Pempherulus affinis
പ്രാണി
5 mins to read
പരുത്തിയിലെ കാണ്ഡവണ്ടുകളുടെ ആക്രമണത്തിന്റെ പ്രധാന ലക്ഷണം തറനിരപ്പിനു തൊട്ടു മുകളിലായി തണ്ടുകളിൽ കണ്ട് വരുന്ന കെട്ടുകള് പോലെയുള്ള വീക്കമാണ്. ഇതിന് കാരണം തണ്ടുകളിലെ ആക്രമണം കാരണം ധമനീകോശങ്ങൾക്കുണ്ടാകുന്ന തകരാറുകളാണ്. ആക്രമണത്തിന്റെ അനന്തരഫലമായി തൈകള് നശിച്ചു പോകുന്നു. മുതിര്ന്ന ചെടികൾ വാടുന്ന ലക്ഷണങ്ങൾ ദൃശ്യമാക്കി ക്രമേണ ഉണങ്ങുന്നു. അവ അതിജീവിക്കാൻ സാധ്യതയുണ്ട് പക്ഷെ ഓജസു കുറവും മുരടിപ്പും ഉണ്ടാകും. ബാധിച്ച തണ്ടുകൾ ശക്തമായ കാറ്റില് അനായാസം ഒടിഞ്ഞു വീഴും. പഞ്ഞി ഗോളങ്ങളുടെ എണ്ണക്കുറവും നാരുകളുടെ മേന്മക്കുറവുമാണ് മറ്റു ലക്ഷണങ്ങള്.
കൃഷിയിടങ്ങളിൽ ആദ്യ വളപ്രയോഗത്തിന്റെ സമയത്ത് കളമുറ്റ വളങ്ങളുടെ (FYM) കൂടെ വേപ്പിൻ പിണ്ണാക്ക് ചേർക്കുന്നത് തണ്ടുകളിലെയും മൊട്ടുകളിലെയും അക്രമം കുറയ്ക്കുന്നു(10 ടൺ എഫ് യൈ എം + 250 കെജി വേപ്പിൻ പിണ്ണാക്ക് /എച് എ). തൈകളില് വേപ്പെണ്ണ ലായനി പ്രയോഗിക്കുന്നത് വണ്ടുകള് ഇലകളിൽ മുട്ടയിടുന്നത് തടയുന്നു. വണ്ടുകളെ നിരീക്ഷിക്കുന്നതിനും നശിപ്പിക്കുന്നതിനും ഫെറമോന് കെണികളില് ഉപയോഗിക്കാം(ജൈവ കീടനാശിനിയോടൊപ്പം).
ലഭ്യമെങ്കില് ജൈവശാസ്ത്ര ചികിത്സകളെ പ്രതിരോധ മാര്ഗ്ഗങ്ങളുമായി സമന്വയിപ്പിച്ച ഒരു സമീപനം എപ്പോഴും പരിഗണിക്കുക. വിത്തുകളുപയോഗിച്ചുള്ള (10 മില്ലി ക്ലോര്പൈറിഫോസ് 20 ഇ സി/കി. ഗ്രാം വിത്ത്) പ്രതിരോധ ചികിത്സ പ്രാണികളുടെ വ്യാപനം തടയുന്നു. ക്ളോര്പൈറിഫോസ് 20 ഇ സി ( 20 EC) ഉപയോഗിച്ച് തണ്ടുകള്ക്ക് ചുറ്റും തളിക്കുന്നതും (2.5 മില്ലി/ലി) വണ്ടുകൾക്കെതിരെ ഫലപ്രദമാണ്. മുളപൊട്ടിയതിന് ശേഷം 15-20 ദിവസങ്ങൾക്ക് ശേഷം 15 ദിവസ ഇടവേളകളിൽ ചെടികൾ കുതിർത്തിടുക. വണ്ടുകളുടെ സാന്നിധ്യം മനസ്സിലാക്കുവാനും നിയന്ത്രിക്കുവാനും ഫെറമോന് കെണികള് സ്ഥാപിക്കുക(കീടനാശിനിയോടൊപ്പം ചേര്ത്ത്)
പെംഫെറുലസ് അഫിനിസ് എന്ന പരുത്തിയിലെ കാണ്ഡവണ്ടാണ് രോഗ കാരണം. മുതിർന്നവ ചെറുതും, ഇരുണ്ട തവിട്ടു നിറത്തോട് കൂടിയവയും ചിറകുകളിലും തലയിലും വെള്ള നിറത്തോട് കൂടിയവയുമാണ്. ഇവയുടെ പെണ്ജാതി തൈകളുടെ ഇളം തളിരുകളിൽ മുട്ടയിടുന്നു. മുട്ടകൾ വിരിഞ്ഞ ശേഷം വെളുത്ത ചെറു പുഴുക്കള് പുറം തൊലിക്കും തണ്ടിനും ഇടയില് തുരന്നു കയറി ധമനീ കോശങ്ങൾ ആഹാരമാക്കുകയും ചെയ്യുന്നു. ഇത് മൂലം തറ നിരപ്പിനു തൊട്ടു മുകളിലായി സവിശേഷമായ വീക്കമുണ്ടാകുന്നു. പരുത്തിയിലെ കൂമ്പു വണ്ടുകളും (ആല്സിഡോസ് അഫെദര്) ഇതിനു സമാനമായ രീതിയിലാണ് പെരുമാറുന്നത്. അതിനാല് അതേ ചികിത്സ, പ്രതിരോധ രീതികളാണ് ഉപയോഗിക്കേണ്ടത്. എന്നിരുന്നാലും പരുത്തിയിലെ കാണ്ഡവണ്ട് ഇരുണ്ട ചാരം കലർന്ന തവിട്ടു നിറത്തോട് കൂടിയവയും മുൻ ചിറകുകളിൽ വിളറിയ പട്ടകളോട് കൂടിയവയുമാണ്. ഇവ തെക്കേയിന്ത്യയില്, പ്രത്യേകിച്ച് തമിഴ് നാട്ടിൽ വല്ലപ്പോഴും ഗൌരവമേറിയ കീടമായേക്കാം.