். இந்த எண்ணெய் பச்சாடைப்பூச்சிகள் மற்றும் அவற்றின் இளம் பூச்சிகளுக்கு எதிரான நச்சுத்தன்மையைக் கொண்டது.
இரசாயன கட்டுப்பாடு
உயிரியல் சிகிச்சைகள் கிடைக்க பெற்றால், தடுப்பு நடவடிக்கைகளுடன் ஒருங்கிணைந்த அணுகுமுறையை எப்பொழுதும் கருதில் கொள்ளுங்கள்.பூச்சிக்கொல்லிகளை பயன்படுத்துவதற்கு முன், உங்கள் வயல்களில் காணப்படும் பூச்சிகளின் எண்ணிக்கை மற்றும் இனங்களைக் கண்காணிக்கவும். தேவைப்பட்டால், பைரித்ராய்ட்ஸைக் கொண்டிருக்கும் தயாரிப்புகளைப் பச்சாடைப்பூச்சியின் எண்ணிக்கையைக் கட்டுப்படுத்தப் பயன்படுத்தவும்.
இது எதனால் ஏற்படுகிறது
சோயாப் பயிர்களை பல வகையான பச்சாடைப் பூச்சிகள் தாக்கக்கூடும். அவற்றுள் மிகவும் மோசமானவை அக்ரோஸ்டெர்னம் ஹிலாரே என்னும் பூச்சியாகும். முதிர்ந்த பூச்சிகள் சுமார் 1.3 செமீ. நீளத்தில், பச்சை நிறத்தில் காணப்படும், மேலும் அவற்றின் வடிவம் ஒரு கவசத்தைப் போன்றிருக்கும். தன்னை வேட்டையாடும் உயிரினங்களைத் தடுக்க இவை ஏற்படுத்தும் தீய வாடையினால் இந்தப் பூச்சி இப்பெயர் பெற்றது. இவை மென்மையான கனிகள் மற்றும் வளரும் விதைகளைத் துளைக்க தனது மூக்குப் பகுதிகளைப் பயன்படுத்தி, அவற்றினுள் செரிமானப் பொருட்களை உட்செலுத்தி, மற்றும் அதன் விளைவாக ஏற்படும் திரவங்களை உறிஞ்சும். இளம் பூச்சிகள் கிட்டத்தட்ட உருண்டையாக, இறக்கையில்லாமல், மற்றும் தலைப்பகுதியில் சிவப்பு நிறப் புள்ளியுடன் கரு நிறத்தில் இருக்கும். முட்டைகள் பீப்பாய் வடிவத்தில் மற்றும் கொத்துக்களாக இடப்படும்.
தடுப்பு முறைகள்
- பச்சாடைப்பூச்சியின் உச்சக்கட்ட எண்ணிக்கையைத் தவிர்க்க, பருவ காலத்தின் ஆரம்பத்திலேயே நடவு செய்யவும்.
- தொடர்ந்து பூச்சிகளின் நெருக்கடி எண்ணிக்கையைக் கண்காணிக்கவும்.
பகிரவும்
பிளான்டிக்ஸை பதிவிறக்கம் செய்க
