சோளத்தின் சாம்பல் இலை புள்ளி நோய்

இது எதனால் ஏற்படுகிறது

சாம்பல் இலைப் புள்ளி நோய் செர்க்கோஸ்போரா ஜீ -மேடிஸ் என்னும் பூஞ்சையால் ஏற்படுகிறது. இது நீண்ட காலத்திற்கு மண்ணில் உள்ள தாவரக் கழிவுகளில் வாழ்கிறது. வசந்த காலத்தில், வித்துக்கள் மழைப்பொழிவு மற்றும் காற்று மூலம் கீழ்ப்புற இலைகளுக்கு எடுத்துச் செல்லப்படுகிறது. உயர்ந்த வெப்பநிலை (25 முதல் 30 டிகிரி செல்சியஸ்), அதிக ஈரப்பதம் (பனிதுளி,மூடுபனி) மற்றும் நீண்ட கால இலை ஈரப்பதம் ஆகியவை இதன் வாழ்க்கை சுழற்சிக்கு சாதகமானவை ஆகும். சூடான, வறண்ட வானிலை இதன் வளர்ச்சியைத் தடுக்கிறது. இதன் அறிகுறிகள் பல்வேறு தாவர வகைகளுக்கு இடையே சற்று வேறுபடுகின்றன. நோய்த்தாக்கம் ஏற்படுவதற்கு அதிக வாய்ப்புகள் கொண்ட தாவர வகைகளில் 14-21 நாட்களில் பூஞ்சை அதன் வாழ்க்கைச் சுழற்சியை (நோய்த்தொற்றிலிருந்து புதிய வித்துக்கள் உற்பத்தி செய்தல் வரை) நிறைவு செய்கிறது, மற்றும் நோய் எதிர்ப்புத் திறன் கொண்ட தாவர வகைகளில் 21-28 நாட்களில் அதன் வாழ்க்கை சுழற்சி நிறைவடைகிறது.