ਗੁਲਾਬ
ਸੌਫਲਾਈਜ਼
Tenthredinidae
ਕੀੜਾ
ਸੰਖੇਪ ਵਿੱਚ
- ਗੁਲਾਬ ਦੇ ਪੱਤਿਆਂ 'ਤੇ ਖਾਦੇ ਜਾਣ ਕਾਰਨ ਹੋਣ ਵਾਲਾ ਨੁਕਸਾਨ। ਪੱਤੇ ਕਾਗਜ਼ ਵਰਗੇ, ਪਾਰਦਰਸ਼ੀ, ਸੁੱਕੇ, ਮੁੜੇ ਹੋਏ ਅਤੇ ਸੁੰਗੜੇ ਹੋਏ ਹੋ ਜਾਂਦੇ ਹਨ। ਪੌਦੇ ਦੇ ਪੱਤੇ ਝੜ ਜਾਂਦੇ ਹਨ ਅਤੇ ਪੌਦਾ ਕਮਜ਼ੋਰ ਹੋ ਜਾਂਦਾ ਹੈ। ਛੋਟੇ, ਪੀਲੇ-ਹਰੇ ਰੰਗ ਦੇ ਸੁੰਡੀ ਵਰਗੇ ਲਾਰਵੇ।.
ਵਿੱਚ ਵੀ ਪਾਇਆ ਜਾ ਸਕਦਾ ਹੈ
ਗੁਲਾਬ
ਲੱਛਣ
ਸ਼ੁਰੂਆਤੀ ਲੱਛਣ ਪੱਤੇ ਦੀ ਸਤ੍ਹ 'ਤੇ ਛੋਟੇ, ਪਾਰਦਰਸ਼ੀ ਧੱਬਿਆਂ ਦੇ ਰੂਪ ਵਿੱਚ ਦਿਖਾਈਂ ਦਿੰਦੇ ਹਨ, ਜਿਸ ਨਾਲ ਸਿਰਫ਼ ਨਾੜੀਆਂ ਅਤੇ ਇੱਕ ਪਤਲੀ, ਕਾਗਜ਼ ਵਰਗੀ ਪਰਤ ਹੀ ਬਾਕੀ ਰਹਿ ਜਾਂਦੀ ਹੈ। ਜਿਵੇਂ-ਜਿਵੇਂ ਉਹ ਪੱਤਿਆਂ ਨੂੰ ਖਾਂਦੇ ਰਹਿੰਦੇ ਹਨ, ਪ੍ਰਭਾਵਿਤ ਹਿੱਸੇ ਵੱਧਦੇ ਜਾਂਦੇ ਹਨ, ਸੁੱਕ ਜਾਂਦੇ ਹਨ, ਭੂਰੇ ਹੋ ਜਾਂਦੇ ਹਨ ਅਤੇ ਪੱਤੇ ਦੇ ਮੁੜਨ ਅਤੇ ਸੁੰਗੜਨ ਦਾ ਕਾਰਨ ਬਣਦੇ ਹਨ। ਗੰਭੀਰ ਸੰਕਰਮਣ ਪੂਰੇ ਪੱਤਿਆਂ ਨੂੰ ਖ਼ਤਮ ਕਰ ਸਕਦੀ ਹੈ ਅਤੇ ਪੌਦੇ ਦੇ ਪੱਤੇ ਝਾੜ ਸਕਦੀ ਹੈ। ਹਾਲਾਂਕਿ ਹਲਕੇ ਹਮਲੇ ਆਮ ਤੌਰ 'ਤੇ ਪੁਰਾਣੇ ਚੰਗੀ ਤਰ੍ਹਾਂ ਸਥਾਪਿਤ ਗੁਲਾਬ ਦੇ ਪੌਦਿਆਂ ਨੂੰ ਨੁਕਸਾਨ ਨਹੀਂ ਪਹੁੰਚਾਉਂਦੇ, ਪਰ ਵਾਰ-ਵਾਰ ਜਾਂ ਭਾਰੀ ਹਮਲੇ ਪੌਦੇ ਨੂੰ ਕਾਫ਼ੀ ਕਮਜ਼ੋਰ ਕਰ ਦਿੰਦੇ ਹਨ, ਜਿਸ ਨਾਲ ਹੋਰ ਕੀੜਿਆਂ ਅਤੇ ਉੱਲੀ ਦੇ ਰੋਗਾਂ ਵਰਗੇ ਦੂਜੇ ਖ਼ਤਰਿਆਂ ਪ੍ਰਤੀ ਸੰਵੇਦਨਸ਼ੀਲਤਾ ਵੱਧ ਜਾਂਦੀ ਹੈ।
