மாம்பழ உருக்குலைவு நோய்

அறிகுறிகள்

பியூசேரியம் மங்கிஃபெரே என்ற பூஞ்சை இனத்தால் இந்த நோய் ஏற்படுகிறது. வளரும் தாவரங்களின் உருக்குலைவு பொதுவாக இளம் நாற்றுகளில் காணப்படுகிறது. நாற்றுகளில் சிறிய செதில் இலைகளுடன் சிறிய தளிர்கள் முளைத்து, அந்த தளிரின் உச்சியில் கொத்து போன்ற தோற்றம் காணப்படுகிறது. நாற்றுகள் வளர்ச்சி குன்றியதாகவே இருந்து, இறுதியில் இறந்துவிடும். மஞ்சரிகளின் உருக்குலைவில் கதிர்களின் வேறுபாட்டினை காணலாம். பெரிய பூக்களின் காரணமாக பெரிதும் சிதைந்த கதிர்கள் நெருக்கமாகவும், கொத்தாகவும் இருக்கும். பாதிக்கப்பட்ட தாவரங்கள் அடர்த்தியான தளிர்கள் மற்றும் பூக்களுடன் அசாதாரணமாக உருவாகுகின்றன. இலை மற்றும் தண்டு மொட்டுகள் போன்ற வளர்ந்து வரும் பகுதிகள் குறுகிய கணுவிடைப்பகுதிகள் மற்றும் உடையக்கூடிய இலைகளுடன் உருக்குலைந்த தளிர்களை உருவாக்குகின்றன. ஆரோக்கியமான தாவரங்களை விட இலைகள் கணிசமாக சிறியதாக இருக்கும். ஒரு தாவரத்தில் ஒரே நேரத்தில் இயல்பான மற்றும் உருக்குலைந்த வளர்ச்சி இருக்கலாம்.