कोकोआ शेंग सड रोग

लक्षणे

कोको शेंग सड रोग, शेंगेच्या विविध टप्प्यांना संक्रमित करु शकतो, तसेच शेंगा जसजशा पक्व होत जातात त्याप्रमाणे संक्रमणाची लक्षणेही बदलत रहातात. हा रोग फक्त शेंगा आणि फळांनाच प्रभावित करतो, पाने किंवा फांद्यांना प्रभावित करत नाही. कोवळ्या शेंगा पृष्ठभागावरुन फुगतात, ती सूज किंचितशी पिवळसर असते. शेंगांचा आतील भाग मऊ आणि पाणेदार होतो. वाढणार्‍या शेंगांना जास्त गंभीर बेढबपण येतो आणि त्यांचा फुगीरपणा गडद तपकिरी डागांनी भरतो, जे नंतर पूर्ण पृष्ठभाग व्यापतात. आतील भाग पांढर्‍या पावडरीसारख्या बीजाणूंनी व्यापतो. शेंगा लवकर पक्व होतात आणि आतुन कूजतात, दिसण्यास लालसर तपकिरी दिसतात. पक्व शेंगांवर बेढब तेलकट तपकिरी डाग येतात जे मोठे होऊन एकमेकांत मिसळतात आणि त्यांवरही पांढर्‍या पावडरीचा थर तयार होतो. शेंगा चांगल्याच जड होतात आणि अखेरीस आक्रसून कडक काळ्या पडतात.