മാമ്പഴം
മാവിലെ പൊറ്റ
Elsinoë mangiferae
കുമിൾ
5 mins to read
ചുരുക്കത്തിൽ
- കായ്കളില്‍ ചെറിയ കറുത്ത ക്ഷതങ്ങളുടെ രൂപീകരണം.
- ബാധിക്കപ്പെട്ട തണ്ട് ചാരനിറത്തിലുള്ള ക്ഷതങ്ങളാല്‍ നേരിയ തോതില്‍ വീർക്കുന്നതായി കാണപ്പെടുന്നു.
- ഇലകളിൽ നേരിയ വലയത്തോടെ തവിട്ട് നിറത്തിലുള്ള പുള്ളിക്കുത്തുകൾ.
കണ്ടെത്താൻ കഴിയുന്ന മറ്റ് വിളകൾ
മാമ്പഴം
ലക്ഷണങ്ങൾ
എൽസിനോ മാംഗിഫെറയുടെ കുമിളാണ് രോഗലക്ഷണങ്ങൾക്ക് കാരണം. ചെടികളുടെ ഇനം, ചെടിയുടെ ഭാഗം, ബാധിപ്പിൻ്റെ സമയത്ത് കോശങ്ങളുടെ പ്രായം, ചെടികളുടെ ഊർജ്ജസ്വലത, ചാരുത എന്നിങ്ങനെ വൈവിധ്യമാർന്ന ഘടകങ്ങൾ ആശ്രയിച്ച് രോഗലക്ഷണങ്ങൾ വ്യത്യാസപ്പെടാം. ഇളം കായകളില്‍ ചെറിയ കറുത്ത ക്ഷതങ്ങള്‍ പ്രത്യക്ഷപ്പെടുന്നു. ബാധിപ്പ് രൂക്ഷമാകുമ്പോൾ ഇലകളിൽ വൃത്താകൃതിയിലുള്ളതോ ക്രമരഹിതമോ ആയ തവിട്ട് മുതൽ ചാരനിറത്തിലുള്ള ക്ഷതങ്ങൾ രൂപം കൊള്ളുന്നു. ഇലകൾ ചുരുളുകയും രൂപഭേദം സംഭവിച്ച് പൊഴിയുകയും ചെയ്യുന്നു. ക്ഷതങ്ങൾ ഇളം-തവിട്ട് പൊറ്റ അല്ലെങ്കിൽ വ്രണാങ്കിതമായ കല ആയി വികസിക്കുന്നു. ഗുരുതരമായി ബാധിക്കപ്പെട്ട ഫലങ്ങൾ അകാലത്തിൽ പൊഴിയാനിടയുണ്ട്, അതേസമയം മരത്തിൽ അവശേഷിക്കുന്ന ഫലങ്ങളിൽ വ്രണാങ്കിതമായ കലകൾ വികസിക്കുന്നു, ഇത് ഫലത്തെ വിപണനരഹിതമാക്കുന്നു. ചെറുതായി ഉയർന്ന ചാരനിറത്തിലുള്ള, ദീർഘ വൃത്താകൃതി മുതൽ അണ്‌ഡാകൃതി വരെയുള്ള ക്ഷതങ്ങൾ തണ്ടിലെ കലകളിൽ ഉണ്ടാകുന്നു. വലിയ, നിറം ചെറുതായി മങ്ങിയ, കോര്‍ക്ക് പോലെയുള്ള ഭാഗങ്ങളും കാണ്ഡങ്ങളില്‍ നിരീക്ഷിക്കപ്പെട്ടിട്ടുണ്ട്. അപൂർവ സന്ദർഭങ്ങളിൽ, ഇലകളിൽ ക്ഷതങ്ങൾ സംഭവിക്കും. വലയങ്ങലോട് കൂടിയ തവിട്ട് പാടുകൾ പ്രത്യക്ഷപ്പെടുകയും ഇലകളുടെ അരികുകളിൽ ക്ഷതങ്ങൾ വികസിക്കുകയും ചെയ്യും. ഇലകളുടെ താഴത്തെ പ്രതലങ്ങളിൽ കോർക്ക് രൂപത്തിലുള്ള ക്ഷതങ്ങൾ നിരീക്ഷിക്കപ്പെടുന്നു. കഠിനമായ ബാധിപ്പിൽ ഇലപൊഴിയൽ സംഭവിക്കാം.
Recommendations
ജൈവ നിയന്ത്രണം
ഇന്നുവരെ, ഈ കുമിളിനെതിരെ ജൈവ നിയന്ത്രണ രീതികളൊന്നും വികസിപ്പിച്ചിട്ടില്ല. എന്നിരുന്നാലും, ചെമ്പ് അടങ്ങിയ കുമിൾനാശിനികൾ ചെടികളുടെ രോഗം ബാധിച്ച ഭാഗങ്ങളുടെ പരിചരണത്തിനായി ഉപയോഗിക്കാം.