ਸਿਫਾਰਸ਼ਾਂ
ਜੈਵਿਕ ਨਿਯੰਤਰਣ
ਕਈ ਘੱਟ-ਜ਼ਹਿਰੀਲੇ, ਜੈਵਿਕ ਤੌਰ 'ਤੇ ਪ੍ਰਮਾਣਿਤ ਉਤਪਾਦਾਂ ਦੀ ਵਰਤੋਂ ਸਿੱਧੇ ਲਾਰਵੇ ਦੇ ਵਿਰੁੱਧ ਵੀ ਕੀਤੀ ਜਾ ਸਕਦੀ ਹੈ: ਕੀਟਨਾਸ਼ਕ ਸਾਬਣ ਸੰਪਰਕ ਵਿੱਚ ਆਉਣ 'ਤੇ ਛੋਟੇ ਲਾਰਵੇ ਨੂੰ ਮਾਰ ਦਿੰਦਾ ਹੈ; ਪੱਤਿਆਂ ਦੇ ਦੋਵਾਂ ਪਾਸਿਆਂ 'ਤੇ ਚੰਗੀ ਤਰ੍ਹਾਂ ਛਿੜਕਾਅ ਯਕੀਨੀ ਬਣਾਓ। ਨੀਮ ਦਾ ਤੇਲ ਲਾਰਵੇ ਦੇ ਖਾਣ ਅਤੇ ਵਿਕਾਸ ਦੀ ਪ੍ਰਕਿਰਿਆ ਵਿੱਚ ਰੁਕਾਵਟ ਪਾਉਂਦਾ ਹੈ; ਪਰਾਗਿਤ ਕਰਨ ਵਾਲੇ ਕੀੜਿਆਂ ਨੂੰ ਨੁਕਸਾਨ ਪਹੁੰਚਾਉਣ ਤੋਂ ਬਚਣ ਲਈ ਸਵੇਰੇ ਜਲਦੀ ਜਾਂ ਸ਼ਾਮ ਵੇਲੇ ਵਰਤੋਂ ਕਰੋ। ਸਪਿਨੋਸੈਡ ਪੱਤਿਆਂ ਦੇ ਟਿਸ਼ੂਆਂ ਵਿੱਚ ਜ਼ਜ਼ਬ ਹੋ ਜਾਂਦਾ ਹੈ ਅਤੇ ਪੱਤੇ ਖਾਣ 'ਤੇ ਲਾਰਵੇ ਦੇ ਨਾੜੀ ਤੰਤਰ ਨੂੰ ਨਸ਼ਟ ਕਰ ਦਿੰਦਾ ਹੈ; ਇਹ ਪ੍ਰਭਾਵਸ਼ਾਲੀ ਹੈ ਪਰ ਮਧੂ-ਮੱਖੀਆਂ ਅਤੇ ਕੁਝ ਲਾਭਦਾਇਕ ਕੀੜਿਆਂ 'ਤੇ ਮਾੜਾ ਅਸਰ ਪਾ ਸਕਦਾ ਹੈ, ਇਸ ਲਈ ਸਾਵਧਾਨੀ ਨਾਲ ਵਰਤੋਂ ਕਰੋ। ਕੁਦਰਤੀ ਦੁਸ਼ਮਣ: ਕੀੜੇ-ਮਕੌੜੇ ਖਾਣ ਵਾਲੇ ਪੰਛੀ, ਪਰਜੀਵੀ ਭਰਿੰਡਾਂ, ਸ਼ਿਕਾਰੀ ਭੂੰਡੀਆਂ, ਉੱਲੀ ਅਤੇ ਵਿਸ਼ਾਣੂ, ਰੋਗ, ਅਤੇ ਛੋਟੇ ਜੀਵ ਸੌਫਲਾਈ ਦੀ ਆਬਾਦੀ ਨੂੰ ਘੱਟ ਰੱਖਦੇ ਹਨ ਅਤੇ ਵਧਦੀ ਹੋਈ ਆਬਾਦੀ ਨੂੰ ਘਟਾ ਸਕਦੇ ਹਨ। ਇਹਨਾਂ ਕੁਦਰਤੀ ਦੁਸ਼ਮਣਾਂ ਦੀ ਮੱਦਦ ਕਰਨਾ ਲੰਬੇ ਸਮੇਂ ਲਈ ਸਭ ਤੋਂ ਵਧੀਆਂ ਅਤੇ ਟਿਕਾਊ ਰਣਨੀਤੀ ਹੈ।
ਰਸਾਇਣਿਕ ਨਿਯੰਤਰਣ
