சோயா மொச்சையின் ஆல்டெர்னேரியா இலைப்புள்ளி நோய்

இது எதனால் ஏற்படுகிறது

சோயாமொச்சையில், ஆல்டெர்னேரியா இலைப்புள்ளி நோய், ஆல்டெர்னேரியா எஸ்பிபி இனத்தைச் சார்ந்த பல்வேறு பூஞ்சையால் ஏற்படுகிறது. இந்த நோய்க்கிருமிகள் காய்களின் தோலினைத் தகர்த்து, விதைகளைப் பாதித்து, பருவங்களுக்கு இடையில் நோய்த்தொற்று பரவுவதற்கான முக்கிய வழியாக ஆக்குகிறது. இந்தப் பூஞ்சையானது எளிதில் பாதிக்கப்படக்கூடிய களைகள் அல்லது மக்காத பயிர்க் குப்பைகளின் மீது குளிர்காலத்தைச் செயலற்ற நிலையில் கழிக்கும். தாவரங்களுக்கு இடையேயான இரண்டாம்நிலைப் பரப்புகை முக்கியமாக காற்று மூலம் பரவுகிறது, மேலும் அதிக காற்றுடன் கூடிய மழை மற்றும் வெதுவெதுப்பான ஈரமான வானிலை இந்த நோய்த்தொற்றுப் பரவுவதற்கு உகந்ததாக இருக்கிறது. இலை ஈரப்பதம் உகந்ததாக இருக்கும்போது, பூஞ்சையானது மணி நேரங்களுக்குள் முளைத்து, இயற்கைத் துளைகள் மற்றும் பூச்சிகளின் காயங்கள் வழியாக திசுக்களினுள் நுழையும். நோய் வளர்ச்சிக்கு உகந்த வெப்பநிலை 20-27 ° செல்சியஸ் ஆகும். நாற்றுகளாக இருக்கும் போதும் மற்றும் இலைகள் முதிர்ச்சியடையும் பருவத்தின் பிந்தைய நிலையில் தாவரங்கள் மிகவும் பாதிக்கப்படக்கூடும். மழைக்காலத்தின் பிந்தைய பகுதிகளில் நீர்ப்பாசனம் செய்யப்படும் சோயா பயிர்களில் இந்த நோய் முக்கியமாக ஏற்படக்கூடும் மற்றும் தாவரங்களுக்கு ஏற்படும் கூடுதல் உடலியல் அல்லது ஊட்டச்சத்து அழுத்தங்களும் இவற்றுக்கு இந்த நோய் ஏற்படுவதற்கு உகந்ததாக இருக்கும்.