രാസ നിയന്ത്രണം
ലഭ്യമെങ്കിൽ എപ്പോഴും ജൈവ പരിചരണത്തോടൊപ്പം പ്രതിരോധ നടപടികളും ചേർന്ന സംയോജിത സമീപനം സ്വീകരിക്കുക. ഓക്സിക്ലോറൈഡ്, ഹൈഡ്രോക്സൈഡ് അല്ലെങ്കിൽ ഓക്സൈഡ് എന്നിവയുടെ കോപ്പർ കുമിൾനാശിനികൾ കുറഞ്ഞത് പുഷ്പ മുകുളത്തിൻ്റെ ആരംഭ ഘട്ടം മുതൽ പൂവിടൽ വരെ രണ്ടോ മൂന്നോ ആഴ്ച ഇടവേളകളിൽ പ്രയോഗിക്കുക. പൂവിടൽ സമയത്തും ഫലരൂപീകരണ സമയത്തും മാങ്കോസെബ് ഉപയോഗിച്ച് കോപ്പർ തളികൾ പുനഃസ്ഥാപിക്കുക. ഈർപ്പമുള്ള അവസ്ഥ കുമിൾ അണുബാധയെ അനുകൂലിക്കുന്നതിനാൽ, കുമിൾനാശിനിയുടെ കൂടുതൽ പ്രയോഗങ്ങൾ തുടർച്ചയായി ആവശ്യമാണ്. ഇതിനാൽ ഈർപ്പം മൂലം കുമിൾനാശികൾ നഷ്ടപ്പെടുന്നത് പരിഹരിക്കാനും പരിചരണത്തിൻ്റെ ഫലപ്രാപ്തി വർദ്ധിപ്പിക്കാനും കഴിയും.
അതിന് എന്താണ് കാരണം
ചതുപ്പുനിലമുള്ള താഴ്ന്ന തോട്ടങ്ങളിൽ മാവിലെ പൊറ്റ പ്രത്യക്ഷപ്പെടുന്നു. പൂവിടുമ്പോൾ നീണ്ടുനിൽക്കുന്ന മഴയും ആദ്യകാല ഫല രൂപീകരണ ഘട്ടങ്ങളും രോഗം പ്രത്യക്ഷപ്പെടുന്നതിന് കാരണമാകും. ഇളം കലകൾ മാത്രമേ ബാധിക്കപ്പെടാൻ സാധ്യതയുള്ളൂ, ഫലം ഏകദേശം പകുതി വലുപ്പത്തിൽ എത്തിക്കഴിഞ്ഞാൽ ബാധിപ്പ് പ്രതിരോധിക്കും. ജീവിച്ചിരിക്കുന്ന സസ്യ കലകളിൽ മാത്രമേ ഇതിന് നിലനിൽക്കാൻ കഴിയൂ. കുമിൾ ബീജകോശങ്ങൾ മഴ വെള്ളം തെറിക്കുന്നതിലൂടെയോ അല്ലെങ്കിൽ കാറ്റിലൂടെയോ വ്യാപിക്കുന്നു, ഇത് ദ്വിതീയ ബാധിപ്പിന് കാരണമാകുന്നു. അല്ലെങ്കിൽ, മണ്ണിൻ്റെ അവശിഷ്ടങ്ങളിൽ ഇത് അതിജീവിക്കുന്നു. ആന്ത്രാക്നോസിൻ്റെ ഉയർന്നു നിൽക്കാത്ത ക്ഷതങ്ങൾ ഒഴികെ ഈ ലക്ഷണങ്ങൾ ആന്ത്രാക്നോസിൻ്റെ ലക്ഷണങ്ങളുമായി ആശയക്കുഴപ്പമുണ്ടാക്കാം.
പ്രതിരോധ നടപടികൾ
- ഗുരുതരമായി ബാധിക്കപ്പെട്ട മരങ്ങളിൽ, ജീവാണുക്കളുടെ അളവ് കുറയ്ക്കുന്നതിന് പഴയ രോഗബാധയുള്ള കാണ്ഡം വെട്ടിമാറ്റുന്നത് പ്രയോജനകരമാണ്.
- അണുബാധയും രോഗ വ്യാപനവും തടയുന്നതിന്, മണ്ണിൽ നിലനിൽക്കാൻ കഴിയുന്ന നശിച്ച കലകൾ നീക്കം ചെയ്യുകയും നശിപ്പിക്കുകയും ചെയ്യുക.
- മഴവെള്ളം തെറിക്കുന്നതിലൂടെ ബീജകോശങ്ങൾ എളുപ്പത്തിൽ പടരുമെന്നതിനാൽ, വ്യാപനം കുറയ്ക്കുന്നതിന് ബാധിക്കപ്പെട്ട പൂങ്കുലകൾ, നശിച്ച ശാഖകൾ, അഴുകി ഉണങ്ങിയ പഴങ്ങൾ എന്നിവ വെട്ടിമാറ്റാന്‍ ശുപാര്‍ശ ചെയ്യുന്നു.
പങ്കുവെയ്ക്കുക
പ്ലാൻ്റിക്സ് ഡൗൺലോഡ് ചെയ്യുക