ਸਭ ਤੋਂ ਪਹਿਲਾਂ ਰੋਕਥਾਮ ਅਤੇ ਜੈਵਿਕ ਉਪਾਵਾਂ ਵਾਲੇ ਹਮੇਸ਼ਾ ਇੱਕ ਸੰਯੁਕਤ ਤਰੀਕੇ ਨਾਲ ਇਲਾਜ਼ ਕਰਨ ਬਾਰੇ ਵਿਚਾਰ ਕਰੋ। ਰਸਾਇਣਿਕ ਕੀਟਨਾਸ਼ਕ ਸੌਫਲਾਈਜ਼ ਦੇ ਕੁਦਰਤੀ ਦੁਸ਼ਮਣਾਂ ਨੂੰ ਨੁਕਸਾਨ ਪਹੁੰਚਾ ਸਕਦੇ ਹਨ ਅਤੇ ਇਹਨਾਂ ਦੀ ਵਰਤੋਂ ਸਿਰਫ਼ ਉਦੋਂ ਹੀ ਕੀਤੀ ਜਾਣੀ ਚਾਹੀਦੀ ਹੈ ਜਦੋਂ ਕੀੜਿਆਂ ਦਾ ਹਮਲਾ ਨਾਜ਼ੁਕ ਪੱਧਰ 'ਤੇ ਪਹੁੰਚ ਜਾਵੇ ਅਤੇ ਹੋਰ ਤਰੀਕੇ ਨਾਕਾਫ਼ੀ ਸਾਬਿਤ ਹੋਏ ਹੋਣ। ਜੇਕਰ ਇਲਾਜ਼ ਦੀ ਲੋੜ ਹੋਵੇ, ਤਾਂ ਵਿਆਪਕ-ਅਸਰ ਵਾਲੇ ਕੀਟਨਾਸ਼ਕਾਂ ਦੀ ਬਜਾਏ ਨਿਸ਼ਾਨੇਬੱਧ, ਘੱਟ-ਜ਼ਹਿਰੀਲੇ ਉਤਪਾਦਾਂ ਦੀ ਚੋਣ ਕਰੋ।
ਇਸਦਾ ਕੀ ਕਾਰਨ ਸੀ
ਇਹ ਨੁਕਸਾਨ ਟੈਂਥਰੇਡੀਨੀਡੇ ਪਰਿਵਾਰ ਦੇ ਸੌਫਲਾਈਜ਼ ਦੇ ਲਾਰਵੇ ਕਾਰਨ ਹੁੰਦਾ ਹੈ, ਜੋ ਗੁਲਾਬ ਦੇ ਪੱਤਿਆਂ ਦੇ ਨਰਮ ਹਿੱਸਿਆਂ ਨੂੰ ਖਾਂਦੇ ਹਨ। ਬਾਲਗ਼ ਸੌਫਲਾਈਜ਼ ਪੱਤਿਆਂ ਦੇ ਹੇਠਲੇ ਪਾਸੇ ਚੀਰੇ ਲਗਾਉਣ ਲਈ ਆਰੇ ਵਰਗੇ ਅੰਗ ਦੀ ਵਰਤੋਂ ਕਰਦੇ ਹਨ, ਜਿੱਥੇ ਉਹ ਆਪਣੇ ਆਂਡੇ ਦਿੰਦੇ ਹਨ। ਆਂਡਿਆਂ ਵਿੱਚੋਂ ਨਿਕਲਣ ਤੋਂ ਬਾਅਦ, ਲਾਰਵੇ ਲਗਭਗ ਚਾਰ ਹਫ਼ਤਿਆਂ ਤੱਕ ਪੱਤਿਆਂ ਨੂੰ ਖਾਂਦੇ ਹਨ ਅਤੇ ਫਿਰ ਪਿਊਪਾ ਬਣਨ ਲਈ ਮਿੱਟੀ ਵਿੱਚ ਡਿੱਗ ਜਾਂਦੇ ਹਨ। ਬਾਲਗ਼ ਕੀੜੇ ਮੋਟੇ, ਭਰਿੰਡ ਵਰਗੇ ਹੁੰਦੇ ਹਨ, ਜੋ ਆਮ ਤੌਰ 'ਤੇ ਕਾਲ਼ੇ ਜਾਂ ਗੂੜ੍ਹੇ ਰੰਗ ਦੇ ਹੁੰਦੇ ਹਨ ਅਤੇ ਇਹਨਾਂ ਦੇ ਦੋ ਜੋੜੇ ਖੰਭ ਹੁੰਦੇ ਹਨ। ਪ੍ਰਜਾਤੀ ਦੇ ਆਧਾਰ 'ਤੇ, ਪ੍ਰਤੀ ਸਾਲ ਇੱਕ ਤੋਂ ਤਿੰਨ ਪੀੜ੍ਹੀਆਂ ਪੈਦਾ ਹੋ ਸਕਦੀਆਂ ਹਨ, ਜਿਸ ਵਿੱਚ ਸਭ ਤੋਂ ਵੱਧ ਨੁਕਸਾਨ ਪਹੁੰਚਾਉਣ ਵਾਲੀ ਗਤੀਵਿਧੀ ਆਮ ਤੌਰ 'ਤੇ ਬਸੰਤ ਦੇ ਅਖ਼ੀਰ ਅਤੇ ਗਰਮੀਆਂ ਦੀ ਸ਼ੁਰੂਆਤ ਵਿੱਚ ਹੁੰਦੀ ਹੈ।
