மாம்பழத் தண்டின் அடி அழுகல் நோய்

அறிகுறிகள்

சிறு கிளைகள் மற்றும் கிளைகள் காய்ந்து, நுனியிலிருந்து கருகி இறந்துபோகும் இலையுதிர்வு ஏற்படும். இலைகள் கருமை நிறமாகி, ஓரங்கள் சுருண்டுகொள்ளும். மரத்திலிருந்து சிறுகிளைகள் இறந்து விழும். தொற்று ஏற்பட்ட பகுதியைச் சுற்றிலும் சொறிநோய்கள் தோன்றும், இது பின்னர் திசு இறப்பு (பாதிக்கப்பட்ட தாவரப் பகுதியை கருமையாக்குதல்), மரம் கருகி இறந்துபோவதற்கு வழிவகுக்கும். கிளைகளில் இருந்து பசைத் துளிகள் வடியலாம், அவை பின்னர் கிளையின் பெரும்பகுதியை மறைக்கக்கூடும். பழ அழுகல் பெரும்பாலும் அறுவடைக்குப் பின் காணப்படும், தண்டு அடியில் இருந்து இது தொடங்கும். பாதிக்கப்பட்ட பகுதி முதலில் சாம்பல் நிறமாக மாறி பின்னர் கருப்பு நிறமாக மாறும். கடுமையான தொற்றுநோய்களின் கீழ், பழங்கள் முற்றிலும் அழுகி, காய்ந்து சுருங்கிவிடும். பழத்தின் சதையும் நிறம் மாறிப்போகும். பழங்களில், காம்பின் அடிப்பகுதிக்கு அருகில் விதையுறை கருமையாகும். பாதிக்கப்பட்ட பகுதி வட்ட வடிவில் கருந்திட்டை உருவாக்கிட பெரிதாகி, ஈரப்பதமான வெப்பநிலையில் விரைவாக விரிவடைந்து, இரண்டு அல்லது மூன்று நாட்களுக்குள் முழு பழமும் கருப்பாக மாறிவிடும். கூழ் பழுப்பு நிறமாகவும் மென்மையாகவும் மாறும்.