Ceratocystis paradoxa
കുമിൾ
5 mins to read
മുറിച്ച ഭാഗങ്ങളിലൂടെയോ കീടങ്ങള് മൂലമുള്ള പരിക്കുകളിലൂടെയോ ആണ് കുമിളുകള് നടീല് വസ്തുക്കളില് കടന്നു കൂടുന്നത്. ഇവ ആന്തരിക കോശങ്ങളിലൂടെ ദ്രുതഗതിയില് പടരുന്നു. ഇവ ആദ്യം ചുവന്ന നിറവും പിന്നീട് തവിട്ടു കലര്ന്ന-കറുപ്പും കഴിഞ്ഞ് കറുപ്പ് നിറവും ആയി മാറുന്നു. ഈ അഴുകല് പ്രക്രിയ പൊള്ളയായ ഭാഗങ്ങളുടെ രൂപീകരണത്തിലേക്ക് നയിക്കുകയും, പഴുത്തളിഞ്ഞ കൈതച്ചക്കയുടെ സവിശേഷമായ ഗന്ധം പുറപ്പെടുവിക്കുകയും ചെയ്യുന്നു. ഈ ഗന്ധം നിരവധി ആഴ്ചകള് തങ്ങിനില്ക്കും. രോഗം ബാധിച്ച വിളകളുടെ വേരുകള് രൂപമെടുക്കാന് പരാജയപ്പെടുന്നു, പ്രാഥമികഘട്ടത്തിലുള്ള മുളകള് വളരാന് പരാജയപ്പെടുന്നു, വളരുന്നവ നശിക്കുകയോ മുരടിക്കുകയോ ചെയ്യുന്നു.
എന്തെങ്കിലും കാരണത്താല് നടീല് കാലം വൈകിയാല്, നടീല് തണ്ടുകള് നടുന്നതിന് മുമ്പായി ചൂടുവെള്ളത്തില് (51°C-ല്) 30 മിനിറ്റ് പരിചരിക്കുക. കൃഷിയിടത്തില് മുളയ്ക്കാത്ത തണ്ടുകള് കണ്ടെത്തി അവയെ രോഗലക്ഷണങ്ങള്ക്കായി (അഴുകലും ദുര്ഗന്ധവും) പിളര്ന്നു നോക്കുക.
ലഭ്യമെങ്കിൽ ജൈവ പരിചരണത്തോടൊപ്പം സംയോജിത നിയന്ത്രണ രീതികളും ചേർത്തുള്ള പ്രതിരോധ നടപടികൾ സ്വീകരിക്കുക. കുമിള്നാശിനി ഉപയോഗിച്ചുള്ള ചികിത്സ സാമ്പത്തികമായി അനുകൂലമാകില്ല.
ചെടികള് നട്ട് കഴിഞ്ഞു ആദ്യത്തെ ആഴ്ച്ചകളിലാണ് കീടമുണ്ടാകുന്നത്. കാറ്റിലൂടെയോ വെള്ളതിലൂടെയോ ജലസേചന വെള്ളതിലൂടെയോ ആണ് കുമിള് പടരുന്നത്. കീടങ്ങള്, പ്രത്യേകിച്ച് വണ്ടുകള് തണ്ട് തുളച്ച് ബീജങ്ങളെ വിതരണം ചെയ്യും. ബീജങ്ങള്ക്ക് മണ്ണില് ഒരു വര്ഷം വരെ ജീവിക്കാന് കഴിയും. രോഗം ബാധിച്ച ചെടികളില് അവ നിരവധി വര്ഷങ്ങള് ജീവിക്കും. മഴയ്ക്ക് ശേഷം വെള്ളം കെട്ടിനില്ക്കുന്ന ഇടങ്ങൾ രോഗ സാധ്യത വര്ധിപ്പിക്കുന്നു. 28°C നടുത്ത താപനിലകള് ബീജോത്പാദനത്തിനും കുമിള് വളര്ച്ചയ്ക്കും ഏറ്റവും അനുകൂലമാണ്. ദീര്ഘകാല വരള്ച്ചയും രോഗാണുവിനാൽ കരിമ്പ് ബാധിക്കപ്പെടാനുള്ള സാധ്യത വര്ധിപ്പിക്കുന്നു.