ਰੋਕਥਾਮ ਦੇ ਉਪਾਅ
- ਸੰਕਰਮਣ ਦਾ ਜ਼ਲਦੀ ਪਤਾ ਲਗਾਉਣ ਲਈ, ਖ਼ਾਸ ਕਰਕੇ ਬਸੰਤ ਰੁੱਤ ਵਿੱਚ, ਪੱਤਿਆਂ ਦੇ ਦੋਵਾਂ ਪਾਸਿਆਂ ਦੀ ਨਿਯਮਿਤ ਤੌਰ 'ਤੇ ਜਾਂਚ ਕਰੋ। ਜੇਕਰ ਕੀੜਿਆਂ ਦੀ ਗਿਣਤੀ ਘੱਟ ਹੋਵੇ, ਤਾਂ ਪ੍ਰਭਾਵਿਤ ਪੱਤਿਆਂ ਨੂੰ ਹਟਾ ਕੇ ਨਸ਼ਟ ਕਰ ਦਿਓ ਜਾਂ ਲਾਰਵੇ ਨੂੰ ਹੱਥ ਨਾਲ ਚੁਣ ਕੇ ਸਾਫ਼ ਕਰ ਦਿਓ। ਪਾਣੀ ਦੀ ਤੇਜ਼ ਧਾਰ ਨਾਲ ਲਾਰਵੇ ਨੂੰ ਪੌਦਿਆਂ ਤੋਂ ਹੇਠਾਂ ਡੇਗ ਦਿਓ; ਉਹਨਾਂ ਨੂੰ ਦੁਬਾਰਾ ਉੱਪਰ ਚੜ੍ਹਨ ਵਿੱਚ ਮੁਸ਼ਕਿਲ ਹੁੰਦੀ ਹੈ। ਨਾਈਟ੍ਰੋਜਨ ਵਾਲੀ ਖਾਦ ਦੀ ਬਹੁਤ ਜ਼ਿਆਦਾ ਵਰਤੋਂ ਕਰਨ ਤੋਂ ਬਚੋ। ਪਰਜੀਵੀ ਕੀੜੇ ਅਤੇ ਸ਼ਿਕਾਰੀ ਕੀੜਿਆਂ ਨੂੰ ਆਕਰਸ਼ਿਤ ਕਰਨ ਲਈ ਗੁਲਾਬ ਦੇ ਨੇੜੇ ਅੰਮ੍ਰਿਤ ਨਾਲ ਭਰਪੂਰ ਸਹਿਯੋਗੀ ਪੌਦੇ ਲਗਾ ਕੇ ਕੁਦਰਤੀ ਦੁਸ਼ਮਣਾਂ ਨੂੰ ਉਤਸ਼ਾਹਿਤ ਕਰੋ।.
ਸਾਂਝਾ ਕਰੋ
Work in crop protection, seeds or fertilizer?
This page is powered by millions of live Plantix diagnoses. Reach farmers at the exact moment they diagnose ਸੌਫਲਾਈਜ਼ with Demand Creation, part of Plantix Intelligence.
ਪਲਾਂਟਿਕਸ ਡਾਊਨਲੋਡ ਕਰੋ
